الزائر الكريم: يبدو أنك غير مسجل لدينا، لذا ندعوك للانضمام إلى أسرتنا الكبيرة عبر التسجيل باسمك الثنائي الحقيقي حتى نتمكن من تفعيل عضويتك.

منتديات  

نحن مع غزة
روابط مفيدة
استرجاع كلمة المرور | طلب عضوية | التشكيل الإداري | النظام الداخلي 

 

العودة   منتديات مجلة أقلام > المنتديــات الأدبيــة > منتدى القصة القصيرة > قسم المسرح

إضافة رد

مواقع النشر المفضلة (انشر هذا الموضوع ليصل للملايين خلال ثوان)
 
أدوات الموضوع تقييم الموضوع انواع عرض الموضوع
قديم 09-10-2008, 11:16 PM   رقم المشاركة : 1
معلومات العضو
ربيع عبد الرحمن
طاقم الإشراف
 
الصورة الرمزية ربيع عبد الرحمن
 

 

 
إحصائية العضو







ربيع عبد الرحمن غير متصل

Bookmark and Share


افتراضي أوبريت " شربات " ( 1 )

أو بر يت

شــربــات
ع الطريقة الساكسونية
عن زيارة السيدة العجوز
" لدورينمات "


ربيـع عقــب البــاب


شربات
على الطريقة الساكسونية

الشخصيات
1 – طه فوق الستين – لكنه قوى – صاحب رأى – اختارته المدينة ليكون رئيسها بعد
انتهاء فترة رئاسة الرئيس الحالي – متفاهم إلى أقصى درجة – يعرف بعض الحقيقة
وليس كلها فيما يتم ويحدث للمدينة 00 إنه مستقبل المدينة 0
2 – الرئيس محبوب من الجميع ، ويبدو أصغر من طه بقليل – يعرف حدود المسألة كلها،وعلى
عينه تتم خيوط اللعبة 0
3 – شربات طردت من المدينة من أربعين سنة ، وعادت إليها بطريقة خرافية – فى الستين من
عمرها- لتقضى على كل رموز رفضها وبيد من أرغموها على الرحيل وطاردوها
4 – عبد ربه يمثل النظام والأمن في البلد ، قد يكون مدير الأمن ، أو صول - له قبضة حديدية
– يحمل كرباجا بصفة دائمة حتى في حالة استتباب الأمن !!
5 – صابر مدرس فى المدرسة وربما يمثل هيئته الوظيفية – وطنى شجاع فى الثلاثينات من
عمره0
6 – نادر رسام رديكالى ، وهو فى مثل عمر صابر 0
7 – القاضي فى نهاية الستينات من عمره 00 من الوجوه التى رفضت شربات وحكم عليها 0
8 – مدير الملجأ رجل طيب مسن ، لا يهمه سوى رعاية الأطفال واليتامى
9 – مرسى شهد من أربعين سنة على شربات أمام المحكمة والناس ، وشارك فى طردها
10- رجب الشاهد الثاني فى قضية شربات 00 ومن الرموز القديمة التي رفضتها
11- مجموعة أطفال
12- مجموعة نساء وفتيات
13- مجموعة رجال يمثلون العمال والفلاحين ورجال الست شربات
الزمان – فى الستينات من القرن الماضى
المكان – مدينة من مدن العالم الثالث


اللوحة الأولى



الكثير من الأولاد والنساء والرجال فى حالة يرثى لها ، بعضهم يتقدم بحياء من الدكان ،
ثم يتراجع ، والبعض يفترشون الأرض ، معظمهم عمال وفلاحون
عامل1 : فات كتير ياخلق هوووه 00 والفرج لساه ماجاش
عامل2 : واللى فاضل عندنا بعد القطط0000 أكل الكلاب
عامل3 : السكات ماعادتش نافع
عامل4 : والرقاد جار المصاطب
عامل1 : ماعادتش نافع
عامل3 : و الحديت والقوالة ، و الجعير ، و الشخيط00 برضه ماعادتش نافع
عامل5 : طب نفش غلنا إزاى وفين ؟ على مين ؟
عامل3 : ماتقولوا لنا ياطيبين ؟
عامل6 : فى عيالك ،
عامل1 : فى مراتك ،
عامل3 : ولا أقول لك00 أبلعه 00 ابلع لسانك
عامل5 : يعنى نفطس ؟
عامل1 : يبقى أحسن
عامل6 : باقى إيه حانعيش عشانه00 باقى إيه ؟
طفل1 : جدو طه 00 جدو جدو
طه : على عينى
طفل1 : إدينى حتة 0
طه : على عينى ياننى عينى
طفل1 : بسكوتاية ؟
طه : ولا حتى بسكوتاية
طفل : بمبناية
طه : بمبوناية 00عندى عندى 0
طفل2 : وأنا زيه ياجد طه
طه : و أنت زيه
طفلة : وأنا واحدة ياجد طه
طه : وأنت واحدة 00 بس يعنى والحساب
الاطفال: الحساب 00 الحساب 00 الحساب
طه : الحساب يوم الحساب00
يللا روحوا بالسلامة00
آه يانارى 00
بس لو فيه حد يدفع ،
كان حاينفع ،
زيت يلين المكن
دى مصيبة .. وعجيبة من عجايب الزمن
امرأة : واللى زىّ ياجدى طه 0
اعتبرنى م العيال 00وادينى واحدة ؟!
طه : الكبير يصبر ياحلوة ،
العيال لوجاعوا ماتوا 00
والعيال لو ماتوا نصبح مجرمين !!
شاب: السنين بتعدى واحنا ،
محنة تسحبنا لمحنة ،
والكلام هو الكلام ،
بحر مايرويش عطاشى
طه : بكرة تفرج ياجميل ،
والمكن يرجع يدور ،
والغطان الخضرة يفرش خيرها ياما
شاب: بكرة بكرة 00 هو بكرة كان حلف ،
ع اليمين
مايعتب بلدنا
هو دين 00ياطيبين
شابة: نفسى أعرف ، نفسى أفهم ،
المكن كان خيره ياما ،
والغطان شايله الفرح
و الخير سباط ..
نايم على كفوف البلد
إيه جرى 00 مين السبب ؟
طه : يعنى لسه ماتعرفيش ؟
شابة: نفسى أعرف ؟
طه : أنا عارف ، وأنت عارفه ، بس يعنى هانعمل إيه ؟
شاب: نعمل إيه ، ودى برضه تيجى منك ؟
طه :الريح شديدة 00
والمكن ماعادش لينا ،
والسقوف وقعت علينا ، والأراضى
و الترع
والسواقى ،
حتى صوت الناى خدوه ،
كسروا غابه ، وكمموا حنكه .. وباعوه !!
شاب: همه مين ؟ همه مين ياجدو .. قول ؟
طه : الجراد ..
اللى مص الدم فى عروق البلد !
شابة: الجراد !!
شاب :الجراد ده يبقى مين ؟
طه : اللى فرق البشر فى معسكرين ..
لجل خاطره !!
الديابة فى معسكر ..
والغنم برضه فى معسكر
تبقى تحت إيديه فى ثانية ..
عامل2: بس عمر الخير مايخلص ياجدع
عامل3: أى نعم
فلاح4 : أنت بتغنى ، وعلى نفسك ترد ؟
فلاح5 :حاجة تفلق 00 هو فين الخيردى قول لى 00قول لى فين وأنا أجيبه ؟
لو عليا مش حاسيبه
فلاح1 :ابن أخويا من يومين كان بيقرى ورقة صفرا
مرة واحدة أتنطر ..
قال ياعمى : بص شوف
قلت له : بس أشوف إيه يابن أخويا
أنا قادر
قال لى : واحدة 00 واحدة .. ست كبيرة خالص ،
مليونيرة ،
عندها الملايين كتيرة ،
كتيرة خالص ،
زى بحر مفيش مثيله 0
قلت له : مالها راخره ؟
مالها راح ؟
وباعوها 00 زى نعجة .. زى بقرة ؟
ولا حوت فى البحر طاله .. ولا إيه ؟
راح زاغرلى ،
قال لى: زارت كام بلد جارنا ، ودارت 0
شافت حوستها ، قلبها أتشعتف ، ورقت ،
نزلت كام دمعة سخنة ، وبكيتها 0
تعرف الست الكبيرة عملت إيه ؟
عملت إيه يابن القديمة ،
انطق ، ياإما تفضها يابنىسيرة !!
قال لى : إدت للبلد مليار ونص ،
والبلد التانية اتنين إلا ربع
والبلد التالتة طيرت عليها سبعة !!
انطربت
وحلقى جف
00 ولقيتنى على راسى واقف ..
انعدلت ، بلعت ريقى00 وقلت له
طب ليه مابتجيش حدانا يابن أخويا ؟
فلاح2 : والله حلم
فلاح3 :والله أغرب م الخيال !!
فلاح1 : صبرك عليه 00 بس أخلص
فلاح3 : قول يافالح
فلاح1 : قلت للواد ابن أخويا ، الأروبة ،
طب ماتكتب يابن أخويا الكتوبة ،
وقول لها ، جو الكتوبة ،
عن مصيبتنا القوية ،
، جايز ..
تحنن قلبها ،
تيجى 00وتغيتنا الحلوبة !!
فلاح2 : والله فكرة
فلاح3 : أنت طول عمرك نور ، وأروبة00 وكَتَبَ ؟
فلاح1 : فى ثوانى الكتوبة كانت تمام 00
حاجة إيه 00
وحكى لها ع اللى داير ..
البلد ،
والعيال ،
والسواقى القديمة ،
والمكن ،
و الكلاب .. والقطط ،
والشركات بنت اللئيمة 0
فلاح 4 : 00المهم 00 بعت لها؟
فلاح1 : ياريت 0 الولد كتب الكتوبة ، ورمح ،
لجل يلحق عمه جرجس ،
قبل مايشيل شوال الكاتوبات ،
قال له جرجس ،
لازمن طوابع تتلزق !!
فلاح3 : طوابع 00 لازمتها إيه بس الطوابع ؟
فلاح1 : قال له لازمن 00 يا مش هاتوصل !!
فلاح2 : ولزق أبصرها إيه بنت اللئيمة ؟
فلاح1 : الولد فات ع الجيران و جيرانهم ،
وجار جيران جيرانهم لجل قرش
قرش واحد 00 قرش واحد
ياخلايق لجل يلزق أبصر إيه دى الطوابع ع الكتوبة
لم لقى فى بيوتنا ميلم
00تعرفوا 00
كل واحد م الجيران قَطَّع فى جلده 00
قال له ينفع دمى يابنى 00
الكتوبة غِرقت فى دم 00
الطوابع 00كانت أغلى من دماهم !!
فلاح3: هس 00 أنا شايف ريسنا جاى
فلاح1 : إيه جرى 00 حد مات ؟
فلاح4 :موته تاخدك
فلاح2 :شوف يافالح مين معاه00 القاضى سليمان ،
و الخوجة صابر00 و الصول عبدربه 00يبقى إيه ؟
فلاح3 :ياخبر بفلوس ، صبرك شوية !!
فلاح1 : مش مصدق 00 دولا ناقص يرقصوا
لازمن عندهم أخبار تفرح 0
فلاح4 : معقول بلدنا لسه فاكرة 00 إن فيه أخبارتفرح ؟
فلاح2 :صحيح 00 حاجة تهبل00 أنت شايف 00 الرئيس فى إيده ورقة
فلاح1 :دى كتوبة من كتوبات عم جرجس
طه : ( يخرج من الدكان ويتقدم مرحبا ) ياميت أهلا وسهلا 00 معقول الريس بحاله وهيلمانه 00
موجود حدانا ؟!
الرئيس قبل الدخول ) ياراجل 00 أنت ناسى تبقى مين ؟ ( وهو يدخل ) أنت ناسى إنى ضيف 00
كلها شهرين و أسيب لك 00كرسى رياسة المدينة !!
طه : بس دا برضه تنازل 00
ياميت أهلا وسهلا 00 ياقاضينا 00
أهلا عبد ربه 00 خير ياوله 00 جرى إيه ؟
عبدربه: فيه كتوبة
طه :كتوبة 00 منين ؟
الرئيس: زى عادتك !!
طه :ما أنت عارف إنى بأقلق !!
الرئيس :خليك تقيل 0
طه يهمس للرئيس ) عايز أقولك 00 أنا شطبت خلاص 00محتاج إعانة
أرجوك ياريس 00
زود العيار شوية 00
شويتين 00العيال م الجوع بتعوى !!
الرئيس: خلينا ماشين زى مااحنا
مش عايز قلق 00 عم طه
من يوم ورايح 00
الرجل الغريبة 00 فى بلدنا م النهاردة 00هاتحط ياما
مش هانعرف 00 اللى ماشية رجل مين !!
هيه ساعة00 ساعة واحدة 00 أوصل للديوان
فى السر كده00 يكونوا عندك جرارين
00 رز 00بسكويت 00ومعلبات 00ماشى الكلام
طه : والدقيق ؟ !
الرئيس :عم طه 00 حبة 00 حبة 00 بس هانت والله هانت !!
طه : ماشى ياريس 00 أنت أدرى !!
عبدربه : يامدينة 00 يابلد
قربوا 00 قربوا 00
الفرج جاى ع الطريق
ارقصوا 00 العبوا
الرئيس :ربنا ماخلصوش 00 اللى احنا فيه 000000000000
عامل1 :ليه سكت 00
طه : قول ياريس
الرئيس : ما بلاش ؟
طه :بلاش 00 ليه بلاش ؟
قول ياريس ع اللى عندك
الرئيس :مليونيرة (تتقارب الوجوه 00يقفز الرجال والأطفال محيطين بالرئيس) مليونيرة
الجميع :مليونيرة
الرئيس : أنا قلت مليونيرة ؟
الجميع :أيوه قلت 00 مليونيرة !
الرئيس :مليارديرة !! (وهو يلعب بالكرباج )
راح تزورنا 00 كلها يومين تلاتة00دوغرى وتهل علينا
الجميع :مدد ياسيدى إبراهيم 00 شلله ياأهل البيت 00ياحسين !
الرئيس :تعرف تبقى مين ياطه ؟
طه : وأنا بس أعرف منين ؟ عمرى ماسبت المدينة لجل أعرف !
الرئيس : مش غريبة عننا 00
دى واحدة مننا00 قصدى كانت مننا 0
و أنت تعرفها كويس
طه : تبقى مين ماتقول ياريس ، حرام عليك ؟
الرئيس : مابلاش
طه : هيه تكسف 00 و لا تكسف ؟
الرئيس : تكسف شوية 00ع العموم أنت عارف تبقى مين ؟
طه : تبقى مين 00تبقى مين ؟
بنت مين 00 بنت مين ؟
الجميع : قول ياريس 00 قول ياريس
تبقى مين 00 بنت مين ؟
الرئيس : تبقى كانى 00 تبقى مانى
تبقى بنت العم ماركو
و لّا دانى ؟!
المهم الخير معاها
زى ليلة قدر طالة
فى عز ضلمة
زى مطره
مطره تروى لنا الشراقى
طه : قول ياريس 00 قول ياريس
تبقى مين ؟ بنت مين ؟
الرئيس :هيه تفرق ؟
صابر : أيوه تفرق !!
طه :مش هاتفرق
صابر : لأ بقى ياجدو طه ..
طه : الكلام بقى طعمه يحرق
مش هاتفرق
صابر : لأ هاتفرق
الرئيس : هو أكل وبحلقة ؟
طه : ولا أكل وبحلقه ؟
إيه يهم 00 إن كات عديلة
أو جميلة ؟!
فلاح1 : ابن أخويا الأروبة 00
خطط الاسم فى كاتوبة
اسمها شربات أظن
ولايمكن تمرهندى 00عرقسوس
ولا جن !
فلاح3 : جن ياخدك يامقشف 00 آه ياحافى 00جن قال
فلاح2 : دا أنت راجل مسخره 00دا أنت عدلك مجعرة 0
فلاح1 : إيه ياناس 00 هو عجل عجوز وقع
ولا عجل عجوز وقع 00 هاتسوقوه بالنقورة ؟
طه : مش هاتفرق والله ياريس
صابر : لأ هاتفرق
عبد ربه: مش هاتفرق00 يللا هيصه
وزبمليته !!
يللا بينا ع المحطة
طه : ياخبر بفلوس ياعالم
بكرة يبقى فى كل حتة
الرئيس: حيث كده 00أنا راح أقول
الجميع :هيه مين ؟
بنت مين ؟
طه : مش مهم
مش مهم
صابر : لأ مهم !!
الرئيس :تبقى واحدة مننا
الجميع :مننا ؟
الرئيس :مش مننا 00 قاصده عاشت وسطنا
الجميع :وسطنا ؟
الرئيس : ولجل يبقى بختها
ونجمها فوق فى السما
ف السما ؟
بالعما سوقناها بره
زى كلبة
فى ليلة سوده
مقندلة
طه : هيه مين ؟
بنت مين ؟
الجميع :قول ياريس 00قول ياريس
تبقى مين ؟
الرئيس :أنتوا لسه ما تعرفوش
ياهاموش
آه صحيح 00
ف التاريخ نقصان صريح
م النهاردة 00 عملت لجنة
تعيد صياغته ..
أما يبقى تاريخ قبيح00وأهله ماربوهوش
الجميع : هيه مين 00 بنت مين ؟
عبدربه : يللا بينا ع المحطة 00
الجميع :هيه مين ؟ بنت مين ؟
هيه مين ياجدو طه 00 تبقى مين ؟
الجميع : أنت عارف 00 هيه مين ؟
طه : أنا عارف 00 وأنت عارف
تبقى مين ؟
أنا عارف 00 وأنت عارف
هيه مين ؟ بنت مين !!
فلاح5 : ياخبر بفلو س ياعالم 00 بكرة يتدحرج لفين !!
عامل2 : بكرة يتدحرج لفين 00 بكرة يتدحرج لفين
بكرة 0000000000000000000000
طه يدنو من الرئيس ) اوعى تنسى 00 الجرارين ؟
الرئيس : جرارين 00 جرارين إيه ياطه ؟
طه : الإعانة 00 ياجنابك
الرئيس :آه 00 آه 00 كنت هانسى 00 الفرح نسّانى والله
حاجة خلت عقلى ولى
بصة فى وشوش العيال
الأمل نوّ ر ماخـلا
ولو إن الاحتياطى 00 تحت باطى 00 ع الحديدة
دوغرى هابعت 00وزى ماترسى ارشق الجريدة !!

إظـلام









 
رد مع اقتباس
قديم 10-10-2008, 12:29 AM   رقم المشاركة : 2
معلومات العضو
دريسي مولاي عبد الرحمان
أقلامي
 
الصورة الرمزية دريسي مولاي عبد الرحمان
 

 

 
إحصائية العضو







دريسي مولاي عبد الرحمان غير متصل

Bookmark and Share


إرسال رسالة عبر MSN إلى دريسي مولاي عبد الرحمان إرسال رسالة عبر Yahoo إلى دريسي مولاي عبد الرحمان

افتراضي رد: أوبريت " شربات " ( 1 )

مساء الخير استاذي ربيع...
مررت من هنا على اللوحة الاولى...تابعت فيها حدثا ينذر بقدوم الغريبة التي كانت منهم واليهم ستعود.من تكون يا ترى؟وماذا ستحمل للفالاحين؟
في انتظار اللوحات الاخرى,لا باس ان اعيد قراءة الاولى لاستجلي ربما بحدس مسبق مجريات القادم منها...
حبي وتقديري...







 
رد مع اقتباس
قديم 10-10-2008, 02:10 AM   رقم المشاركة : 3
معلومات العضو
مجدي السماك
أقلامي
 
الصورة الرمزية مجدي السماك
 

 

 
إحصائية العضو







مجدي السماك غير متصل

Bookmark and Share


افتراضي رد: أوبريت " شربات " ( 1 )

المبدع ربيع عبد الرحمن..تحياتي
رائعة جدا..ولكن يجب اكتمالها بمشاهد تالية..حتى تكتمل الصورة..ويكتمل الجمال..والمتعة.
لغتها رائعة..وانا احب العامية المصرية جدا.
سأنتظر بقية الاجزاء او المشاهد على احر من الجمر..لانني استمتعت بها جدا.
مع خالص الود والتقدير







 
رد مع اقتباس
قديم 10-10-2008, 03:24 AM   رقم المشاركة : 4
معلومات العضو
خليف محفوظ
طاقم الإشراف
 
الصورة الرمزية خليف محفوظ
 

 

 
إحصائية العضو







خليف محفوظ غير متصل

Bookmark and Share


افتراضي رد: أوبريت " شربات " ( 1 )

أديبنا ربيع عبد الرحمن سلاما جميلا .

كان الحوار قويا سلسا، وفي حركية ذات إيقاع سريع يتصاعد معها الحدث آخذا بأنفاس المتلقي .

في انتظار سائر المشاهد

تحيتي و تقديري.







 
رد مع اقتباس
قديم 11-10-2008, 12:06 AM   رقم المشاركة : 5
معلومات العضو
ربيع عبد الرحمن
طاقم الإشراف
 
الصورة الرمزية ربيع عبد الرحمن
 

 

 
إحصائية العضو







ربيع عبد الرحمن غير متصل

Bookmark and Share


افتراضي رد: أوبريت " شربات " ( 1 )

اقتباس:
المشاركة الأصلية كتبت بواسطة دريسي مولاي عبد الرحمان مشاهدة المشاركة
مساء الخير استاذي ربيع...
مررت من هنا على اللوحة الاولى...تابعت فيها حدثا ينذر بقدوم الغريبة التي كانت منهم واليهم ستعود.من تكون يا ترى؟وماذا ستحمل للفالاحين؟
في انتظار اللوحات الاخرى,لا باس ان اعيد قراءة الاولى لاستجلي ربما بحدس مسبق مجريات القادم منها...
حبي وتقديري...
وردان .. صديقى .. أحمد الله أنها وصلت .. كنت خائفا من العامية .. كم فرحت أنك تواصلت معها
أعرف أن ألمر صعب .. و لكنها تجربة تستحق .. و هى عزيزة على .. كونها تبنت فكرة كبيرة ..
لعملاق مثل دورينمات العظيم !!!!
محبتى






 
رد مع اقتباس
قديم 06-12-2008, 02:49 AM   رقم المشاركة : 6
معلومات العضو
ربيع عبد الرحمن
طاقم الإشراف
 
الصورة الرمزية ربيع عبد الرحمن
 

 

 
إحصائية العضو







ربيع عبد الرحمن غير متصل

Bookmark and Share


افتراضي رد: أوبريت " شربات " ( 1 )

اقتباس:
المشاركة الأصلية كتبت بواسطة مجدي السماك مشاهدة المشاركة
المبدع ربيع عبد الرحمن..تحياتي
رائعة جدا..ولكن يجب اكتمالها بمشاهد تالية..حتى تكتمل الصورة..ويكتمل الجمال..والمتعة.
لغتها رائعة..وانا احب العامية المصرية جدا.
سأنتظر بقية الاجزاء او المشاهد على احر من الجمر..لانني استمتعت بها جدا.
مع خالص الود والتقدير
شكرا لك مجدى العزيز على قراءتك الغالية على
نعم .. سوف أكمل .. معك حتى النهاية ؛ لأرى رأيك بوضوح أكثر
فهذا يهمنى جدا جدا
محبتى
آسف لتأخر الرد






 
رد مع اقتباس
قديم 06-12-2008, 02:52 AM   رقم المشاركة : 7
معلومات العضو
ربيع عبد الرحمن
طاقم الإشراف
 
الصورة الرمزية ربيع عبد الرحمن
 

 

 
إحصائية العضو







ربيع عبد الرحمن غير متصل

Bookmark and Share


افتراضي رد: أوبريت " شربات " ( 1 )

اقتباس:
المشاركة الأصلية كتبت بواسطة خليف محفوظ مشاهدة المشاركة
أديبنا ربيع عبد الرحمن سلاما جميلا .

كان الحوار قويا سلسا، وفي حركية ذات إيقاع سريع يتصاعد معها الحدث آخذا بأنفاس المتلقي .

في انتظار سائر المشاهد

تحيتي و تقديري.
أستاذى خليف .. كل عام و أنت بخير .. و الأقلاميون كلهم بخير
كان رأيك هنا دافعا كبيرا نحو الاستمرار .. وربما لظروف ما أخرت هذا
أشكرك كثيرا كثيرا على جميل ما أبديت
محبتى لك و لفنك الذى أحب






 
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 

اشترك في مجموعة أقلام البريدية
البريد الإلكتروني:
الساعة الآن 07:39 AM.


Powered by vBulletin® Version 3.8.3
Copyright ©2000 - 2019, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط