رسالة المصيّف 3

[جومرد حاجي]

حبيبتي .. ما رديتي على رسالتي التانية

شو القصة ؟

بتعرفي شو حكِت أمي ؟

قالت : حاج تقلّل من قيمتك ،

فعلاً إنّك تمساح و ما بتحس ،

شقفة بنت تساوي فيك هيك !

حبيبتي سامحيها لأمي ، هي ما بتعرف أديش

أنتي طيوبة و حلوة ، لو بتعرف ما كانت

قالت عنّك دبّة .

رح قدملك مفاجأة ، ما بتتوقعيها .

من كتر حبي إلك كتبت قصيدة من تأليفي

اسمعي :

خليني احكي عالمكشوف

عقلك وين طاير ؟ و قلبك ليش ما عم يشوف ؟

معقولة هيك تساوي فيني ؟

و تطنشيني ، و بعداً تزيديني

بدال ما حلماً تعطيني

يا أشجاري و يا زيتوني

******

أكيد بعد ما تسمعي القصيدة رح تبعتيلي رسالة

و تقولي إنّك موافقة تتزوجيني ،

و كأني شايفك هلأ عم تقرئي الرسالة و عم تبكي .

بتعرفي ، أنا ندمان لأني بعت الحصان ، عم اشتقلو

كتير ،

و البسكليتة كمان انكسرت بعدما عملت حادث .

و خايف بصراحة عالغرفة اللي عمّرتها من قصف الطيران .

المهم .. تخيلي بكرا ، لما يصير عنا ولاد

و أنا وياكي نلاعبهم طميمة

عن جد أحلا شعور ، بس خايف أنّك تكوني عصبية

و تضربيهم ، و ما بنصحك أنّك تعملي هيك ، لأنو وقتها

رح أتحول لشخص تاني ، و خليكي تندمي عالساعة اللي

قبلتي تتزوجيني فيها .

بس أكيد ما رح تضربيهم . أنتي عاقلة و ما بتعملي هيك ،

و أخيراً بدي أطلب منك طلب ،

إذا بتقدري تدينيني شي عشرين ألف

مشان دهان الغرفة ، لأني بصراحة فلّست .

حبيبك المشتاق .

[عبدالكريم قاسم]

خيال خصب اخي جومرد حاجي . هل ننتظر ردها على الرسالة ؟؟ وهل نتوقع ان تمنحك العشرون الف ام انها بخيلة ننتظر في الرسالة القادمة
اضحك الله سنك يا صديقي امتعتنا

[جومرد حاجي]

المشاركة الأصلية كتبت بواسطة عبدالكريم قاسم

خيال خصب اخي جومرد حاجي . هل ننتظر ردها على الرسالة ؟؟ وهل نتوقع ان تمنحك العشرون الف ام انها بخيلة ننتظر في الرسالة القادمة
اضحك الله سنك يا صديقي امتعتنا

اشكرك أخي عبد الكريم قاسم على جمال المرور
نورت الصفحة بتعليقك البهي ، لك مني أجمل تحية

[قاسم أسعد]

هل وضعت عنوان المرسل إليه يا صديقي ؟؟
بس طالما القصة فيها دين وفلوس انسى الحب يا معلم ..!!
من الأدب الساخر الموجع الهادف جميلة مثل روحك حتماً مودتي

[جومرد حاجي]

بارك الله فيك أخي قاسم أسعد
أشكرك على المرور الجميل ، لك مني أجمل تحية