|
بين الكلمات .. وجوه ..
[align=center]
مُبارَك في عيد انتصارَكْ ورَجْعِةْ نهارَكْ بااصَبَّحْ عَليكْ ومين فينا يِنْسَى بطولتَكْ ونُبْلَكْ وجَوْلَه في صحرا يِخَضَّرْها طيفك فتِرْجَعْ لي غِنْوِةْ حَليمْ لَمَّا فُتنا على الصَحرا صَبَحِتْ مُباركَه وخَضْرا ورَغم المُحامي اللي قادِر يِعَكَّرْ على قِطْعَه مِنْ مَصْر فَرْح انتصارها يِخون الأمانه ويسلب كَطَبْع اليَهودي الأراضي ويِطْفي نهارها فَياما يَهود سَلَبوا مِنَّا الأراضي ورجعِت بِحَقْ الإله اللي شاهِدْ لأصحاب عَمارها وخاب الصَهاينَه ... يا قائد لمَصر العزيزه ومُبارَكْ مُبارَكْ بعَودِتها سينا إلينا وعُقبال ما تِرْجَع لي أرضي وتطفى مِن الأرض نارها[/align] |
حيّاك الله د حورية
نفتقدك دائما هنا |
مشاركة: مُبارَك
وحَيَّاك الله أخي الفاضل إياد حياتله جزيل شكري ودُمت مُبدِعاً مُبارَكاً تحياتي |
مشاركة: مُبارَك
إمتى نقول مبارك ؟؟؟
إمتى نقول مبارك ونعلى بيها الجواب ؟ إمتى تزغرد قلوبنا ويكون لنا أحباب ؟ إمتى نشوف القمر واقف لنا على الباب ؟ إمتى يكون الهنا والسعد بعد غياب ؟ لما تكون مصرنا روحها بقلب حبيب يخافا عليها من الهوا ويصد كل غريب ما ينامش مهما يطول سهره ومهما يغيب يسعى على الأرملة ويفك هم كئيب ياست حورية احنا شبعنا خلاص من ربع قرن وأنا كنت يادوب عصفور فارد جناحى للهوا ولاعمرى شفت النور أوعى عليه حضرته يحكمنا إمتى يغور أصل الحكاية كلها إنه مالوش دستور دستور مفصل على مقاس الجناب يسد بيه المنافذ ويحاكم الأصحاب ويرد بيه المعارض ،يقفل فى وشه الباب بالله عليك كدا مر عليكِ شباب فقدوا كتير من الأمل وتنيلوا بهباب فقدوا انتماءهم للبلد بعد سنين وعذاب وجاية تانى تقولى مبارك يافرحه ما اكتملت !!! روحى المحاكم واسألى حكومته إيه عملت ؟ شوفى قضاء عسكرى وشباب كتير قدامه رافعين إيديهم للسما يدعوا على جنابه ياخدوا براءة وقبل مايمشوا يكون الأمر صدر ارجع بيهم تانى قرار جديد لاعتقال من غير كدا أسباب أصل الجماعة خطر على الأمن و سنينه يخزى الشيطان انا قلت إيه تانى قصدى أقول كمان وياك وعجبانى مبارك إنت علينا احنا صحيح نستاهل تقعد على قلبنا رُبع كمان وكمان وتملى بينا البلد وتعلى سور اللمان |
مشاركة: مُبارَك
إمتى نقول مبارك ؟؟؟
إمتى نقول مبارك ونعلى بيها الجواب ؟ إمتى تزغرد قلوبنا ويكون لنا أحباب ؟ إمتى نشوف القمر واقف لنا على الباب ؟ إمتى يكون الهنا والسعد بعد غياب ؟ لما تكون مصرنا روحها بقلب حبيب يخافا عليها من الهوا ويصد كل غريب ما ينامش مهما يطول سهره ومهما يغيب يسعى على الأرملة ويفك هم كئيب ياست حورية احنا شبعنا خلاص من ربع قرن وأنا كنت يادوب عصفور فارد جناحى للهوا ولاعمرى شفت النور أوعى عليه حضرته يحكمنا إمتى يغور أصل الحكاية كلها إنه مالوش دستور دستور مفصل على مقاس الجناب يسد بيه المنافذ ويحاكم الأصحاب ويرد بيه المعارض ،يقفل فى وشه الباب بالله عليك كدا مر عليكِ شباب فقدوا كتير من الأمل وتنيلوا بهباب فقدوا انتماءهم للبلد بعد سنين وعذاب وجاية تانى تقولى مبارك يافرحه ما اكتملت !!! روحى المحاكم واسألى حكومته إيه عملت ؟ شوفى قضاء عسكرى وشباب كتير قدامه رافعين إيديهم للسما يدعوا على جنابه ياخدوا براءة وقبل مايمشوا يكون الأمر صدر ارجع بيهم تانى قرار جديد لاعتقال من غير كدا أسباب أصل الجماعة خطر على الأمن و سنينه يخزى الشيطان انا قلت إيه تانى قصدى أقول كمان وياك وعجبانى مبارك إنت علينا احنا صحيح نستاهل تقعد على قلبنا رُبع كمان وكمان وتملى بينا البلد وتعلى سور اللمان اضم صوتى الى صوتك ايها الغالى الاستاذ د / ايهاب امتى نقول مبارك لما نحس بوجودنا فانا اسف على اعتراضى على فكرة النص |
مشاركة: مُبارَك
أشكر تضامنك أخى الكريم حسن النوبى
|
مشاركة: مُبارَك
د/حورية
شئ جميل ورائع وابداع يعرف طريقه المباشر لدهاليز القلب تحياتى سعيد |
مشاركة: مُبارَك
الكلمه لو قُلْتها
قلبي بِيِوْعَى لها فيه فرق بين مصلحه أو بين نبيل قالها لا انا عندي في كلمتي ريبه ولا شُبهه هُوَّ بصحيح كان نقي دافع بقلبُه التَقي ومازال كريم مَنْبَتُه ومازال يحاوِل لنا واحنا ان يكون هَمِّنا الخير أكيد نعرف الفَرْق بين الصباح واللِيلْ إذا يَغشى حُرّه في قول كِلْمِتي وانتوا كَمان أحرار ودي قيمَه لو تِعرَفوا - عاوزين صَحيح تِعرَفوا الحَقْ مِ الباطِلْ - يكفي نقول الحقيقه وتكون لقوْلنا صَديقَه فيه غيرنا ساكِت بِرَغمُه والحقايق نار ! ** دمتم بخير الإخوة الأفاضِل ؛ د. إيهاب فؤاد حسن النوبي سعيد حامد شحاته تحياتي |
مشاركة: مُبارَك
حرة صحيح تكتبى وتقولى مافى كلام
بس الحقيقة إننا بنعيش على الأحلام ياما كتير قبلنا نسجوا القصيد ايام وسنين كمان يتغنوا وبقى كلامنا كلام ياست حورية احنا ماقلناش حاجة بس الحكاية إننا عايشين ولا حاجة عايشين وكأننا من جوه تلاجة أفكارنا متلجة داخل فيريز ديب كل اللى يرفع راسه يموت من التعذيب كل اللى يشكى همه شمسه ونهاره يغيب قوليلى كلمة كدا احنا مكانا فين ؟ قوليلى فين مصرنا، فين الحضارة فين ؟؟ قوليلى فين التاريخ اللى انكتب بإيدينا وفين ولاد البلد فى الشمس ضليله وفين ذوات الهمم بايتين فى تخشيبه وفين رجال الدعوة ياأم الكلام طيبه وفين أساتذة جامعة وبلدنا منهوبة وفين تراب أرضنا وحقوقنا مسلوبة وفين نصيب الغلابة فى دنيا معطوبة بالله عليك كدا ماسمعتى عن أكرم زهيرى من برنا مات جوه زنزانة حرموه من الأدوية وقلوبنا تعبانه كان شاب فى همته وشبابه عنوانه وكان مهندس كمان سبحانَ مين زانه خدوه فى ليلْ غيله ورموه بزنزانه مارجعش ياولداه ولا حد شاف حاله شفتى القضاة فى بلدنا يوم الإنتخاب اللى فات إزاى يدوسوا عليهم ويضيّعوا المقامات فاكره جيهان فى الرمل ؟ وقفولها على الأبواب منعوا كمان أنصارها يتزينوا بحجاب وخيول كتير جرارة واقفة على الكورنيش ياخدوا اللى بيصوتوا ماسكين كتير تقفيش عايزين يهدوا الدايرة ولا يخافوش تهويش أقولك إيه ولا إيه ماهى صحيح حرية بس الحكاية يبدو إنها مكفية "حر أنا فى كلمتى وأنتو كمان أحرار" يارب يا أستاذة يطلع لليلنا نهار |
مشاركة: مُبارَك
للمره الثانيه انضم اليك يا استاذ ايهاب
|
مشاركة: مُبارَك
الضلمه لمَّا تكون أتقال على أتقال كُل الكلام يِنْخِرِس ولا كِلْمَه راحْ تِنقال ... قالها المُحامي الرَدي قالها يِهَدِّدْني قال لي اكتبي لي إتاوَه أو شَرُّه حَ يْصِيبْني أنا كُنت مِتطَمِّنه بِالله وبِالقَوانين لكن وداني وَعَتْ تهديدُه في كِلْمِتُه ولا عُمْري – مَهما نسيتْ – ماانسَى ضَلام بَصِّتُه قال لي الضَلام انتَشَر ولا فيه كِبيرْ م البَشَرْ راح يِنْجِدِكْ مِنِّي وان ما كَتَبتي بِإسمي أرضِكْ لا فيه كِبيرْ يِنفعِكْ ولا فيه كبيرْ أَصلاً ! ؛ أنا قَلبي خاف وارتَجَفْ على أُم دُنيِتنا لَمَّا يكون الأمان مَغلوب وباب بيتنا خالْعَه إيديه القُطَط والبوم وأصحابُه .. وامَّا الكلام مَصْدَرُه يِبْقى الجوارِح دول لازِم نقوم نِنْكِرُه نِفلِتْ مِنْ اعتابُه يمكِنْ يعود قَلْبِنا التَعبانْ يِلاقي أَمان .. ماانساش نعيق المُحامي - مَهما نسيت ونسيت - قال لي ان ما فيه أمان وبَلَدنا في كَفُّهُم مَركِب بِلا شُطْآن .. وعَشان كِدَه لَجَأت لُه راعي البلاد والعِباد عَكْس المُحامي الجبان ماانساش بإنُّه زمان دافِع عن البلدان ماانساش بإنُّه بَطَل قَهَر العِدا في العبور وانا كُنت يوم قُلْتها : عاوزين عبور تاني باارفَع إليه المَظْلَمَه والرَجْفه سابقاني يارَب قَلْب البَطَل إن قام ولَبَّاني لاافرِشْ طريقُه ورود من حُب وأغاني ع السمسميّه اللي طار مِنْها الحَمام يِمكِن لو حَق يِرجَع لنا طِيْر الحَمام ح يعود ويعود لِقَلْب الغُنا الفرحه مِن تاني |
مشاركة: مُبارَك
تشكى لمين ولا مين
يا أم الكلام الحزين اللى يحول مدنى قدام قضاء عسكرى عمره ماينصف واحد رافع إيديه للولى يحجز على أموالهم بدون سلام وكلام أمَّا أسماعيل اللى موت ألف بعبارة يسيبه يرجع لداره ويعيش كدا فى سلام لكن الشريف فى بلدنا مايعيش وسط لئام أنا قولتها من الآخر اشكى لمولاك يرد ليك المظالم ويحلى دنياك |
| الساعة الآن 12:26 PM. |
Powered by vBulletin® Version 3.8.3
Copyright ©2000 - 2026, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط