منتديات مجلة أقلام - أيها المعتصم فى رابعة العداوية

أيها المعتصم فى رابعة العداوية

السؤال ياترى لو حمدين اللى كان مكان مرسى
وحصل معاه نفس اللى حصل مع مرسى ؟؟؟؟
كان رد فعلك أية أيها المعتصم فى رابعة العدوية
كان رد فعلك أية ؟؟ سؤال لازم تسأله لنفسك
وتسيب نفسك تجاوب عليه؟؟؟؟
بكل صراحة ووضوح وشفافية ؟؟؟؟؟
ياترى كنت ساعتها هاتقول
يستاهل
دا كان خايب خيبة قوية
ولا كنت هتنزل برضة
وتعتصم وتنام على الاسفلت
فى رابعة العداوية ؟
وتتكلم عن المبادىء والاخلاق
والنصر والشهادة و الصندوق و الشرعية
أنا سايب لنفسك وضميرك الاجابة والحرية ؟؟؟
وياريت ترتحوا على وضعكم شوية ؟؟
مصلحة مصر فوق اى مصلحة فصيل أو جماعة
ولازم تعرفوا أن هى دى القضية
وعمر مصلحة مصر ما كانت
مرتبطة بمرسى او حمدين
مصر لكل المصريين
ويارب دى تكون الخطوة اللى جاية
الموضوع مش انقلاب خالص
الموضوع ارادة شعبية
ولو مرسى كان قدم السبت
كان لاقى الحد والاتنين معاه هدية
انما للاسف مرسى دخل البلد
فى اجازة مرضية
عشان كدا كانت لازم البلد
ترتاح منه راحة ابدية

الشاعر
عبد الحميد بدوى