[يوسف الديـك]

باللهجة المصرية .....

[glint]بغير عليك[/glint]

بغير عليك
من لون عينيك
من نسمة لو عدت تسلّم يوم عليك

بغير عليك من دي الرموش
من ( بت ) قالت تعرفك ..
أو تانية قالت معرفوش
أنا اغير عليك

أغير عليك ،
لما تتبسم شفايفك
من حلاوة الابتسامة ، وضحكتك
م الشقاوة ، والطعامة ، والندى في همستك
من رقتك .. وحيات عينيك انا اغير عليك .

آآ يا قلبي اللي تعِبني
وآآآآ يا حبي اللي غلِبني
وآآ يا حيرتي ، وحرقتي
وغيرتي وعزابي وشوقي ليك
وبغير عليك .

بغير عليك من المراية ،
وقطرة باردة في السِقاية
وصوت حمامة بيندهك
وبغير عليك من كل صورة بتشبهك

طب تعالا اسمع لهيبي ،
ونار بتحرق جتتي
لما اغير من غيرتي ياني
ولما اغير منك عليك .

==

يوسف الديك