|
آنات الوليد
------------------------- آنات الوليد --------- عزفتك آه على وتر الكمنجايه وحًزن يعيش فى شريان السنه الجايه وشهقة موت على وش الضمير الحى وخوف وصرخه مكتومه ودمعة طفل مكبوته فى أحزان الوطن دابت وآنات الوليد شابت فى اوصال الآهات تسابيح فى خيط السبحه ملضومه بتتغنا على عزف الصبّا الوان وجرحك جوا قلب الطفل كان عنوان واناتك تشيبنى وأهاتك تعزبنى فى أحوالى تكركبنى خلاص ياابنى مفيش فايده مادام النار فى أوصال الوطن قايده ووصمة عار على جبين الضمير تسكن وتتمكن فى توب النخوه والعزه متين غزه فى قلب الحق غزوها وغزونا وغزوا الخلق با لأوهام عشان الأمه ماتقومشى من الغفوه وأحفاد الكلاب تنام وتتصاهر مع الخنازير بدون تفكير ها نبقا نعيش على أرض الوطن أغراب خراب يا أمة الأوحال مادام الحال مابيصرش ولابينفع ولايضرش وعشش فى بلادك سوس بينخر فى معانيكى يبيع ويشترى فيكى يوديكى على آخر نفس فيكى ويدبح كل ماضيكى ها اعزيكى فى حق النخوه والعزه وتبقا تعيش.. .. على طول السنين غزه ------------------- شعر أحمد أبوحج الأربعاء 11/2/2009 |
رد: آنات الوليد
اقتباس:
مصباح كلماتك نور أضاء المشاعر والمنتدى أهلا بك بيننا سلمت يداك قصيدتك الرائعه للتثبيت |
رد: آنات الوليد
الأستاذه الفاضله وفاء امين شكرا لك على حفاوتك بالقصيدة ولى مع خالص إحترامى .
أحمد |
| الساعة الآن 07:32 PM. |
Powered by vBulletin® Version 3.8.3
Copyright ©2000 - 2026, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط