منتديات مجلة أقلام - الليل بيخنق في الوشوش

(حتي لا ننسي فاجعة سيناء)
طلع الصباح والليل بيخنق ف الوشوش
الليل بشوش
من غير وجع عشرين جدع
وسط الكلاب متحوطين
وقت الفطار والدنيا هس
أصل الكلاب مدربين ع الغدر بس
المصري دايما منتصر المصري
عمره ما ينكسر غير بالخداع
مين اشتري قلب الضعيف بالمال وباع
بسمة بلد وشباب ولد
ذنبه الحراسة ع الحدود
من العصابة واليهود
والكيل طفح
مين اللي غفلني ف رفح
قتل الامل جوه العرب من غير دموع
صلب المسيح
هدم الضريح
شق السما
طلع العما
وسط النهار والجرح غار بين الجبال
مرسوم عليه المحزنة
مدسوسه فيه الملعنة
قلبي علي الجندي انكسر
والنفس مرشوشة بحزر
والمصري مخلوق للخطر
هو الشهيد دمه السعيد
ف الجنة نازل كالمطر