منتديات مجلة أقلام

يا رب
أنا ليك
باشكي الفاجر
والغادر
وحرامي الضحكة
باتحامى في ضلك
من كف الظالم
والماكر
عشان انت العادل
والعالم بالخافي
وما خبّى الظاهر
عن ناظر
عارف بالنيات
حكايات
الحاضر
والماضي
ليه كل اللي آذوني
سلام ؟
صحاح الضي؟
وانا قلبي حزييين جدا؟
ما قصفتش ليه
بسرعة رقابهم؟
ليه سايبهم
ينهشوا في عبادك؟
إمهالك للظالم فتنة
من غيرك بس ها ينجدنا
م الناس السوء الجباره؟
حاشاك
تتركنا في أنيابهم
أنا مؤمن إنك هاتجيبهم
وتقيم بالعدل حسابهم
لكن إمتى؟
خايف اموت
دون ما المح عدلك
في خسيس
دي مظالم ياما ومحتاجة
تحكم فيها بسرعة
يارب
بيعطل ايدنا التأجيل
عن زرع الورد
في حكاوينا
أمانينا بساط
نقضيش العمر عياط
من شوك
ولا ديب
يا رب
أمانة ما ترأف بالجاني
وتسيب المجني عليه باكي
يا رب