منتديات مجلة أقلام

كنز بِترولنا اللي كامِنْ

حَفَّاراتْ وآلاتْ تقيلَه
تِرْفَعْ البترول بِحيلَه
تِجْعَلُه مِنْ سِرْ كامِنْ تحت أرضْ وتحت مَيَّه
نورْ وطاقَه وصوتْ مَصانِعْ
...
ثَروَه بِتدافِعْ وتِحمي
م التَخَلُّفْ والتَراجُعْ
...
ثَروَه تِدِّي شبابنا فُرْصَه
ومِنْ إدين غول البَطالَه تنقذه
وعَنُّه تِدافِعْ ..
تِسْنِدُه ف كُل المَواقِع ..
...
حَفَّرات وآلات قَوِيَّه
أنتَجِتها عقول ذكيَّه
وبْسَواعِدنا الأَبِيَّه
تِرفَع الكنز المِخَبِّي
تحت أرض وتحت مَيَّه
...
ثَرْوِةْ البترولْ حكايه
تنطلق م الأرض ؛ تِرفَعْ
بين بلاد الدنيا رايه
للتَقَدُّمْ والإرادَه
...
لَمَّا عَقل الحُرْ صَمِّمْ يِمْحي أُمِّيِّةْ ولادُه
عن رموز طَبَقاتْ أراضي
أو كنوز كامنَه ف بلادُه
...
حَفَّرات في إدين ولادنا
بِالكفاحْ والصَبر تِكْشِفْ عن معادِن ..
غاز طبيعي
وَلاَّ بترولْ مستِخَبِّي
مِنْ زَمانْ في الأرضْ كامِنْ ..
يرتفع بإدين أصيلَه
يِضوي نورْ فَرْحَه جميلَه
شايفه مُستَقبَلْ بلادنا جاي لنا واثِقْ .. وآمِنْ ...