|
لحظة ميلاد .. عبدالله عبداللطيف المحامي
لحظة ميلاد
عبدالله عبداللطيف المحامي *** يا حنين اللقا وأنين البعاد مهما تتوهني دروبك بنتلاقي لسه اللحظة .. مشتاقه ويجمعنا من تاني الميعاد يا حبيبتي يا أحلي زهرة ف البلاد لسه قلبي بيخاف عليكي لما تطل كل نظرة من عينيكي وإنتي بتعاني آلام المخاض لحظة صعبه وصفها شيء مستحيل قلبي يميل يحضنك حضنه الجميل لحظة حلوة إحساسنا بيها هو الدليل وننتظر بعد الألم يأتي الميلاد جوانا لحظة بتتولد ليه حظنا دايما قليل ؟ والعمر ضايع ف السهاد والإنتظار والحلا بيزيد مرار لكن .. لسه أحلامنا كتار الشوق ف قلبي والحنين جوايا نار لسه بحلم برسمك فوق الورود أسكن القلب الودود أرتاح ف حضنك وتعزف شفايفي عشقي نغم فوق الخدود لسه بحلم ألتقيكي نجمه ف سمايا طلة ربيع واعلنها ف حضور الجميع إنتي هوايا وقلبي ساكن ف عينيكي دبت فيكي لساني عاشق إنتظارك لسه حابب ينكوي قلبي بنارك ع الشط واقف مع النوارس وقلبي فارس غارس جدوري ف فنارك لسه بحلم يوم تجيني هتلاقيني غصن نادي غرقان بالحنين بيعلم الصفصاف كيف يكون حزين ؟ عشقي ليكي خلاني عاشق والهوي ف القلب راشق علمني حبك كل صنوف المعرفه علم الزمان علم المكان عشقك في قلبي فلسفه أفرح وأحزن أحس دايما بالإنتصار من غير حداد لكني لست شهريار ولا كنتي أنتي شهرزاد قلبين وبيحبوا الحياه عاشقين يحنوا ويخلقوا من العدم أجمل ميلاد من دون موات من نبض قلبك بتولد بلملم حروفك قلبي يشوفك ويشد خوفك من جوه جوفك ويرسمك إنسان جميل ولا لوش بديل يا نغمه حلوة شايلة قلبي وطايره بيه من جديد بتخلقيه ع البعد دايما هتلاقيه يسكنك وتحسي بيه يطبطب عليكي وتمسحي دمعه ف عينيه حسيت بقلبي بين ايديكي نغمه حلوة ع الوتر وبتعزفيه حواء رقيقه رفيقه إنتي الحبيبة والصديقة وقلبي آدم حابب هواكي رغم البعاد منحاز إليكي مفيش حياد ف كل لحظة بيلتقيكي وكل طله من عينيكي عمر تاني بالربيع والزهور والأماني ياللي حبك أحلي من كل الأغاني بتولد أنا بين إيديكي يا أحلي لحظة للميلاد يا أحلي لحظة للميلاد للتواصل : [email protected] [email protected] |
مشاركة: لحظة ميلاد .. عبدالله عبداللطيف المحامي
أخي الكريم الأستاذعبدالله حفظه الله ورعاه
أهلا وسهلا بك في منتدى الشعر العامي والنبطي ... قصيدتك جميله وطويله ...يملأها الأحساس ...والروعه ...غير انه كان على أن اتوقف خلال قرآءتها أكثر من مرة ..لأمسك بالأيقاع من جديد ....هل هي اللهجه ...أم انني فعلا كان علي ان اتوقف .. لك خالص الموده ...ودام إبداعك ... |
مشاركة: لحظة ميلاد .. عبدالله عبداللطيف المحامي
اقتباس:
*** الأستاذ عيسي العدوي تحياتي لمرورك وأشكر كلماتك .. وعذرا لتوقفك أكثر من مرة عسي أن تطيل البقاء بمساحة بين حروفي لكنها فعلا اللهجة يا عزيزي وتللك مشكلة تواجه العامية لإختلاف اللهجات ليتنا نستطيع إدراج قصائدنا بأصواتنا فالعامية تسمع أكثر مما تقرأ تحيتي |
مشاركة: لحظة ميلاد .. عبدالله عبداللطيف المحامي
بهيٌّ ورقيق
دمت مبدعا أخي عبد الله |
مشاركة: لحظة ميلاد .. عبدالله عبداللطيف المحامي
اقتباس:
*** عاشق الشعر إيـــــــــــــاد حياتله أشكر مرورك الجميل تحيتي |
| الساعة الآن 11:57 PM. |
Powered by vBulletin® Version 3.8.3
Copyright ©2000 - 2026, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط