الزائر الكريم: يبدو أنك غير مسجل لدينا، لذا ندعوك للانضمام إلى أسرتنا الكبيرة عبر التسجيل باسمك الثنائي الحقيقي حتى نتمكن من تفعيل عضويتك.

منتديات  

نحن مع غزة
روابط مفيدة
استرجاع كلمة المرور | طلب عضوية | التشكيل الإداري | النظام الداخلي 

 

العودة   منتديات مجلة أقلام > المنتديــات الأدبيــة > منتدى القصة القصيرة > قسم المسرح

إضافة رد

مواقع النشر المفضلة (انشر هذا الموضوع ليصل للملايين خلال ثوان)
 
أدوات الموضوع التقييم: تقييم الموضوع: 1 تصويتات, المعدل 5.00. انواع عرض الموضوع
قديم 09-04-2009, 07:42 PM   رقم المشاركة : 1
معلومات العضو
ربيع عبد الرحمن
طاقم الإشراف
 
الصورة الرمزية ربيع عبد الرحمن
 

 

 
إحصائية العضو







ربيع عبد الرحمن غير متصل

Bookmark and Share


افتراضي مسرحية " الشيش "

مسرحية الشـــــــــــيش
عن قصة ربيع عقب الباب( وجبة)


تنويه: يجب ان يرتدى الممثلون ملابسهم الكاملة من الامام بينما (ينبغى ) ان تكون ظهورهم عارية.. يمكن الاستعاضة عن ذلك برسم تفاصيل كاريكاتورية للظهر الادمى على الملابس من الخلف- او ما يوحى بذلك-, .. يظهر الممثلون بينما يحمل كل منهم برواز (شيش) نافذه يخفى به وجهه
اللوحــــــــــــــــــــــــــــــــة الاولــــــــــــــــــــى
المنظــــــــــــــر: قسم البوليس.. الضابط يجلس على المكتب بينما يتقدم اثنان من المواطنين يحصرون بينهم شخص يقبضون عليه
مواطن1:- اتفضل يا باشا آدى آخرتها تلات ساعات شغل ومش عارفين نقلبه
الضابط:- ومش عارفين تقلبوه ليه ( يتقدم من المتهم) .. مخبى الفلوس فين ياروح أمك؟
مواطن2:- ما تتعبش نفسك سعادتك احنا غلبنا فيه .. فتشنا كل حته ممكن تتفتش وبرضه مش لاقيين فلوس
الضابط:- ( يدور من خلفه) .. ما دورتوش فى ال.......
مواطن1:- فاهمين قصدك .. سعادتك مخليناش حته .. ولا سنتى واحد فى جتته وبرضه مفيش فايدة
الضابط:- ماهو باين عليه يوم نحس من أوله(يجلس على المكتب ويتناول الاوراق).. ياللا ياسيدى .. اسمه ايه بأه النبى حارسه .. واللا اقوللكم .. خدوا الكشف ده .. نقوا له تهمه على مزاجكم
مواطن2:-(يقرأ بأهتمام).. آه.. قتل.. قتل بالسرقة.. اغتصاب.. رشوة.. سطو مسلح.. أقتحام أماكن...لا..لا.. شوف سعادتك ..اختار انت واحنا حنمضى على طول وهو مش حيقدر يتنفس
الضابط:- طب استنوا يا جماعة شوية ..باين عليه طيب ومتعاون.. قل لى يامتهم ..انت مش راضى تخليهم يشوفوا شغلهم ليه ..انت غاوى تعطل العمل؟
المتهم:- واخليهم يشوفوا شغلهم ازاى .. مانا ممعاييش حاجة ... لقيتهم جايين يفتشوا جيوبى سبتهم ولما ما لقوش حاجة جابونى على هنا وهات ياضرب
الضابط:- ماهو انت لو فهمتهم ان ممعاكش حاجة كانوا سابوك وشافوا واحد تانى.. انت عارف انت عطلتهم قد ايه عن شغلهم وأكل عيشهم؟
المتهم:- قلت لهم فى الاول ما صدقونيش رحت سايب لهم نفسى يفتشوا فيها براحتهم
الضابط :- (يدور من حوله مرة اخرى)... ما انت كمان واضح انك مش سهل .. منظرك منظر واحد مليان ومتريش .. طمعتهم فيك ولما جم يقلبوك خدوا فيك مقلب نصبت عليهم يعنى
مواطن2:- يا سعادة البيه كلهم بيقولوا ان ممعاهمش حاجة وأول ما نضرب صوابعنا فى جيوبهم نطلع بالمعلوم..انما ده .. عمرنا ما شفنا واحد بالشكل ده
الضابط:- بص بأه ياسيدى.. انا حكلمك مش بصفتى ظابط انما اعتبرنى أخ واقبل منى النصيحة..
المتهم:- أؤمر سعادتك
الضابط:- الناس دى ممكن يأذوك.. شوف هما بيدعوا عليك ايه .. بيقولوا قعدوا تلات ساعات يفتشوك ومالقيوش معاك حاجة .. عارف يعنى ايه تعطل اتنين شغالين تلات ساعات بحالهم.. يعنى حيدفعوا ضرايب وتأمينات ومجلس مدينة ورشاوى وهدايا ..كل ده محسوب عليهم انه وقت عمل .. وبعدين انت ايه اللى مزعلك انهم يسرقوك.. هو انت اول واحد يتسرق؟
مواطن1:- بص يا سعادة الباشا.. احنا ولاد بلد برضه ومانقبلش الأذى لحد..احنا عاوزين التراضى ..الاصول يعنى وكل واحد ياخد حقه... بلاش القضية.. يدفع لنا اجرتنا واحنا نمشى من هنا ومانوريهوش وشنا تانى
الضابط:- ( يتظاهر بقراءة الجرائد)... انا عن نفسى حعمل انى مش شايف حاجة..... .. انتو اتفاهموا مع بعض وانا موافق على اى اتفاق .. انا برضه جدع ومااحبش الأذية
المتهم:- طب والضرب اللى انضربته والبهدلة اللى اتبهدلتها.. طب وانا ذنبى أيه اذا كان ممعاييش فلوس ياناس؟
مواطن2:-ماهو مش معقول راجل طويل عريض زيك ممعاهوش فلوس, امال بتأكل عيالك ازاى؟
مواطن1:- آهى دى بأه فى الجون.. ايوه يا سعادة الباشا بيأكل عياله أزاى... احنا نروح معاه البيت وناخد حقنا منه ده احسن حل
المتهم:- ولو طلع عيالى مش لاقيين ياكلوا حتقولوا نصب علينا المرة دى كمان وتطلبوا حق المشوار
الضابط:- هو معاه حق برضه .. بس الامور ما تنسابش بالشكل ده .. انا شايف ان الفكرة دى كويسة بس علشان ما تروحوش معاه بيته ويعمل معاكم مشكلة هناك انا حروح معاكم بنفسى.. حاخلص النبطشية واقوم معاكم .. هو صحيح مش واجب عليا علشان خارج اوقات العمل الرسمية بس برضه دى دايرة القسم بتاعى وما يصحش اسيب الامور كده .. تانى يوم الاقى عشرة خمستاشر واحد رافضين يتسرقوا زى البيه وجايبينهم على هنا ... يا شاويش مخيمر .. استلم على بال ما ييجى الظابط النبطشى .. ياللا بينا

اللوحــــــــــــــــــــــــــــــــــــــــــة الثانية
منـــــــــــــــــــــــــــــزل المتهم

( يجلس ولد وبنت فى ركنين متقابلين على اقفاص من الجريد بينما يخلو فراغ البيت من أى أثاث)
المتهم:-وسعى يابت يا سمية.. اتفضلوا.. أمك فين وايه الصوات اللى بره ده؟
سمية:- أمى راحت تعزى الجيران.. دكر البط الكبيربتاعهم مات الصبح
المتهم:- صحيح بقاله كام يوم كده بيعرج وحالته مش طبيعية .. هو كان عيان؟
سمير:- لأ يابابا.. دول كانوا بياكلوا منه .. كل يوم الواد شلضم ابنهم يحمى السكينة ع النار ويقطع له حته من الورك
المتهم:- ازاى الكلام ده وبقاله أد أيه بيعمل كده؟
سمية:- ماهو لما ابوهم عرف كده بقة يطلع الفجر هوكمان ويقطع له حته من الصدر
المتهم:-والدكر فضل عايش؟
سمير:- ماهى السكينة لما كانوا بيحموها فى النار مكانتش بتنزل دم وكان كل يوم يخف ويكبر ويرجعوا يقطعوا منه حته تانى
المتهم:- ودفنوه؟
سمية:- امى طلعت الحتة الباقية من ملاية السرير.. والجيران لموا بقية الكفن وطلعوا بيه من ساعة
الضابط:- الظاهر الشغلانة حتوسع.. آهى بقت قضية قتل كمان .. حد يروح للشاويش مخيمر يجيب دفتر المحاضر..قل له يتصرف فى اتنين تلاتة شهود كمان علشان ننهى المسألة
مواطن1:-.. انا شايف ان الموضوع حيتبطط.. انا مش حسيب حقى يا حكومة
الضابط:- متخافش..مراته زمانها راجعة م العزا وحتاخد حقك..اكيد هى اللى معاها الفلوس
المتهم:-شوفى عندك لقمة للضيوف يابنتى واللا امك عاينه الاكل كمان
سمية:- فيه صوت جاى من الشارع باين أمى رجعت مع الناس
الزوجة:- فيه ايه ياخويا انت وهو... أيه اللى جايب الناس دى يااحمد.. انت اتمسكت بحاجة؟
الضابط:-( يدور حولها متفحصا) حاجة زى أيه ..؟
المتهم:- مبسوطة آديكى لبستينى قضية تانية
مواطن1:- يايلا ياختى .. قبى بالفلوس خلينا نشوف أكل عيشنا
الضابط:- استنى .. لهو انت عاوز تاخد فلوسك وتخلع... امال القضية التانية أشربها بأه؟
مواطن1:- وانا مالى.. انا لاشفت الدكر البط ولا كلت منه يعنى ماكلتش حاجة اشرب عليها
الضابط:- لا ياخفيف.. الحكومة جريت من مكانها علشان تجيب لك حقك.. انت كمان لازم تساعد الحكومة لما تطلب منك حاجة
سمير:- فيه صوت جاى من بره يابا... حد بيسال عن البيه الظابط
الضابط:- ده يبقى الشاويش مخيمر جه بنفسه.. هما الجيران قريبين من هنا؟
سمية:- البيت اللى قصادنا على طول ..لو بصيت من الشباك اليمين تشوف اللى فى الحمام بتاعهم.. ولو بصيت من البلكونة تشوف اللى بيتقلب فى السرير
الضابط:- طب ياللا بينا .. تعالوا نعمل معاينة .. وخليك مع مراتك .. طلع الفلوس براحتك
سمير وسمية:- ياللا نتفرج هيــــــــــــــــــــــه
المتهم:- كنتى فين من الصبح ؟
الزوجة:- يعنى بدل ما تدخل عليا بكيلو فاكهة تدخل لى بقضية
المتهم:-(يحاول رفع طرف جلبابها لينظر الى سيقانها) ماهو انا طول النهار بدور على شغل
الزوجة:- اوعى كده ... مش منبهه عليك ألف مرة ما تبصش عليا
المتهم:-( يدور حولها محاولا جذب طرف الجلباب من كل جانب متجاهلا ان ظهرها عار تماما او هكذا يبدو).. ايه حكاية الدكر البط ده؟
الزوجة:-استريح من الدنيا وقرفها .. تعب كتير وشاف العذاب
المتهم:-( مكررا محاولاته ولكن باستخدام عصا أو يد مقشة من بعيد).. تصدقى .. الظابط ده جاى من القسم علشان الحرامية اللى معاه شاكييننى آل أيه معرفوش يسرقونى وضيعوا وقتهم أونطه..
الزوجة:- اللى زيك مفروض بشنقوه مش يشتكوه بس
المتهم:- طب وحنعمل أيه .. دول جايين ومش حيمشوا الااذا خدوا فلوس.. انتى ممعاكيش حاجة مخبياها لظروف زى دى؟
الزوجة:- اعمل حسابك الواد حيكرشوه م المدرسة لو مغيرش الشيش بتاعه.. الابلوات شافوا عينيه من الشيش المكسوركام مرة وهو بيبص عليهم فى الحمام
المتهم:- يعنى هو احنا ناقصين بلاوى.. طب الظابط واللى معاه حنتصرف فيهم ازاى؟
الزوجة:- فيه شغلانة عند مشرط النشال .. الصبى بتاعه عامل عملية الزايدة وعاوزك معاه يومين ..اهو على بال ما تفرج
المتهم:- وهو مشرط حيقبضنى أمتى ؟ أقله فيها اسبوع ..ده لو ما سرقنيش فى السكة انا كمان
الزوجة:- خليهم متلهيين فى موضوع الدكر البط آهو نتوههم شوية لحد ما نتصرف
الضابط:- الشاويش مخيمر ده ملوش حل.. المحضر كتبه فى القسم قبل ماييجى وخد عليه توقيع الشهود وكمان عرضه ع النيابة
المتهم:- مش سعادتك قلت حتعمل معاينة
الضابط:-( يتفحص مبلغا فى جيبه , يطمئن على انه مازال موجودا).. الناس دول طلعوا غلابة.. طلعوا غلابة بجد.. تخيل .. تخيل الجوع ممكن يعمل أيه فى اخلاق الناس الطيبين المحترمين
المتهم:- طب والدكر.. الدكر المسكين اللى اتقتل
الضابط:- الناس فى بلدنا كلهم طيبة وشهامة .. حفروا للدكر حفرة غويطة جدا جوه انضف كوم زبالة ودفنوه
الشاويش:- الحق يافندم.. وكيل النيابة باعت يؤمر بتشريح الدكر
الضابط:- يشرحوه..؟..ليه....هو حد لغوص ف الكلام؟
الشاويش:- طبيعى يافندم ماهو المحضر بيقول تسمم بمبيد حشرى ..دكر بط واتقتل ..يبقى أكيد مبيد حشرى
الضابط:- وانا بقول النباهة اللى حطت عليك دى جاتلك منين..وانت طبعا اللى دبجت المحضر ...طب والحل أيه دلوقت؟
الشاويش:- نجيب الدكر من مطرح ما لقحوه ونبعته للمعمل
الضابط:- وده حيتم امتى..؟ دلوقت والناس صاحية ومفتحة عينيها ..مش حنخلص.. حيقولوا طلعوه يقسموه على بعض وياكلوه..( للزوجة)..هو الدكر ده ييجى قد ايه يعنى..سمين كده ومربرب؟
الزوجة:- كان لما يقف على سطح الجيران يحس ان مفيش دكر غيره فى الدنيا...كان طويل وعريض... صدره واسع ورجليه ثابته..وبصته...
الضابط:- ياه..ده انتى كنتى واخده بالك منه كويس.. ياترى لسه واخده بالك برضه دلوقتى؟
الزوجة:-ياما كنت ابص عليه وهو واقف ساعة العصارى باصص لفوق ..للسما ..ورقبته عمره ما نزلها ..كنت اتمنى انى اطلع عنده ..اخبيه جوه هدومى..اخطفه واجرى
الضابط:- (يعود الى الدوران حولها متفحصا جسدها بدقة) بس انتى لو تاخدى بالك حتلاقى كتير قوى غيره
مواطن1:- واحنا مش حنخلص بأه وناخد حقنا .. الوقت بيمر والعطلة دى كلها مين يتحملها؟
الشاويش:- ( يزجره بعنف) هو انت مش شايف البيه الظابط بيشتغل ..هو احنا يعنى حنجيبلك قسم خصوصى يشتغل لحساب جنابك..قوم ياللا انكشح أحسن أعرفك الأدب اللى على أصوله
الضابط:- عموما انا عندى شغل ..زى مانت شايف لازم انفذ أمر النيابة وأجيب الدكر ,وده يعنى ممكن ياخد وقت..ساعة..ساعتين..( ينظر للزوجة) ..أو يمكن ابات هنا لحد ما أنفذ مهمتى..روح معاه انت ياشاويش مخيمر وخدوا الجدع ده المتهم واعمل له محضر تحريات



اللوحــــــــــــــــــــــــــــــــــــة الثالثة
مقلب القمــــــــــــــــــــــــــــــامة
المنظـر:- ساحة وسط الشوارع بها كومة قمامة ضخمة ينتصب وسطها ما يشبه بريمة حفر آبار البترول, وبينما يختفى نصف جسد الزوجة داخلها يتربص عدد من الجنود المسلحين والضابط خلف ما يشبه تحصينات المعارك الحربية
الزوجة:- ( تخرج بعض من محتويات الكومة ومن بينها كتب, نياشين وأوسمة, ملابس.تماثيل أثرية.. واشياء لها قيمة معنوية ثمينة)..لسه كمان..يادى الغلب.. ماهو كمان لو كان نور النهار طالع كنت شفت اللى تحت رجليا واستريحت..ياااه..هو انتوا دافنينه فين ..باين هو ده..اما أنزل اشوف( تختفى)
الضابط:- ( للشاويش مخيمر).. كويس انها مش شايفانا دلوقت.اتحرك انت وروح الناحية التانية بسرعة
الشاويش:-بس يافندم مش كان مفروض ان احنا اللى نطلعه
الضابط:- لا يا فالح .. سيبها هى اللى تتعب وتطلعه وتحس انها عاملة جريمة وتستخبى وبعدين ناخده احنا ع الجاهز... ياللا بسرعة استخبى
الزوجة:-أيه كل الحاجات دى .. ودى لزمتها ايه..؟..باااه ..دول الزبالين بيتعبوا قوى...ولسه فيه كتير منها....دانا عاوزالى ولا ييجى شهر على ما أوصل آخرها..دول كأن الناس مبيعملوش أى حاجة طول حياتهم غير انهم يرموا زبالة (تختفى)
الضابط:- القوة تستعد .. باين عليها قربت توصل....اول ما تلاقوها شايلة دكر البط ومخبياه تهجموا على طول
الشاويش:- يا خسارة .. طبعا مش حيبقى فيه حتة تنفع تتاكل..زى بعضه آهى تقضية أوامر والسلام
الزوجة:- ماهو لو كل اللى بييجوا هنا يسيبوا الحاجات مترتبة ..أو يعملوها بالدور ..ماهى كل البلد لها مكان هنا.. كل واحد له حتة ..لو بس ما ننعكشش زى الفراخ!
الضابط:- دى اتجننت واللا ايه.. مش معقول كل ده بتدور على دكر بط ميت .. استحلت الوقفة واللا عجبتها الريحة.... هه... ناس غريبة فعلا
الشاويش :- ( يتسلل الى مكان الضابط) :- والنبى يافندم ... الواد ابنى بيدور ع الشهادة الكبيرة بتاعته من يومين .. نقوللها يمكن تلاقيها..؟
الضابط:- كما كنت يا شاويش.. انت ناسى اننا ف مأمورية؟ خللى موضوع شهادة ابنك ده بعدين... اسمع .. انا شايف ناس كتير اتلموا حوالينا.. الظاهر الخبر وصلهم .. انتبه كويس علشان مش عاوزين مشاكل
الزوجة:- ياحلاوة.. ده ايه ده..؟.. شعر.. لما اقراه فى القمر ده.. وأيه ده كمان.. دى خطب ..سياسة يعنى .. لا.. الله.. قميص نوم وعلب حلاوة وسبوع وريحة.. وصيتى الى أولادى...أولادى الأعزاء.. لقد قضيت عمرى فى... أبونيه فى القطرودعوة فى فرح... اما اقعد اقرا....
المتهم:- .. تكونش هى دى اللى واقفة جوه كومة الزبالة...
الضابط:-اثبت مكانك ..ولا حركة... تعالى الناحية دى من غير صوت وخلينا نشوف شغلنا
المتهم:- يافندم بدور على مراتى ..اتأخرت بره وجيت ادور عليها
الضابط:- وايه اللى عرفك انها هنا
المتهم:- ماهى كل الناس بتيجى هنا وكل شوارع البلد اخرتها هنا وكل ما حد بيخرج بالليل ما بيلاقيش حتة الا هنا مانتاش شايف سعادتك البلدية عاملة البريمة الكبيرة دى .. ماهى كل حاجة موجودة هنا
الضابط:- اسمع... انا اشتغلت كتير فى المرور وف أمن الدولة وعارف الرموزدى معناها أيه.. انا بحذرك .. وبعدين .. انت مطلوب فى قضية ولسه ملفها ما خلصش انت عارف طبعا قصدى أيه
المتهم:- .. أمن دولة أيه ومطافى أيه...انا يا سعادة الباشا بدور على مراتى ..أذنبت يعنى؟
الضابط:- مراتك دى لما تكون ف البيت لكن دلوقت هى مش مراتك ... انت مش شايف العساكر والتحصينات والمدافع والناس الملمومة والرتب اللى حتيجى ..أه... قصدى .. انت دلوقت ملكش ولاية عليها ..هى دلوقت بتأدى خدمة وطنية ..روح هناك أتسحب بشويش من غير ما تشوفك وروح ناحية الشاويش وخليك هناك( يتحدث فى اللاسلكى) .. ايوه يافندم ..تمام.. لسه ..لسه يافندم الدكر مش باين
الزوجة:- .. بس مفيش اكتر من ورق النتيجة ..يناير ويوليو.. اكتوبر وديسمبر..رمضان وهاتور وبرمودة...كل الايام دى .. يااااه ..دانا اتأخرت كتير عن عيالى وزمانهم بيدوروا عليا ف كل حتة.. ياترى عاملين ايه دلوقت ياولادى؟.
الضابط:-(يتسلل حتى يصل الى مكان الشاويش).. بقوللك ايه يا مخيمر ..انا جعان قوى ..انت مش جعان برضه
الشاويش:- الظاهر ان الست قربت توصل للدكر علشان كده مناخيرى شامه ريحة وبطنى بتصوصو فيها العصافير
الضابط:- طب ما تشوف لنا حاجة ناكلها .. مفيش محل فاتح قريب.. ولا حتى عربية كشرى؟
الشاويش:- كلهم قفلوا سعادتك.. افتكرونا حملة مرافق وخافوا مننا
الضابط:- آدى عيب البدل الميرى.. قلت لهم دى شغلة المباحث ومفيش داعى نوسخ بدلنا النضيفة فى المزبلة دى قالوا أوامر
الشاويش:- انتى بتدورى ف أيه .. ما تسيبى ورق النتيجة اللى انتى شاغلة نفسك بيه وتشوفى لنا الدكر...الدكر اهم حاجة دلوقت
مواطن1:- يادى الدكر.. امال يعنى لو مكانش دكر بط ميت .. لو كان يعنى دكر بصحيح..فارس يعنى وراكب حصان كنتوا عملتوا ايه
الضابط:- انت نسيت نفسك يا شاويش مخيمر.. انت مش عارف اننا مستخبيين علشان هى ماتشوفناش .. مش عارف ان طبيعة المامورية دى سرية .. سرية جدا
الشاويش:- اعمل ايه يا فندم ماهى برضه حاجة تمخول العقل.. الولية سايبة الدكر البط تحت رجليها وعمالة تدور فى ورق النتيجة وتقرا فيه.. تكونش بتدور على حاجة عزيزة ضاعت منها؟
الضابط:- اقف انتباه يا شاويش ومتتكلمش بالعشم ده كله مع رؤسائك.. ثم بص لنفسك كده .. مش شايف ان الشيش بتاعك فيه حتتين مكسورين.. انت بتهمل فى اثناء الخدمة .. بس ياللا.. المامورية دى تعدى على خير وبعدين حيبقالى كلام معاك
المتهم:- ياجماعة سيبوها ..هو انتوا يعنى عارفين هى بتعمل أيه.. ثم يعنى لو عاوزين الدكر ما تنزلوا انتوا فى المقلب وتدوروا بنفسكم
مواطن1:- آديك شرفت يا قمر ..بس تعالى لى ياحبيبى ..فين الفلوس اللى عليك..انت فاكرها سايبة؟
مواطن2:- ايوه ما تسيبوش بأه لحد مناخد حقنا ..سيبك من سكة الحكومة دى
( يتجمع مواطنون آخرون..باعة وصبيان وينخرطون فى نقاش حول المواطن والمتهم بينما تختطف الزوجة جثة الدكر البط وتتسلل بها بعيدا من خلف المتربصين)
الشاويش:- الحق يافندم .. دى باينها خطفت الدكر وجريت.. مش باين لها اثر
الضابط:- معاك دفتر المحاضر... حول نفسك للتحقيق انت والقوة كلها .. ما تتحركوش من هنا لحد البوكس ما ييجى وتركبوا فيه كلكم
الشاويش:- واحنا ذنبنا ايه يا فندم الدنيا ضلمة والجماهير اتجمعت وهى استغلت الحكاية وهربت
الضابط:- اكتب يا شاويش مخيمر.. انه فى ساعته وتاريخه .. وفى اثناء تاديتنا للمامورية المكلفين بها.. تلاحظ حالة من عدم الانضباط الميرى والخروج عن مقتضيات الوظيفة ..وذلك لوجود اهمال جسيم مما ترتب عليه ظهور اغلب افراد القوة بينما الشيش الميرى المسلم لهم والذى يغطى وجوههم ..فى حالة من الاهتراء والتلف مما يستوجب التحويل الى المحاكم المختصة.. ابدا التحقيق...سين.......
ســـــــــــــــــــــــــــــــــــــــــــــــــ ــــــــــتار


عبد الله سعد البدوى طنطا 4/4/






 
رد مع اقتباس
قديم 09-04-2009, 08:02 PM   رقم المشاركة : 2
معلومات العضو
ربيع عبد الرحمن
طاقم الإشراف
 
الصورة الرمزية ربيع عبد الرحمن
 

 

 
إحصائية العضو







ربيع عبد الرحمن غير متصل

Bookmark and Share


افتراضي رد: مسرحية " الشيش "

قصة " وجبة "
حين نام الشارع ، وشخيره علا ..
خرجت تتلصص ،
ثم كومة القمامة هاجمت ، والتقطت جثة ضخمة لذكربط ،
وأخفتها فى ثيابها ، وركضت مختبئة !!
لكن عينا هناك .. خلف سنابل شيش شباك مقابل ..
كانت تبكى مصيرا مفجعا .. ينتظر البطون الجائعة !!!!!







 
رد مع اقتباس
قديم 11-04-2009, 03:06 AM   رقم المشاركة : 3
معلومات العضو
مجدي السماك
أقلامي
 
الصورة الرمزية مجدي السماك
 

 

 
إحصائية العضو







مجدي السماك غير متصل

Bookmark and Share


افتراضي رد: مسرحية " الشيش "

الرائع ربيع عبد الرحمن..تحياتي
مبدئا اعجبتني اللغة.. بل سحرتني ربما لانني احب العامية المصرية.. سوف اعلق عليها فيما بعد.. لانني حاليا بلا تركيز..سوف انام.
مودتي







 
رد مع اقتباس
قديم 18-04-2009, 04:14 AM   رقم المشاركة : 4
معلومات العضو
مجدي السماك
أقلامي
 
الصورة الرمزية مجدي السماك
 

 

 
إحصائية العضو







مجدي السماك غير متصل

Bookmark and Share


افتراضي رد: مسرحية " الشيش "

تحياتي ايها الرائع
قرأتها امس مرة اخرى..لم استطع رغم محاولاتي كتابة تعليق بسبب ضعف النت. المهم انها مسرحية رائعة الجمال..وحلوة الى درجة عاليه. واضح انها مأخوذة عن قصتك.. بكل جمالها ورونقها.
خالص الاحترام







 
رد مع اقتباس
قديم 18-04-2009, 04:23 AM   رقم المشاركة : 5
معلومات العضو
ربيع عبد الرحمن
طاقم الإشراف
 
الصورة الرمزية ربيع عبد الرحمن
 

 

 
إحصائية العضو







ربيع عبد الرحمن غير متصل

Bookmark and Share


افتراضي رد: مسرحية " الشيش "

اقتباس:
المشاركة الأصلية كتبت بواسطة مجدي السماك مشاهدة المشاركة
تحياتي ايها الرائع
قرأتها امس مرة اخرى..لم استطع رغم محاولاتي كتابة تعليق بسبب ضعف النت. المهم انها مسرحية رائعة الجمال..وحلوة الى درجة عاليه. واضح انها مأخوذة عن قصتك.. بكل جمالها ورونقها.
خالص الاحترام
هذه كانت من تأليف
عبد الله البدوى
الكاتب الطنطاوى الصديق
عن قصتى " وجبة"
وهذه أولى كتابته المنشورة






 
رد مع اقتباس
قديم 22-04-2009, 10:32 PM   رقم المشاركة : 6
معلومات العضو
عبد الله البدوى
أقلامي
 
إحصائية العضو







عبد الله البدوى غير متصل

Bookmark and Share


افتراضي رد: مسرحية " الشيش "

بداية ارحب بكم ايها الاصدقاء..هذه اواى كتاباتى المنشور رغم انى اكتب منذ عشرين عاما.. تحياى الخاصة للاستاذ ربيع فما وجدته فى قصته من احساس أوقظ فى نفسى الرغبة فى معايشة هذا الجو الرائع بدرجة مرعبة .. افرأوا القصة جيدا فهى بحق ترسم لوحة شديدة الخصوصية لواقع ما نا نظن اننا نعيشه... شكرا لكم وتسعدنى صداقتكم.
عبد الله البدوى







 
رد مع اقتباس
قديم 10-08-2009, 05:40 PM   رقم المشاركة : 7
معلومات العضو
ربيع عبد الرحمن
طاقم الإشراف
 
الصورة الرمزية ربيع عبد الرحمن
 

 

 
إحصائية العضو







ربيع عبد الرحمن غير متصل

Bookmark and Share


افتراضي رد: مسرحية " الشيش "

رائعة ياعبد الله .. قلمك جميل يابنى
ربنا يوفقك

حبيبى انت عبد الله







 
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 

اشترك في مجموعة أقلام البريدية
البريد الإلكتروني:
الساعة الآن 07:31 AM.


Powered by vBulletin® Version 3.8.3
Copyright ©2000 - 2019, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط