|
أنتيكات
[align=center]ياساكنة جوّا حنايا ضلعينى
بدرك ماهوش بدر البلاد البور بدرك ماهوش وش الصبايا الحور بدرك ولد مبتور فلسطينى فما تربطيش عينى وما تهتفيش ضدى هتاف الموت وما ترغميش قلبك يوطّى الصوت وما تغطسيش وتقبّى فى الملكوت وتحسسينى إنك تابوت أعوج وتحسسينى إن الكلام أهوج وإن القصيد الحرّ مش فيّاض وإن الوطن أصبح شعار فضفاض وإن البلاد ما بقتش ولادة وإن السكوت والذل مش عادة وإن البلادة اتمكنت مــ الناس وتحسسينى إن الوجع احساس وإن التماس العذر شئ واجب أنا مش مهيئ أصلّى للحاجب ولا أوطّى راسى فــ ساحة الحراس وأعجن قصايدى بارود وطوب ورصاص وأهتف خلاص المعضلة اتحلت كل البلاد رغم الصراخ ملّت كل الأيادى الطيبة اتشلت كل المراكب ضلّت المضامين والدنيا وقفت عند يوم حطّين والأرض رافضة تجيب صلاح الدين والدانة فاتحة حنكها فى فلسطين واحنا اللى باين شكلنا حالفين لنقوم بدور الطيبين فى المهزلة هوّ الكلام ممكن ينبّت سنبلة ؟ واللا الكلام ممكن يفجّر قنبلة ؟ واللا الكلام يقدر يثبّت قلبك الخوّاف فى ساعة الزلزلة ؟ واللا الكلام ممكن يحل المسألة وتصبح تمام ؟ طب مين هيدفع ديّة الدم الحرام ؟ أو مين هيرفع لك شعار الانتقام من دمهم ؟ الأرض أرض الله ما هيّاش أرضهم والعرض عرض المسلمين مش عرضهم والطفل لحظة ما الرصاصة اتمكنت من قلبه كات من عندهم طب مين هياخد تارنا منهم واحنا واقفين ضدنا مش ضدهم ؟ الأرض أرض الله ما هيش أرض الجبان والعرض عرض المسلمين مــ البصرة لحدود الجولان والطفل لحظة ما اتقتل مقتول بأمر الأمريكان واحنا اللى قاعدين نبتسم قدّام مسلسل أسمهان يا أبو قلب أسرع مــ الحصان جوّا السكك اضرب صاروخك واجرى مين راح يمسكك ؟ ما أنت اللى ماشى بصدرك العريان هناك واحنا اللى قاعدين عــ الدكك اضرب صاروخك واجرى مين راح يمسكك وسط البيوت المنهكة ؟ كل الرايات متفبركة كل البلاد متأمركة وشدّة الحزام طب مين هيدفع ديّة الدم الحرام ؟ أو مين هياخد حق أسراب الحمام المتعبة ؟ إنت اللى واقف للدانات واحنا اللى قاعدين نرسمك عــ المصطبة إنت اللى واقف للدانات وإحنا اللى سايقين الغبا إنت اللى قشّيت الوجع مــــــ المحلبة وإحنا اللى قشّينا الصبا (فــ) عزّ النهار هوّ الحصار ممكن يولّد غير حصار ؟ واللا الحمير ممكن يسوقهم غير حمار ؟ واللا انهيار الدنيا ممكن يبتدى فـــــ لحظة دمار ؟ واللا أنت ممكن نقبلك دلوقت من غير إنتصار ؟ يا سادة يا بتوع القرار فلت العيار والانتظار ممنوع على يمين الطريق وما تهتفوش علشان هتافكم شكله هيضرّ الفريق يانهار غميق ويا ليل غلط الطفل واقف بالزلط لجحافل التنين هناك قلبك كما قلب الأسد وايديك كما ايدين الملاك احدف وعود وملايكتك مستنياك ارجع لهم ومعاك عزيمة الأنبيا يا سادة يا بتوع القرار أطفالنا واقفين بالزلط للأغبيا واحنا اللى عاملين أوليا وسكات ...... سكات عايشين ودايرين نبتسم لحظة ما يرمولنا الفتات ما يهمناش الحلم عايش واللا مات لكن المهم نقول آمين ويحوّلونا لأنتيكات [/align] |
رد: أنتيكات
وإن القصيد الحرّ مش فيّاض
وإن الوطن أصبح شعار فضفاض الله الله الله الله المصطبة ما بقاتش تنفع للمسر المصطبة صبحت نوادى للعديد و يا البكا و الانتيكات القاعدة تنظر للقمر غرقانة فى بحور من الشعر الحرام مستنظرة صرخة الإحرام و تنفخ الروح فى كلمة الانتقام تحياتى و تقديرى |
رد: أنتيكات
يا سادة يا بتوع القرار
أطفالنا واقفين بالزلط للأغبيا واحنا اللى عاملين أوليا وسكات ...... سكات عايشين ودايرين نبتسم لحظة ما يرمولنا الفتات ما يهمناش الحلم عايش واللا مات لكن المهم نقول آمين ويحوّلونا لأنتيكات ماحنا خلاص بقينا فعلا انتيكات واقفين نشوف كل اللي حاصل من سكات مدام رضينا ناكل وبنشرب في الفتات ايه اللي حيخللي الصراخ يصبح عناد؟ أخي الشاعر / سعيد حامد شحاته رائعه قصيدتك في رصد أسباب البلاء والتهاون العربي قصثيدتك للتثبيت مودتي |
رد: أنتيكات
روعه
قريتها اكثر من مره كلمات بسيطه ولاكن مؤثره |
رد: أنتيكات
السلام عليكم ورحمة الله وبركاته
صباح الخير شخباركم |
رد: أنتيكات
سيتغير الحال قريبا أخي سعيد
والبشريات كثيرة جدا تحياتي |
مشاركة: رد: أنتيكات
اقتباس:
الشاعر الجميل الأخ / محمود مروركم بمثابة وثيقة محبة أعتز بها كثيرا |
مشاركة: رد: أنتيكات
اقتباس:
أ/ وفاء أشكر مروركم الطيب |
مشاركة: رد: أنتيكات
اقتباس:
أ/ شوق قراءتكم للقصيدة من دواعى سرورى |
مشاركة: رد: أنتيكات
اقتباس:
الحمد لله تمام أشكر مروركم |
مشاركة: رد: أنتيكات
اقتباس:
ان شاء الله يارب يا أخ اياد |
رد: أنتيكات
رب العزة انصر غزة
بيت الظالم بيدك هزة دينك وصى بحب الاقصى باعوا الاقصى للصهيوني رغم امريكا وفنساوي الله يعينك يا حمساوي |
| الساعة الآن 11:40 PM. |
Powered by vBulletin® Version 3.8.3
Copyright ©2000 - 2026, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط