حلاوة وطيب للياكل من تمرنا ( 1 )
نحب نسمع كلامك من تمرنا ( 2 )
تميل البصرة كلها من تمرنا ( 3 )
والك شط العرب ياخذ تحية

عونك ياوطن يابو الحضارات ... أحضنك لو صرت كلك سجاجين
الك حبي سوالف ع السلاطين
يابو الخير
ليش تفيض خيرات ع الجيرات وعبالك مسكين
حيطانك صفت بس شعارات
هواية( 4 ) أحزاب وشوية الحياطين
شفتك من بجيت الوحدك محد بجا وياك
انت ما تحتج دمعة بدون غيرة
مسحت دموعهم من هدت الخيل
وسقطت عروش وشيوخ وعشيرة

ياهو الماشبع من نفط كركوك
ياهو اليوم يعزمنى على خيرة
أعتب ع ال أكل من خبز الصويرة
وأعتب ع السكف من سمج ذى قار
وأعتب عالغفا عالسهر عند ابو نواس
وأعتب .. اشلون اليوم دجلة تظل أسيرة
وأعتب جي ( 5 )صلاح الدين ماجاي ولا القعقاع ولا ابن المغيرة

................................
( 1 ) : تمرنا : التمر
( 2 ، 3 )تمرنا : تمر بنا
( 4 ) هواية : كثير
( 5 ) جي : لأن

أختي الفاضلة دكتوره حورية .
تحيات معطار .
شكرا لك على التمنيات ، ولكن العراق أكله الذئب وألقاه في بئر ... شكرا لك وللإسكندرية المعطار البحر والطرق ، الجوامع والكنائس ، النبت والشجر ، الجامعة والمكتبة .
تحياتي