|
العجوز مع الشكر لصديقى العزيز ايهاب نجيب على ترحيبه الحار بى
العجوز
فى الوقت ده كان همى جبال حلم كمان قاللى محال و كنت ماشى فى ليل عالبحر و شفت هناكو فوق الصخر ضل و كان تمام مرسوم فرس جنبه امير مهزوم ! خفت دقايق و اتهزيت انما رحت هناك و لقيت عود لو غنى مش راح يشجى الا بقولة بس الآه جنبه عجوز بيحدف غضب الموج بحصاه حس بصوت الخطوة لمحنى لمحت فى عينه توأم حزنى بص لتحت و دارى عنيه هزيت كتفى يعنى و ليه ؟ قاللى : انا عشت العمر لقيته فجأة واقف انا فى نهايته و انا ماعرفش ان كنت بديته ولا خطفنى قبل نهايته ولا ندهنى الحلم .. سرقنى و رحت معاه فجأة لقيتنى عجوز بيحدف غضب الموج بحصاه *********************** وصلت السما شقيت البحر هزمت جيوش الخوف و الشر عملت جناح و لسان للكلمة زرعت فى قلب الصخر الحكمة كنت الحارس لا انا فارس جنبى اميرة بلادى كتيرة عشقت بنات صبايا الحور غزلت الهوا بستان من نور يمكن اكون حكمت الكون صحيت لقيتى لا انا فرعون ولا موسى الضارب بعصاه لقيتنى عجوز بيحدف غضب الموج بحصاه *********************** قلتله : طب ما دمت صحيت أبدأ لسه لعمرك باقى إتبسم بشفايف حسرة خريف العمر مافيهش بواقى هزيت راسى و لسة هاكمل دير وشه بقولة ارحل و مشيت حاسس ان انا قدامى باتكلم و اسمع فى كلامى خفت فى يوم ابقى انا هو مكسور خايف فكرة بكرة و فى وسط الخوف بصيت فوق و شفت الشمس فى وقت شروق حسيت كأن النور بيقوللى إحلم دايما بس تملى خطى فى جوة الحلم خطاوى و إياك تسرح و يا غناوى ضحكت يمكن ولا بكيت بس بفرحة فى قلبى جريت قدامى نور الشمس بيوعد ورايا كان فى ضل بيبعد ضل كأن الموج ده رماه ضل عجوز بيحدف غضب الموج بحصاه *********************** ( عمر فؤاد ) صيف عام 1999 |
رد: العجوز مع الشكر لصديقى العزيز ايهاب نجيب على ترحيبه الحار بى
اقتباس:
لأنك لست عجوز يا أستاذ عمر نورت مجلتنا المحبوبه اقلام ونرجو مزيداً من إبداعك الجميل وأشكر إيهاب نجيب لتواجدك معنا مودتي |
رد: العجوز مع الشكر لصديقى العزيز ايهاب نجيب على ترحيبه الحار بى
الشكر الجزيل للشاعر عمر فؤاد و شكر خاص على هذه القصيدة الرائعة و في انتظار المزيد
|
رد: العجوز مع الشكر لصديقى العزيز ايهاب نجيب على ترحيبه الحار بى
الاخ عمر السلام عليك ورحة الله
جميل جدا حوار ممتاز بصوره زجليه جيده جدا ومن يقراء لا يمل من القراءه شكرا لك على ما قدمت |
| الساعة الآن 08:44 PM. |
Powered by vBulletin® Version 3.8.3
Copyright ©2000 - 2026, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط