منتديات مجلة أقلام - وتستمر الحيااااااة ..
منتديات مجلة أقلام

منتديات مجلة أقلام (http://montada.aklaam.net/index.php)
-   المنتدى الترفيهي (http://montada.aklaam.net/forumdisplay.php?f=13)
-   -   وتستمر الحيااااااة .. (http://montada.aklaam.net/showthread.php?t=67665)

راحيل الأيسر 20-01-2020 02:41 AM

وتستمر الحيااااااة ..
 
- *هاني*

-يانعم


*..أنا عايزة أتطلق*

- حاضر


- *إيه بقي حاضر دي إن شاء الله!!*

- حاضر يعني حاضر هاطلقك.. إيه اللي مش مفهوم ف كلامي؟


- *مش عايز تعرف عايزة أتطلق ليه؟!*

- كنتي قلتيلي قبل كده كذا حاجة وأكيد عندك أسبابك المنطقية اللي تخليكي تطلبي الطلاق .. إنتي مش صغيرة وعارفة مصلحتك


- *يعني إيه بقي مش صغيرة دي ! لأ يا حبيبي أنا لسه صغيرة ونص ولو كنت إنت...*

- خلاص.. إنتي صغيرة وعارفة مصلحتك


- *صغيرة في السن بس عقلي كبير وفاهمة*

- أكيد أكيد


- *هتطلقني إمتى بقي؟!*

- بعد ما أرجع من الشغل


- *وهتعمل إيه ف الولاد؟*

- زي ما إنتي عايزة


- *مش زي ما انا عايزة يا بابا، زي قانون الأسرة الجديد ما بيقول.. العيال هيفضلوا معايا لحد ما يتموا ١٨ سنة*

- ماشي.. ولو عايزاهم على طول براحتك


- *طبعاً عايز تخلص منهم عشان تتصرمح وتروح تتجوز وأنا اللي افضل حياتي واقفة عشان أربيهم!*

- خلاص هاخدهم أنا أربيهم واتصرمحي إنتي واتجوزي


- *لااااااا يا حبيبي، الصرمحة ليها ناسها.. ومش هتلوي دراعي بالعيال وهاخدهم غصب عنك*

- حاضر


- *وهآخد الشقة زي ما القانون بيقول*

- ماشي


- *طبعاً، ما إنت هتسيبهالي خرابة وتروح تجيبلك شقة نضيفة.. أصل أنا وعيالك مش مهمين عندك*

- مهمين طبعاً


- *والنفقة هاخدها من عينك*

- من عينيا حاضر


- *وهأنقل الولاد ف مدارس إنترناشيونال وهتدفع مصاريفها*

- أحسن برضو


- *والعربية*

- تحت أمرك


- *تقدر تقولي هتقعد فين بقي بعد الطلاق؟*

- هاتصرف.. ماتشغليش بالك


- *وأشغل بالي ليه! ما إنت هتسيبني معكوكة مع عيالك وتروح إنت تروق دماغك في أي حتة*

- ربنا يسهل


- *طب إيه رأيك بقي إننا هنتطلق وهتقعد معانا هنا.. ما أنا مش هاشيل الطين كله لوحدي*

- حاضر


- *قايم رايح فين؟*

- الحمام


- *إعمل حسابك لو قطعت شرايينك بالموس زي كل مرة هانكد عليك عيشتك.. أنا مش مستعدة أبقي أرملة وكل من هب ودب يجيب في سيرتي*

- أنتحر وأسيب الكيكة الذيذة اللي ف المطبخ دي لمين بس!


- *بجد عجبتك!!*

- دي تحفة...شيء خرافي

- *بس حاساها هبطانة وناشفة وسكرها كتير ومش عاجباك*

- إوعي تقولي كده، دي أحلى كيكة دقتها في حياتي.. خشي هاتيلي حتة منها


- *صحة وعافية...ماشي ياحبيبي وهعملك جنبها فنجان قهوة يعدل مزاجك*

- ربنا يخليك



وتستمر الحياة والحب كده...
ماتسألش_عن_سبب_الخناقة ياإما هرمونات أو أكلة بايظة أو سمنة مفرطة

😂😂😂😂😂😂😂


الساعة الآن 02:53 AM.

Powered by vBulletin® Version 3.8.3
Copyright ©2000 - 2022, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط