عايز جنيه

[سيد يوسف مرسي]

كل حاجه في قوتنا زادت
حتى الميه ليها سعر

والفقير بات يعاني
بده لقمه تكون تبر

والزيادة نازله تجري
سيل وكاسر زي نمر

فاتحه بوزها وحش كاسر
والخلايق فار وهر

ويقولونا فيه زيادة
بدي اشوفها ميخدها جن

والمرتب مات بطوله
ميه ..غاز.. وراح يفر

لما اروح السوق أعاني
تبكي عيني الدمع خر

كل حاجة في قوتنا زادت
رز .. سكر ..عيشنا سم

والخضار صبحت أذيه
والطماطم فيها سر

والجنيه نام وشخر
والدولار يضحك يكر

والعيال صبحت تلالي
بنطلون ..جلابية ..
أو قميص يقولوا شرت

والوليه تقلي هات
عايزه تأكل أكل حر

والمعاش راح في دوكو
قبل ما تقبض يقوم يفر

المصيبة ابني جاني
قلي يا با ى عشنا مر

قلت يا ابني هدي بالك
بكرة تحلى والخير يخر

قلي يابا ى الخبز ماله
كل ماكل أروح أهر

يا ابني أسكت وعيش حياتك
باي شكل سير ومر

كل بطاطا ..كل جراو..
أي حاجة تكون تبر

الحياة صبحت فاتورة
واللي يدفع يبقى حر



بقلم : سيد يوسف مرسي

[محمد فهمي]

أهلا بشاعرنا المشهور على ساحة المنتديات والتواصل الاجتماعي
الأخ الأستاذ / سيد يوسف مرسي

كلماتك المعبرة عن حياتنا الوافعية اليوم
تلمس قلوب الناس في الوطن العربي والبلاد التي لم تصل إلى الفكر العالمي المتطور
في الدول المتقدمة كأمريكا والغرب واليابان وروسيا وأوكرانيا والصين وغيرها .
وليس لنا إلا اللجوء إلى الدعاء والتمسك بالدين والتحفيز إلى الأمل والتفاؤل بأن الفرج
قادم إن شاء الله . تحياتي

[سيد يوسف مرسي]

المشاركة الأصلية كتبت بواسطة محمد فهمي

أهلا بشاعرنا المشهور على ساحة المنتديات والتواصل الاجتماعي
الأخ الأستاذ / سيد يوسف مرسي

كلماتك المعبرة عن حياتنا الوافعية اليوم
تلمس قلوب الناس في الوطن العربي والبلاد التي لم تصل إلى الفكر العالمي المتطور
في الدول المتقدمة كأمريكا والغرب واليابان وروسيا وأوكرانيا والصين وغيرها .
وليس لنا إلا اللجوء إلى الدعاء والتمسك بالدين والتحفيز إلى الأمل والتفاؤل بأن الفرج
قادم إن شاء الله . تحياتي

ربنا يبارك في أستاذي العزيز مرورك دائما يسعدني ويغبطني نسأل الله تعالى أن يصلح أحوالنا وأن يفرج كربنا