|
الفن فين يا حُلم ؟
ضاع النغم مـ الوتر
والوش جننى والفن حاله اتعوج وانا لسة مستنى تعالى عيد فننا يا عندليب غنى يا مسك أهل النغم يا كف متحنى هاجرت طيور الهوى ما اعرفشى راحت فين كل الأصيل اغترب وتاهت العناوين كل اللى فاضل نشاز قاعد على الصفين زى الردئ الهزيل عايم على الميا أما التقيل الأصيل ساكن فـ عمق الطين يا عندليب النغم شوف الطرب مالُهْ دا حاله أصبح عدم تعالى شوف حاله صار النغم درَبُكهْ فى كل أحوالُه الكل غاوى غُنا فرحان بمواله والحظ لو يخدمه يبقى النقيب خالُه تمشى الأمور والسكك تِسلك وتحلى له يا عندليب النغم ... فن السمع مظلوم والعين فـ عصر الصور زادهت همومها هموم إزاى هـ نسمع كوّيس والصورة فسدانة مليانة فُُجر وسفالة وفيروسات وسموم يا عندليب النغم سيرتك خلود فـ خلود فنك برغم السفر فوق الجميع موجود والغصن مهما دبل يفضل عبيره يجود والتوبة فيها الشفا زى الهوى وموعود الفن فين يا حُلم ..؟ هو اللى راح هيعود ؟! http://i426.photobucket.com/albums/p...mny/075tp1.jpg |
مشاركة: الفن فين يا حُلم ؟
ننتظر مرور الأصدقاء
مع خالص تحياتى |
رد: الفن فين يا حُلم ؟
اقتباس:
من أجمل ماكتبت عن عندليب النغم مشاعرك تتحدث بصدق عن حال الغناء الآن قصيدتك الجميله للتثليت |
مشاركة: رد: الفن فين يا حُلم ؟
اقتباس:
أختى الشاعرة والغالية وفاء أمين شكرا على كلامك الطيب وكرمك الرائع دمت بخير |
رد: الفن فين يا حُلم ؟
الأستاذ ابراهيم قصيدة رائعة أشكرك بالنيابة عن كل واحد إسمه عبد الحليم ههه وافر تقديري واحترامي
|
مشاركة: رد: الفن فين يا حُلم ؟
اقتباس:
الأستاذ عبد الحليم مدكور شكرا على مرورك الطيب ومحبتى لك ولكل المحبين |
رد: الفن فين يا حُلم ؟
الفن فين يا حُلم ..؟
هو اللى راح هيعود ؟! ................. اللي راح ما يتعوض هو في بعد العندليب ولا ام كلثوم ولا الاطرش عظماء الغناء كان هدفهم الكلمة والمعنى لا العرض . ...................... الأستاذ ابراهيم سلمت يمناك قصيدة بل رسالة تأنيب في محلها تحياتي |
رد: الفن فين يا حُلم ؟
عندما نعايش ونتعايش مع الجمال فبالطبع يخلد داخل القلب ويسكن فى نبض النبض
تحياتى لك |
| الساعة الآن 07:49 AM. |
Powered by vBulletin® Version 3.8.3
Copyright ©2000 - 2026, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط