|
يا مصر رايحه بينا فين
يا مصر رايحه بينا فين ـــــــــــــــــــــــــــــــــــ يا مصر رايحـــه بينا فين .. يا مركبه تايهه ف مُحيط سابوكي كل البحارين .. بتصارعي وحدِك في الغويط وحيتان كتير مستنظرين .. لما يمُـــوت فيكي الأمـــل وتصيري وسط السعرانين .. صيده من النوع البسيط ــــــــــــــــــــ يا مصر ليه الانتحار .. وانتي اللي طول عمرك عظيمه ليه ابتديتي ف لانهيــار .. فين الصمود ، فين العزيمـه فين حكمة الناس الكـُبار .. ياما انضرب بيها المَثـــــــل تستدعي نور شمس النهار .. يكشِف لنا خيوط الجريمه ــــــــــــــــــــــ يا مصر فاضل خطوه واحده .. وهينشِغِل كرسي الرياسه ليه تدي فـُرصه لناس معانده .. يتصرفوا بإسم السياســـه خلوا هموم الخلق راقده .. على كتفهُم زي الجبــــل لا منها بتقدم مساعده .. ولا منها بتراعي الكياســه ـــــــــــــــــــــ ليه لمـــا بيمُر الزمن .. ناحية ميعاد الانتخــــــــاب تظهر بلاوي وتنعجن .. في المعجنه بدم الشبــــاب وشبح بيطلع في العَلـَن .. ع الأرض أو راكب جمل ويعطـَّل الناس والمكن .. والحاله تغرق في الخراب ــــــــــــــــــــ لما انتخبنا البرلمــــــان .. كان قصدنا يقود السفينه ويريَّح الناس في الميدان .. ويحس أوجاعنا الدفينه لاكننا خسرنا الرهان .. وما شـُفنا منه غير جَــدَل وقدر يسيطر ع المكان .. وقعد يبيعنا ويشترينـــا ــــــــــــــــــــــــ وبدال ما يمشي للأمام .. والناس وراه مِتجمهـره أول ما تبِّت في اللجام .. رَجَّعْنا من تانــــــي لورا واما استقر الوضع نام .. وف جُعبتـُه غم وشـَكـَـل علشان يناكِف في النظام .. من باب لزوم المنظره ــــــــــــــــــــــ والناس بتصحى ف كل يوم .. على سلعه زادت في الغلا خلوا الفقير يرفض يقـُـــوم .. ويشوف بعينـُــه المهزلـــه يتمنـَّى يقـْضي حياته نـُـوم .. أو حالــــــة السوق تنعَـــدَل مُجبر في غير رمضان يصوم .. ويموت ف أعلى مَنـْزله ــــــــــــــــــــ ************* |
رد: يا مصر رايحه بينا فين
صح لسانك والله يحفظ جمهورية مصر الإسلامية العربية من كيد كل مريد
|
رد: يا مصر رايحه بينا فين
شكراً اخي الشاعر مسعد النخلة لرصد حاله لكنها لن تطول وستشرق شمس الامل
في كل ربوع مصر الغالية تحيتي وتقديري |
رد: يا مصر رايحه بينا فين
الله الله
تبهرني دائمًا يا أستاذي القدير و الحمد لله كرسي الرياسة إنشغل خلاص و مستنظرين قصيدتك الجديدة بعد الرياسة يا أستاذ مسعد خالص مودتي و تقديري |
رد: يا مصر رايحه بينا فين
اقتباس:
انا صاحبي بصراحة الدكتور العظيم الشيخ الشاعر امين الديب بترجاك لو عرفت رقم موبايلو تبعثهولي مع الشكر على هاتف 0799755017 عمّان الاردن بصراحة انت شاعر جدع متمكن صاحب رسالة بشد على ايدك وهقرالك كل الي كتبتو من حسن حظي اني دخلت على موقعك المبارك ولنا لقاءات جيه كثيرة انشاء الله الشاعر والكاتب جمال دلة |
| الساعة الآن 06:02 AM. |
Powered by vBulletin® Version 3.8.3
Copyright ©2000 - 2026, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط