صغار .. كبار !

[هيا الشريف]

حكاياتهم البيضاء
أسئلتهم الصغيرة الكبيرة
فرح لا ينضب

[هيا الشريف]

- أحبك قد البحر الميت
_ أحبكِ قد .. قد مممم .. الحليب
- تيب أحبك قد كوب الحليب
- بس الكوب مايكبر ... لكن الحليب يخليني أكبر والحب يكبر... !

[عُلا الياس]

هذه حصلت معي انقلها كما سمعتها ، موضوع رائع يا هيا قبل المشاركه
أنا : بحبك ئد ما انتَ حلو !
عمر ابني : ماما أنا بحبك بعد براعم
أنا : بتحب براعم أكتر من ماما ؟!!
عمر : حسنن ماما لا تَزْعَلي بحبك ... متل براعم !!
بيحكي لغة عربيه فصحى لكثرة ما بيتابع براعم ..
ثم اختصرتُ المحادثه ما ناقشتو اكثر لانني بعرف خلفتي
ان ناقشتو حيقرر انو بيحب براعم وفقط

[هيا الشريف]

- خالتو تعرفين سيدي محمد رسول
- أي حبيبي بعرفه صلى الله عليه وسلم
- خالتو تيب هو لمن كان صغير راح الروضة
- لا حبيبي عمر ماراح
- خالتو تيب يعني لو أنا ما أروح الروضة أصير متله رسول !!!!

[عُلا الياس]

وهذه ايضا حصلت ..
- ماما انتي تعبانه ؟
_شوي يا ماما مو كتير
- لماذا ؟
_ رجلي مريضه !
- ماما خودي رجلي ، ليست مريضه !!

[نايف ذوابه]

دعتني الابنة الغالية هيا .. وها أنذا ألبي على صعوبة الفقرة بالنسبة لكهل مثلي

على كل .. اشتقلك يا ملو .. هذه ملو حفيدتي ملاك ..

اشتقت يا ملاك لل.. up up جدو up up ووجهها الوردي تعلوه نظرة انتظار قلقة أن يتشاغل عنها جدو

ملاك تأخذ مكانها في حضن جدها: وتأخذ بالعزف على لوحة الكمبيوتر كأنما تعزف على وتر

على الهاتف: حينما تسمع صوتي يعلو صوتها بالضحك .. تعبيرا عن تذكرها لجدو ..

طيب وين المَمّات والطنْطات يا ست هيا .. راسليهم خلينا نشوف النتيجة

أرجو أن أكون قد حققت الغاية ورفدت الزاوية بابتسامة جميلة أو شعور جميل

شكرا للهيا على الدعوة .. وين أخي الغالي أبو شام .. مو شايفه..!! شو حلاوة الزاوية من غير روح أبو شام الجميلة ..

[عُلا الياس]

إن أردنا أن نعرف كيف ، وبماذا نخاطب أطفالنا لحظات فقد السيطرة
فللنظر اليهم ساعة فقدهم للسيطرة !
_ حكيت خلص بكفي ! ما في شوكولاته !
- ارجوكي ماما واحدة اخرى بس ! " عمر بيحكي فصحى خلال العامية كتير لان قناة براعم فصحى وهو مدمن براعم "
_ عمر ماما ارجوك انا احكي حاضر للماما وبس !
- ماما حبيبيتييييييييي !!!!
_ وبعدين !!!؟
- طيب ماما ، بس يجي بابا حؤلو ماما لا تعطي عمر شوكولاته .. خليه لا ياخدك باي معاه !!!!

[هيا الشريف]

آهلين علا منورة عندك براعم ادمان نحنا عنا الأدمان ألعاب الفلاش : )

آهلين بالكرم كلو آهلين بطلة الوالد الله يسلمك ويخليلك أحبابك
قبلاتي ل ملو أسمها حلو كتير واكيد شقاوتها ع قد أسمها ربي يحفظها لكم

والدي أنا متلك في انتظار الممات والطنطات اذا شفت حدا منهن عالطريق وصيهن علينا

[سلمى رشيد]

مسا الورد لصاحبة المكان وللجميع
مسا الفلات يا هيا

يا ستي

كان احمد وقتها في الروضة وكنت ادرسه عن الرسول صلى الله عليه وسلم

كان السؤال من هي مرضعة الرسول صلى الله عليه وسلم

فلما سألته

اجابني

خالتو غدير

خالتو غدير قريبة لنا رآها صغيري وهي ترضع صغيرها .

[عُلا الياس]

المشاركة الأصلية كتبت بواسطة سلمى رشيد

مسا الورد لصاحبة المكان وللجميع
مسا الفلات يا هيا

يا ستي

كان احمد وقتها في الروضة وكنت ادرسه عن الرسول صلى الله عليه وسلم

كان السؤال من هي مرضعة الرسول صلى الله عليه وسلم

فلما سألته

اجابني

خالتو غدير

خالتو غدير قريبة لنا رآها صغيري وهي ترضع صغيرها .

اليوم ما تخيلت حتى اني ممكن ابتسم
انتي مو خليتيني ابتسم وبس ، هيك سار ===>
دعيتلك من البي يا سلمى ولحماده

[عبدالسلام حمزة]

بناتي الصغار يطلعون من المدرسة على شَبْك وتبويس
وابني أول ما بيطلع في السيارة بعد البوسات يقول :
يا بابا أش طابخة ماما اليوم ؟

[عبدالسلام حمزة]

حلوة كثير هَيْ أخت سلمى
عجبتني والله . .... ........