صغار .. كبار !

[حنين يوسف]

المشاركة الأصلية كتبت بواسطة سلمى رشيد

اه والله خلي الواحد ساكت
المهم بنت اختي اسمها حنين وبندلعها حنونة
كانت اختي بتحضر حالها بدهم يطلعوا مشوار
اجت حنين لامها يعني اختي بتحكيلها

ماما خدي شوكولاتة معك لاني بدي ابكي في السيارة..

هههههههههههههههههههههه
أمورة هالحنين
شكلها بتحب إمها كثير ... خلصتها من ورطة
ههههههههههههههههه

[هيا الشريف]

ماما خدي شوكولاتة معك لاني بدي ابكي في السيارة..

هههههه ربي يخليها ويسعدها
ما ارقها وأحلاها
شكرا لحضورك الأنيق سلمى

[عبدالسلام حمزة]

زينب الصغيرة
ترسم كل شيء
لكن الأجمل عندما تشرح ما رسمت
هذا بيت , وهذه هي الشمس , وهذه أنا لابسة حلق
وهاي ماما شايلة جنطتها وراح نروح مشوار

[هيا الشريف]

- حبيبي عمر ناولني الريموت
- لااا مرة ياخالتو تعبان
من جد من جد تعبان
- عمر ناولني الريموت
- خالتو والله رجلي مصدعة اقولك مصدددددددعة

- أنا احتلتني موجة ضحك مو طبيعية : )

[عُلا الياس]

.. كل عام وأنت أول قطرات المطر في عمر سعادتي كل عام وقلبي راض عنك يا عيوني إنك القبطان .. انك السعادة إنك أكبر اخوتك .. وانك روح جدّك الياس تنمو بيننا ، رحمه الله عندما تكبر سأحدثك عنه .. الحمد لله ، انك تشبهه كثيرا ! إنك حنون .. رحيم .. طيب .. عاقل .. تصبر كثيرا اكثر من عمرك ! إنك يا عيون ماما .. حبيبي وعيوني ، وأملي أنا أحبك كثيرا .. وستظل مهما كبرت .. القبطان ، الصغير ذلك الذي عندما رأيته لأول مره ، عرفت بأن في هذه الدنيا شيء اسمه .. السعادة ظل يا عيوني كما انت .. صغيرا ، كبيرا قبطان اخوته هو من بعد الله ، ثم والده .. سند امه ! كل عام وانت حبيبي وعيوني بيطفي الشمع .. فش حد حوالين الطاوله .. هربوا أول ما شافوا النار مولعه !!! .. عم يعمال اشي شو هو مش فاهمه ! .. عبسي دايره ورا كرشها .. من شابه امه ! .. لين اعطتو هديتها وباستو ! .. بيئطع كيكتو .. وجنبو صورتو وهو عمره يوم فقط .. بياكول كوووصـااااا ! .. سارحه والرب راعي ! .. فتى الأدغال كان نايم !! .. يختي عليك ربي يخليك ولا يحرمني فرحتي بيك يسمع مني ويطمني وياخود من عمري ويديك ربي يخليك يا ماما يا عيوني يا أحلى واغلى عمر يختي عليك وعلى ابتساماتك يا ضي عينيا ئيه في الدنيا بعد حياتك يغلى عليا انت ضنايا وكل منايا لما تبص العين تلائيك يسمع مني ويطمني وياخود من عمري ويديك يختي عليك ربي يخليك كل ما تكبر والله شويا حبي بيكبار دنا لو انت تملا الدنيا عليا اكتر واكتر ولئا حبايبي نسيهم البي ولا خلالك اي شريك يسمع مني ويطمني وياخود من عمري ويديك ربي يخليك يا ماما يا عيوني يا أحلى واغلى عمر ..

[هيا الشريف]

صور جميلة علا
كل عام وأبنك بخير
ربي يخليهم إلك ويسعدهم
ويهديهم لبرّك

[عُلا الياس]

شكرا لكِ هيا ، ويسعدك ويفرحك بكل أحبابك خيتي تسلمي
ـــــــــــــــــــــــــــــــــــــــــــــ
أنا في المطبخ
عمر ولين في غرفتهم معاقبين من والدهم
باب الغرفه مفتوح قليلا
رأس عمر يظهر من الباب
وتحته مباشره راس لين
شبه مختبئيين
عمر : مااامااااااا
لين الببغاء : مااااا مااااااا
تكرار مزعج افقدني اعصابي ،
أنا من المطبخ وبصوت عالي جدا : ولكوا شوووو بدكواااا !!!؟؟؟
عمر : بدنا حريّــه !!!

[هيا الشريف]

أنا من المطبخ وبصوت عالي جدا : ولكوا شوووو بدكواااا !!!؟؟؟
عمر : بدنا حريّــه !!!


ههههههههه
ههههههههه
ما أجملهن
الله يخليهم إلك يارب

[عُلا الياس]

عمر غريب يا هيا بيصدمني بكتير قصص !
يعني بس اول مره حكى : الشعب يريد اسقاط اسقاط .. ، حكيت من غزارة متابعتي للجزيرة وقت ثورة مصر
ولما حكالي : انتِ القذافي ! ، حكيت لان كنت اردد هالاسم واتوقع وهيك واضل احكي عنه بطريقه سلبيه للقذافي يعني ،
طيب هاي من وين جابها !!!!!!!
حتى الجزيره يعني بطلت كتير تجيبها وانا ما عمري حكيتها والله !
رحت ارتمي ع الغاز من الضحك !
المشكله رحت لعندو بؤلو : شو بدك !!!!
تطلع فيني بكل هدوء بيؤلي : بدنا حريه !!
كررها !!! ورايئ ولا كنو بحكي اشي عادي يعني الامر !!!
الله يبارك فيه ويبارك بكل أطفالنا ولا يحرمنا منهم ، ويا رب يحفظ لكل ام طفلها ولا يمتحن صبرنا فيهم يا الله
تسلمي هيا ويسعد صباحك ، ويا رب دوم الضحكه ع وجهك

[راحيل الأيسر]

بنت أختي 7 سنوات : خالتو / رحول
إذا كبرت وضاق عليك هالفستان اعطيني هو ..
إي حبيبتي بس خلاص أنا ما راح أكبر أكثر من هيك يا حبيبة خالتو
لااااا يعني مثلا مثلا لو كبرتي ، اعطيني فستانك هاد بترجاكي ، بحبه كثير لفستانك هاااد ..

[عُلا الياس]

المشاركة الأصلية كتبت بواسطة راحيل الأيسر

بنت أختي 7 سنوات : خالتو / رحول
إذا كبرت وضاق عليك هالفستان اعطيني هو ..
إي حبيبتي بس خلاص أنا ما راح أكبر أكثر من هيك يا حبيبة خالتو
لااااا يعني مثلا مثلا لو كبرتي ، اعطيني فستانك هاد بترجاكي ، بحبه كثير لفستانك هاااد ..

راحيل كوني ذكيه .. أعطيها ياه
واشتري واحد جديد فرصه
وبعد ما تشتري الجديد ، ارجعي خديه عادي ولا في احلى منها السلبطة

[عُلا الياس]

عم بطعمي بكر موز مفعّص
هاي الوجبه إن بتعلأ بالملابس ولا بتطلع الا بهايبكس
وملابس زغار .. فشو هايبكس !
بحاول كون كتير حذره ، بس بكر تبارك الله حِرك كتير وصعب السيطره عليه
جنبي عمر ولين بيمارسوا احد طقوسنا المعتاده : بيغنوا وبعيد من وراهم !
فأنا تركيزي على ئدي، الصراحه راحه .. عم بطعمي بكر
وبمسّح للين !!
ولا منتبهه انو بكر تعجّب عليه من الموز ، وانا بمسح للين بالفاين المبلل مو لبكر
وهي ساكته ولا هي حاكيه اشي التانيه ما اسطل من الام الا بنتها !!!
سرحانه مع الأغنيه اللي هي تاعت عصّوم ووليد : أنا لما أكبر بدي سير طيّار
بس انتبهت ع حالي شو بخبص مع لين ، شو غنيتها ، لا شعوري : أنا لما كبرت سرت حمار !!!!!!
عمر تبارك الله انتبه دغري .. وهاي كلمه مزعجه فممنوع يعني ، آل يعني
ولا هو شو بؤلي : مـــــــــا مــــا ؟؟؟ إنتِ ؤلتي كلمة غلط !
" انو انا لازم اعترف واعتذر واتعاقب "
فأنا بدي اتهرب منو : لا يا ماما ما حكيت اشي ، كمل الاغنيه " اول مره بكذب على عمر ، صدقا .. يمكن اخبي اما اكذب بكذبش عليه ، ويا ريت كذبه مستوره .. فضيحة ! "
لا يا ماما ؤلتي كلمه مش صح !
يا حبيبي سمعت غلط كمّل الاغنيه
لاااااااااااااااااااا ؤلتي كلمه مش صح بؤلك يا ماما ، وبعدين !!!
لا لا انت سمعت غلط حبيبي عمر .. كمّل الاغنيه !!!!
أحكيلك ماما ؟! كمان غنّي
أنا جيب موبايلك صور .. بعدين شوفي ع التيفيزوون .. انتِ احكي كلمه غلط !!
" جيبي موبايلك صوري حالك فيديو وشوفي انو حكيتي الكلمه الغلط/ اللي هي حمار " !!
ولا بعمري سجلت فيديو ع الموبايل وفرجيتو يعني كل اشي فقط صور ، انصدمت كيف خطرت ببالو هيك تدبيره !!!
لا ماما خلص أنا آسفه
آه ماما حكيتِ غلط ! بس انا حِبك
وانا بحبك
" تبارك الله ، بيمرؤ ببالي احيانا والله انو هو بيربيني مو العكس يا الله شو بيشبه امي ! "