بياع شـاطر

[عوني القرمة]

سوري ملتعن أبو اللي خلفو من الحرب، وعرف أخيراً يهاجر لأميركا وبلش يدور على شغل.

المهم اشتغل بياع بمحل كبير يبيع كل شيء...

بآخر أول يوم دوام، إجتمع المدير بقسم المبيعات وبلش يسألهم كم زبون بعتوا اليوم؟

فكانت النتيجة متقاربة:

الأول: ٥٠ زبون
الثاني: ٤٥ زبون
الثالث: ٣٧ زبون ......إلخ.

وإجا دور السوري.

قال للمدیر: بعت زبون واحد !!!

عصب المدير وقال له:
لازم تتعلم تخدم الزبائن أكثر وتكسبهم، ولا بتروح...
المهم قديش بعته؟

قاله السوري: 93 ألف دولار

نط المدير من مكانه وقال له: ولك شو بعته بهالمبلغ؟

قال له السوري: أول إشي بعته صنارة صيد، بعدين نصحته بالصيد بنص البحيرة مش عالشط، فبالتالي بعته قارب وبعدين سألته كيف رح يجر القارب للبحيرة، فبعته الملحق اللي بنحط عليها القارب، وبعدين نصحته أنه يستعمل الشبكة بدل الصنارة طالما عنده قارب، وبعدين نصحته بالتخييم هناك طالما رايح يصطاد سمك وهاي هوایته، وبعدين بعته منقل شوي ليشوي السمك اللي بصيده.

وهاي قصة ال 93 ألف دولار

قال المدير: يا رجل يعني بدك تقنعني إن الزلمة كان بدو يشتري صنارة وانت بعته كل هالأغراض ؟!؟!؟

قال السوري: والله الحقيقة الزلمة إجا ليشتري فوط always لمرته...

فقلت له: طالما العطلة خربانة خربانة، لیش ما تروح تصيد؟ سمك؟؟؟؟؟؟؟