منتديات مجلة أقلام - حكاوى الغربة

حكاوى بتبتدى وتخلص
بعيد عن بلدى تتسطر

ويفلت عمرنا منا
كتير العمر ده قصير

ومهما كبرنا وبعدنا
بنفضل لسة بندور

على الحلم اللى عاش بنا
ويوم عن يوم ولا اتغير

نقول راجعين نغيرها
نمنى نفسنا ونصبر

ونجرى عليها نحضنها
تبص بعيد وتتكبر

ونسأل ليه تردينا
فماتردش ولا تعبر

وبنفكر هننساها
ومهما نقول ولا بنقدر

ويفضل حبها فينا
بيكبر كل يوم اكتر

ومش شايفينها غير جنة
مقامها فوق ولا اتأثر

وبنحاول ولا بنييأس
ونرجع تانى ونكرر

غمامة صيف وهتعدى
وترجع شمسنا تنور