 |
|
|||||||
| منتدى الحوار الفكري العام الثقافة ديوان الأقلاميين..فلنتحاور هنا حول المعرفة..ولنفد المنتدى بكل ما هو جديد ومنوع. |
 |
| مواقع النشر المفضلة (انشر هذا الموضوع ليصل للملايين خلال ثوان) |
|
|
أدوات الموضوع | تقييم الموضوع | انواع عرض الموضوع |
23-11-2010, 10:01 PM
|
رقم المشاركة : 1 | |||||
|
كلها شيخة في شيخة !
السلام عليكم ورحمة الله وبركاته نخط لكم سخرية جرح بعدسة الواقع وأعتذر من كل كاتب وأديب يعيش فوق الغيم لو ما فهم من كلامي شيء أو شعر بجفاف ورقة التوت من على رقعة الوطن العربي الكبير لكي يفهم وجهة نظر الكاتب الذي يعيش على اتربة الشوارع وأزقتها في الحي الفقير عليه ان يترك غيمته لحظة فقط ويفتح بصيرته .. معلش يتنازل شويّ عن سموه وجلالته وشهادة الدكتوراه وينزل عنا .... لا ما بدنا يعيش عنا على التراب لسة بكير عليه ... بدنا يسمع كم كلمة وبعدها يرجع يلبس عباة السمو والهيبة ويعلق شهادته على صدره ويطير في السما يرجع على عرش الغيم ويمطرنا من هناك خيرات ... معلش انتو حبابي .... ممكن نبدأ في العالم العربي ما عنا لا رئيس ولا حاكم عنا شيخ وبس شيخ حمولة بلعب من وفوق وتحت وقدام شيخ الدولة يعني بصريح العبارة كلها شيخة بشيخة ان شا الله مفكرين الشيخ ممكن يستقيل من الشيخة بعد أربع سنوات يا عالم الشيخة في دم اهله وما بيقدر يطلع من جلدو عمالهم براقبوا ساحة الاحزاب وكل ما شعروا ان حزب تفوق على حزب حطو شيخ فيه بتنتهي مرحلة شيخهم من الحزب كذا بكونو محضرين ورقة شيخهم بالحزب التاني ما سمعتوا المقولة (( البركة مليانة والمزراب بشكع ... والشيخة إلنا إلنا ولي يفقع يفقع)) يعني الشغلة غصب غصب وغصب عنكم كمان مدير المستشفى شيخ والكناس اللي بالمستشفى وظفه شيخ وإذا بدك شيء قبل ماتروح المستشفى بتقدر ترفع تلفون للكناس جرب واسمع مني وإذا ما زبطت ادعي عليّ لكن قبلها لازم تكون عامل علاقات مع الكناس !! لا تكونوا مفكرين بتكلم عن فلسطين لا يا جماعة الخير ولووووو .. انا بحكي عن كل العربان عشيرة تنطح عشيرة من عقال الخليج اليعربيّ لعباية المحيط الطيّـلسيّ يعني لو بكرة صار طويل العمر حميدان شيخ في اي مكان حتى في أصغر حيّ في بلاد العربان وكان كاره للدكتاتورية والالتصاق بالكرسي بعد اسبوع راح يعطوه الناس دروس ودروس حتى يصبح دكتاتور كل واحد بيحب يشاهد جاره بيتبهدل !! وكل واحد بيحب يكون عقاله اكبر من عقال جاره وعلى الحاكم ان يرضي رعيته بيبهدل الكل عشان كل واحد منهم يشعر انه قدر يعمل حاجة في جاره وحقق انجاز هيك بدهم مش مهم عنا الانتماء لأنا على طول بنقلب معاه سواء كان الشيخ بيعبد اللي بيعبد ربه او كان بيعبد اللي بيعبد ماركس او بيعبد اللي بيعبد عمو سام ما بهمنا نوع العبادة نحنا بهمنا قديش في رز!! ومع مين فيهم بنقدر ننتقم من بعض أكثر!! مين مأثر فيهم ؟! ولمين المد اليوم؟! إذا شيوخ شيوخنا شيوعين نحنا ربنا شيوعي الله يرحم الادباء والشعراء قبل خمسين سنة )) كلهم كانوا شيوعيين)) !!!! إذا شيوخ شيوخنا علمانيين نحنا ربنا علماني والله يرحم كتابنا وشعرائنا الذين فازوا بجائزة نوبل و الذين رشحوا على ريحتها)) من قبل عشرين عام لليوم وما طابوا))!!!! وإذا شيوخ شيوخنا اسلاميين نحنا رب الاسلام والله يبارك في شعرائنا وادبائنا اليوم )) والله يبارك في كل شاعر وكاتب شيوعي وعلماني طلع على لحيته اللي كان يكره شعرها شعر )) !!! المهم عنا كيف نذل بعض بيد السلطة الحاكمة هدفنا .... كيف دار فلان يرفعوا روسهم ؟ ! وكيف دار علان عم بتفاخرو بفلوسهم أو في محاميهم ودكتورهم ؟ لازم نوطي روسهم لازم نقول عنهم .... مش مهم شو نقول عنهم المهم عيارنا يدوش روسهم نعملهم الف قضية وقضية المحامي نطلع عليه حاجة الدكتور نلفقله حاجة المناضل فيهم خاين والتاجر عندهم حرامي والشيخ فيهم بيشرب خمرة وبيطقس على البنات هيك نوطي روسهم ليش ؟؟ هي بدها ليش لأنهم قالوا عنا وبهدلونا قبل عشر سنين فكرك احنا نسينا خلي .... الرئيس ... مدير الشرطة ... مدير المخابرات يشتغل فيهم وفينا واحنا وياهم والزمن طويل ليش يا عمي ؟ ليش يا سيدي ؟ بس لأنا عرب والواحد فينا ما بيبيت ابنه برة !!! والعين بالعين والسن بالسن والبادي أظلم عندهم شيخ حمساوي وشيخ فتحاوي وعنا شيخ حمساوي وشيخ فتحاوي همي عندهم خون وعندهم وطنية !! ونحنا عنا خون وعنا وطنية !! واحنا وياهم والزمن طويل هكذا هي القبائل العربية والعداوة عنا ورثة زي ما بنورث الارض !!! هاي ثقافتنا الولد عنا برضع هذا الكلام من بطن امه وبيطلع مالي بطنه علينا !!! المهم عم بنعيش حالة نفاق شديدة وكل ما واحد مسك قلم أول ما بيكتب عن الحرية , والشهامة والكرامة عمال الواحد فينا بيتسمح بالدين وبالوطن وبالشرف بس لهدف واحد ما فيه غيرو عشان يدعس على جاروا او العدويين في العائلات الاخرى وهيك جاروا برضوا راح يلاقي ثغرة يدخل فيها اسمها شرف دين وطن عشان يدعس على جاروا اللي دعس عليه وبتكون اصل الحكاية طوشة على مكان سطل القمامة باب البيت ومشان حقوق سطل القمامة عم بيكتبوا في بعض تقارير من عشرين عام وعم بمنعوا المساعدات عن بعضهم .. بالدسيسة والتقارير الكاذبة والسلاح الفعال التعارف بتصير شهرة لشيخ انو ماركسي في أقصى الارض بتسابقو عليه لو سبق الجار الاول الجار الثاني بروح على شيخ اسلامي فقع صيتو وبنقلبها معركة بين الاسلام والماركسية في الأرياف بط وحمام وديك رومي منسف بلحمة بلدية يعني مسابقة تعارف على الشيخ الجديد يا ريت بس هيك وبس إذا صار خلقة شرطي في قرية و راق له شاب من عيلة فلان يخاصمه أبناء عيلة علان ويطلعوا عليه ألف إشاعة مثل إشتروه بالفلوس يوم يوم بوكل عندهم وعدوه يزوجوه بنتهم والشرطي المسكين ما عندو ولا عند بالو كل الكلام غمز وهمس ولمز في المدن عنا معرض في المكان الفلاني وعنا مطعم وعنا محل ملابس المحل محلك اشتري من عنا بسعر ما بيحلم فيه حدا بعدين لو خربت السيارة ترى اخوي / ابن عمي / خالي فاتح كراج بالشارع الفلاني بس أرفع تلفون وأنا بطلب منه يعملها لعبة (( اللي مش شيخ خسارة فيه التعارف )) أكيد لأن التعارف لهدف عشان الأعداء من العائلات الأخرى يشاهدوا مين مصاحب ويحسبوا حساب أي عملة راح يعملوها ويعرفوا من ساعتها إنها طالعة على روسهم يعني عشان ما يغلبوا حالهم بعدين يحضروا حالهم كويس للمشاوير وخدودهم للكفوف .... يتبع |
|||||
|
|
23-11-2010, 10:03 PM
|
رقم المشاركة : 2 | |||||
|
رد: كلها شيخة في شيخة !
**** له له له يا رجل كلّ ما غبت عنّك فترة برجع بلاقيك والع أكثر من اوّل و بتقول يا فخري إنّك مو شارب شي لك يا عمّي اشرب و خطاك برقبتي اشرب يمكن تهدّي الأمور شويّ تصبح ع خير ما تقول أيّ خير .. يمكن تلاقيه بشي زاوية هون أو هون و بس لقيتو قوّسو أحسن ما يضيع نعرف قبره ع الأقلّ *** يا بنت الحلال الخير اليوم غير ... سار في ركب الحضارة وتعلم كثير حاجات الخير اليوم بيعرف يتمنن وبيعرف يكذب وينصب وله ميت الف ثوب وثوب اليوم الخير ببعثلك مسج حديث او دعاء وبطلب منك تبعثه لألف شخص محبة في رسول الله والخير اليوم بعطي بيمينه وعم بيقول لشماله اضربيه كف على الرقبه بدنا نمتحنه بدنا نعرف انه الخير بيحرى فيه ولا ما بيحرى ( بأثر فيه ولا ما بأثر ) صار الخير بخوف وعماله يقوس فينا نحنا بنعد للعشرة لما يقرب علينا الله يرحم جدي جدك كان الخير عندهم خير الخير اليوم كما يخبرنا حبيبنا المصطفى عنه ايام الفتن في اخر الزمن الخير شر والشر خير الكاذب صادق والصادق كاذب المؤتمن يخون الخائن يؤتمن والدجال ناره جنة وجنته نار ويدعو الناس الى الجنة ويقول انا ربكم الاعلى وبعبارة اخرى دعوته دينية ربانية لا تنتظري الدجال بكرة يطلع حاطت ايده بإيد امريكيا وحامل بيده زجاجة خمرة او حرامي سيارات او زعيم عصابة مافيا وتاجر مخدرات الدجال اتباعه كثر ولن يكون اتباعه بهذه الكثرة لو لم يطرح الدين اساسه ورأسماله أكيد إنت مش خايفة على الخير مني لأنو ابليس قد الحزن وأهله ما قطعه من الدنيا وانت عارفة اني بحكي عن اللي بيلبسو ثياب الخير وعمالنا بنفضحهم عشان الخير يظل بخير وإذا خايفة عليّ من هالخير المزيف اللي عم يستعرض لا تخافي قد ما قوس هالخير ابن الحرام هذا ما راح يحرك شعرة في رووس اولاد الخير الأصيلين اللي عمرهم ما عرفوا الحقد والحسد او ركضوا ورا الرز والدولارات ربنا يخليك ويسعد مساك بالخير اللي ربيو عليه جدي وجدك الخير ابن الحلال وبس *** سيدي انا اختلف معك هو لايحتاج دروسا أبدا وهو لم يتغير ولم يتبدل هو فقط استطاع الان ان يعبر عن دواخله بسلطة اكبر يسعد مساك جد انت الوحيد اللي مابتتغير اشتقت لخلافنا لكني اليوم موحابة نختلف كل الشكر **** ولا بحياتنا رايحين نختلف معقول !! أنا ما صدقت وشفتك معقول اخليكي تزعلي اختي العزيزة الله يسعد هالمسا طيب ممكن تفهميني كيف صار شيخ أو رئيس وإنتخبه الشعب ودواخله سودة اسمحيلي أختلف معك (ههه ) الواحد فينا لما يريد ان يكتب او يرسم ببحث عن ورقة بيضة وما ببحث على ورقة مليانه خرابيش صح ولا مش صح ؟ هو كان خيّر وشارك في اعمال جماهيرية وثورية وكان يدافع عن المظلومين وكانت شخصيته قوية وكانت الناس تحبه ( العامة .. المرحلة الاولى ) يعني كان ورقة بيضة ورابحة هلا كبار العائلات .. والوزراء المتناحريين المحروقة ورقتهم ما عم بسمحو لبعضهم يصبحوا شيوخ وكل واحد فيهم راح يمدح الورقة البيضة عشان يقنع العامة انه على حق وماشي مع الحق عكس غريمة التاني ويجعل الورقة البيضة تفوز لحتى يستخدمها ضد العدوين شيخ دار فلان وقف معاه ونجحه وهو اليوم عنده مطلب وهو إذلال دار علان وشيخ دار علان وقف معاه ونجحه وهو اليوم عنده مطلب وهو إذلال دار فلان طبعاُ المطلب مش هيك حرفياُ هناك صياغة تستخدم الدبلوماسية وأسلوب الخير وحب الوطن والمصلحة العامة لإذلال الاخرين المهم شو بيعمل الورقة البيضة ؟ اكيد بدو يصير ورقة وسخة !!! هو بذل كل دار علان ما عدى شيخها وكل دار فلان ما عدى شيخها وبتعامل مع الدول في الخارج بدبلوماسية وينذل الشعب اللي بيقبل بهيك شيوخ قلوبها مدملة ومليانة حقد على بعضها!! بغض النظر عن دين الشيخ وانتمائه راح يكون مجبور ومرغم يرد جمايل شيوخ العائلات أنا مجنون وبهلوس صح! ولكن عم بحكي صح! ليش أنا معقدها ؟ والله يا عمي ما عقدتها أنا عم بوصف في شغلة معقدة انا نزلت من بطن امي لقيتها معقده بعرف انك مش قادرة تجمعي هالأفكار المتناقضة ومعك حق لأني أصلا ُ عم بكتب وأنا ماني مجمع !!! خلوها على الله انتهى |
|||||
|
|
|
24-11-2010, 02:10 AM
|
رقم المشاركة : 3 | |||||
|
رد: كلها شيخة في شيخة !
لا ليش انتهى أخي فخري وهناك الكثير مما لم تحدثنا عنه من أحوال هذه الأمة،، أم اكتفيت بالصمت عن الكلام الغير مباح |
|||||
|
|
|
25-11-2010, 03:40 AM
|
رقم المشاركة : 4 | ||||||
|
رد: كلها شيخة في شيخة !
اقتباس:
هههههه الله الله على حواديث الاجداد ((( جيبي عرق بامية نتفاهم معه !!! ) صاعقة ومدهشة لأبعد حدود ومفتوحة على كثير من التأويلات انا سمعت منهم شيء قريب هي كلمة ( طالعين لي بالسحبة ) يعني طالعين لي بالحظ أو البخت على راي ّ العجايز لو حاولنا نضعها في ق ق ج مشابهة بعنوان ( يا نصيب ) أو (بخت ) وضع عن كاهله زوادته وجلس إليها فقال : والدبارة يا ختيارة كل ما ركبت هالحمارة ورحت على البيارة بنطوا قدامي زي القرود ... تقولي طالعين لي بالسحبة !!! وكمان جملة (( انت لازم تحط الحد على الزعرورة ؟ !!! ) وهي تقريع للذي يتمسك بالأمر لدرجة المبالغة والتعطيل ... قصة الجملة : ان اخوين ذهبا لقسمة أرض ورثاها عن والديهما وكان من عادة القدماء عند القسمة ان يكون الحد ظاهر بشجرة برية ( خروبة ، زعرورة ، أجاصة برية ... الخ ) كانت الارض شاسعة ولا يوجد بها من الشجر البري غير زعرورة بعيدة عن منتصف القطعة .. كل ما حاول وجوه الخير يقسموا الارض بخط مستقيم كان احدهم يعترض ويقول لا جيبوا الحد من عند الزعرورة وبعدين يخطط لهم بإعوجاج حتى يجعل القطعتين متساويتين .... هنا غضب اخوه وقال له مستغرباً ومتعجباً ((يعني انت لازم تحط الحد على الزعرورة ؟ !!! )) فراحت مثلاً لكل من يعقد أمور الحل حتى لو لم يكن عنده طمع اليوم الكتاب إخترعوا فن أدبي جديد اسمه ق ق ج وعم بفهمونا وبعلمونا كيف نكتبها شو رايك بالموضوع !! أيام الإستعمار بريطانيا والانجليز واليهود تعلموها من جدودنا اخيتي سلمى جزيل الشكر على جملة ( عرق البامية !!! ) راح تكون محور حديث ممتع مع كبار السن فأنا احب مجالستهم وسماع حواديثهم وشاكر لك مرورك الكريم وما بتوقع انو الحديث انتهى أو راح ينتهى كثير فيه امور بتنرفز في المنتديات راح تستدعي رجوعي لكنز الاجداد وراح تلاقي لها محل هنا وكل شيء بوقته حلو تحياتي اختي سلمى ودمت ِ بخير |
||||||
|
|
|
25-11-2010, 04:25 AM
|
رقم المشاركة : 5 | |||||
|
رد: كلها شيخة في شيخة !
و عندنا مثل معروف في التعنت و التشيث بالرأي و لو على خطأ ... |
|||||
|
|
|
25-11-2010, 05:28 PM
|
رقم المشاركة : 6 | |||||
|
رد: كلها شيخة في شيخة !
اليوم الكتاب إخترعوا فن أدبي جديد اسمه ق ق ج وعم بفهمونا وبعلمونا كيف نكتبها |
|||||
|
|
|
25-11-2010, 05:31 PM
|
رقم المشاركة : 7 | |||||
|
رد: كلها شيخة في شيخة !
ونحن أيضا نقول عنزة ولو طارت لمن يعانذ ويصر على رأيه وخاصة أيام زمان ،، لما كان الواحد يركب راسه ولو كان على خطأ .. |
|||||
|
|
|
25-11-2010, 06:27 PM
|
رقم المشاركة : 8 | |||||
|
رد: كلها شيخة في شيخة !
ههههههههههههههه |
|||||
|
|
|
| أدوات الموضوع | |
| انواع عرض الموضوع | تقييم هذا الموضوع |
العرض العادي
|
|
