منتديات مجلة أقلام - امسيت ياسعد منهوب

امسيت ياسعد منهوب = اسير طير الحمامِ
ياسعد معي ضبي محبوب = اتخيل انه امامي
صغير في السن رعبوب = اضنى وانحل عضامي
ادخلني في العشق مغصوب = والقلب عاطش وضامي
ياسعد ابعث لي مندوب = يوصل لخلي سلامي
يوصل رساله ومكتوب = للي حضى باهتمامي
كل يوم يختار اسلوب = يسهل معاه اقتحامي
حالي بنانه ومخضوب = اهيف نحيل القوامِ
خلاني بالعشق منكوب = اسبح بدنيا ظلامي
في النهب ياسعد موهوب = ينهب جميع الانام
جاني معطر ومطيوب = شمه يفتت عظامي
لعينيه الموت منسوب = في الحسن حاز الوسام
ياسعد انصحني باسلوب = ارجوك خف الملام
لاني مازلت مسلوب = والجرح مازال دامي
لكني والله لاجوب = مادامت والقلب ضامي
واذوق من كل مشروب = ماقدر اواصل صيامي