--------------------------------------------------------------------------------
المقدمة ..........
فتح المزاد ع الصبايا قربوا يا شباب
علام وخفة وادب شبكة وكتب كتاب
***********
قبل المذاد انا عاوز اقول كلمة
عشان نكون واضحين
مش أي حد يقف هنا
الا اللي احددهم انا
وعشان نريح نفسنا
عملنا كراسة شروط للمطلوبين
***********
واهم حاجة في الشروط
شباب يكونوا موظفين
***********
عشان بيبقى دخلهم
ثابت كدا طول عمرهم
ومعاش بيبقى بعدهم
والكشف والتامين
***********
اما اللي لسه شغلهم
مجاش لغاية عندهم
القهوة تبقى احسنلهم
لحين صدور قرار التعيين
***********
قهوة بلدنا مركز شباب
وعليها كل شبابنا اصحاب
مستنيين م الدولة جواب
لا مؤخذة يا اخواننا العاطلين
***********
اللي الحكومة موظفتوش
يطلب جواز هنقوللو ملوش
سواء معاه او كان معهوش
الرد واحد في الحالتين
***********
صاحب الوظيفة مننا
هو ده عريس الهنا
لو سنو كان خمسين سنة
ومرتبو ميه وخمسين
***********
وانته اللي جابك ايه هنا
هيه ناقصه مغفلين
فلاح حقير هلفوت عويل
مفيش جواز للفلاحين
***********
فتح المزاد يا حضرات
عاوزين مهور بقى بالملايين
فتح المذاد على بايرة بالف
حد فيكم قال الفين
فتح المذاد على بايرة بالف
حد فيكم قال الفين
ا
خي الشاعر عبد الحليم مدكور
جميل هذا الزجل وأبدعت فيه فالقارئ لابد أن يتذكر الزجال الكبير والشاعر بيرم التونسي
الذي أشتهر بنقد الأحوال في بلدنا ولك نفس سلالسة اسلوبه
لي ملاحظه قد تكون خطأ كيبوردي فكلمة( مذاد) تكتب 0(مزاد)
كراسة الشروط عباره عن أوبريت يرتكزعلى الديالوج أو الحوار وأعجبني جداً طريقتك في تناول مشكلة غلاء المهور في الزواج
فأزجالك هادفه وتحمل هماً إجتماعياً متفشي بالفعل!
سلمت يداك وروعتك
مودتي