"إمرأة هندية تلد منتخبا وطنيا مكونا من 11 لاعبا" تخيل !!

[راحيل الأيسر]

المشاركة الأصلية كتبت بواسطة عبدالكريم قاسم

يا هيك النسوان يا بلا
الله يرحمك يا امي ولدت فريق كرة قدم مثلها بس مو في سنة ولكن تفوقت عليها ولدت كمان خمسة احطيات غبر الي ما عاشو
يعني تقريبا 21 ولادة عاش منهم الحمد لله 16 ومات 5 الله على نسوان زمان كانت المرأة تلد ابنها في الحقل وترجع على البيت يسألها زوجها شو هاض يا مرة؟؟ تقول يا زلمة جبلتلك صبي
اليوم النسوان من الشهر الاول ..... وين رايحة ؟ على الدكتور من وين جايه من عند الدكتور
شو طبختي يا مرة ؟؟ والله تعبان مش قادر اتحرك . مضيها على خبزة ناشفة بعينك الله حتى اولد بعد ست شهور وقبل الولادة بشهر بتنام في المستشفى وخذ يا دلع .... شو هالنسوان هذه ؟؟
نسوان اشيبس والمرتديلا

هههههههههههههه الله يسعدك أخي / عبد الكريم يعني أنا خالتي ولدت 24 عاشوا لها 16متل أمك تمام الله يرزقهما الجنة لكن قدمت أربع شهداء استشهدوا في الجهاد واحد في الشيشان وكان قائد كتيبة واتنين في أفغانستان وواحد ما بيعرفوا عن أرضه وسماه يقولوا أسير ويقولوا : لا استشهد هو الآخر في الشيشان وهيك ..

الوالدة عندنا جابت 12 عاشوا لها ثمانية ولولا إنها أصيبت بمرض الــ( توبر كلورس ) أو ما يسمى (السل ) في كلية واحدة فاستأصلوها لتعيش بكلية وحيدة .. لكانت ماضية في سعيها الحثيث للحفاظ على الجنس البشري من الانقراض ..


خالتي مرة بيقولوا راح زوجها يصلي العشاء ولما رجع لقاها ولدت نفسها بنفسها وغسلت المولودة بنتها ( عبير ) ولفتها بكافوله ونومتها جنبها .. إجاها زوجها وقال لها : ماشاء الله ولدت قالت : إي وانتهى المشهد بدون موسيقى ولا دهشة مرتقبة ولا الوصول إلى العقدة الدرامية لتنجلي مشهد الدموع .. ولا أي شي من هاد .. هيك متل أي شي عااادي أو روتين جدا طبيعي ... إي والله ياعيني على نسوان زمان ..

إمي كانت تخاف تولد بالمستشفيات مرة سمعت واحدة وهم عم بيولدوها غلطوا ( بشو ما بعرف ) فماتت بين إيديهم ومن يومها وهي كانت ما بدها تولد بالمستشفيات ..

انولدت أنا على ايد جدتي ام أمي وأختي الكبيرة تقول : كانت برة الغرفة وقت سمعت صوتي قعدت : تصرخ هاتوها هاتوها وكانت غلباوية ، فغسلوني هيك أي كلام ومشان يخلصوا من زنها وصراخها عطوها وتقول بستك ونت لساتك مو مغسولة منيح مشان هيك بموت فيك واحسك جوة قلبي .. هيك دايما تقوللي .. أختي هادي أم عبد الرحمن تحبني حب أم لبنتها .. كثييير دلعتني هالغالية ومازالت .


والله ما بعرف الكلام في نسوان زمان ولا مواليد زمان .. يعني زمان المواليد كانوا يتزفلطوا زفلطة يفتكروا حالهم بزحليقة .. هيك بزحلقة يشوفوا حالهم برة .. هلأ المواليد الخريطة عندهم مزورة أو غلط على ما يبدو بتوهوا دروبهم وما يخرجوا إلا بعملية قيصرية .. إي والله الله يرحم أيام زماااان .



شكرا لمرورك أخي / عبد الكريم .

[م. وليد كمال الخضري]

المشاركة الأصلية كتبت بواسطة عبدالكريم قاسم

يا هيك النسوان يا بلا
الله يرحمك يا امي ولدت فريق كرة قدم مثلها بس مو في سنة ولكن تفوقت عليها ولدت كمان خمسة احطيات غبر الي ما عاشو
يعني تقريبا 21 ولادة عاش منهم الحمد لله 16 ومات 5 الله على نسوان زمان كانت المرأة تلد ابنها في الحقل وترجع على البيت يسألها زوجها شو هاض يا مرة؟؟ تقول يا زلمة جبلتلك صبي
اليوم النسوان من الشهر الاول ..... وين رايحة ؟ على الدكتور من وين جايه من عند الدكتور
شو طبختي يا مرة ؟؟ والله تعبان مش قادر اتحرك . مضيها على خبزة ناشفة بعينك الله حتى اولد بعد ست شهور وقبل الولادة بشهر بتنام في المستشفى وخذ يا دلع .... شو هالنسوان هذه ؟؟
نسوان اشيبس والمرتديلا

والله اخي عبد الكريم معاك حق انا زوجتي حامل صرت رايح على الدكتورة يمكن 6 مرات وبقترح عليها الشهر الجاي ما نروح لانه كل الامور تمام بتقولك لا الشهر السادس مهم علشان الوزن ولازم نروح غير المقويات والفيتامنات وحالة ما يعلم فيه الا الله وطبعا والزوجة حامل ما تقدر تتكلم نص كلمة بتاكل من الموجود وبتسكت هادا اذا لاقيت حاجة اصلا ههههههههههههههه طبعا احنا في الغربة وهادا معناه انه لازم تشارك في واجبات البيت لانه ما فيه حدا يساعدها هان كل ما اقولها والله نساوين زمان احسن منكن الوحدة بتولد 7 وعشرة وما بتقول اخ قالت الي انا ما راح اعيد التجربة هادي طلعت روحي ههههههههههه

انا بالنسبة الي اخر العنقود وانظلتت على باب غرفة المستشفى كنت مستعجل ووزنى ما كمل 2 كليو كنت زي العروسة الجبصين ههههههههههه هيك ستي حكتلي وانولدت يوم عرفة والحمد لله

بخصوص عدد المواليد في عائلتنا
امي انجبت 8 وتوفى اخي الثاني وهو صغير سنتين
اختي الكبيرة 12 8 بنات واربع اولاد ما احنا عيلة البنات على راي ستي
اخوية الكبير 11 بس ما كمل دستة مسكين 7 بنات و4 اولاد
خواتي الباقيات وحدةغلبانة بس نص دستة 6 بنتين و4 اولاد
والتانية ما كملت نص الدستة مسكينة خمسة 4 اولاد وبنت
والاخيرة تأخرت 14 سنة تأجها عيال وعندها ولدين وبنت مجننينها قالت هبلوني على كبر هههههههه

وانا لسا بنتظر او ولد ان شاء الله على الصيف : بس على كلام زوجتي مش عارف اذا راح نجيب دستة ولا لأ هههههههههههه

تحياتي للجميع

[حنين يوسف]

[quote=راحيل الأيسر;360599]

المشاركة الأصلية كتبت بواسطة حنين يوسف

lfhv;
djvf, fu.ih dhhhhhhhhhhhhh vf
ysjelhv vhzu g, t;vj td hykahx lkjof fhgtug

معلش هاي مباركة بالهندي





fddbhuuymllkkjunbbvv;lkjiyhbbvcfrdcbbnjjuhhgghytgb feewwsadfhkllmmnbggtrffdgkl;[pim,mnhggfvvgyytjkllmnhgn,.;pkjhgn nmmkiuuyhggll,mnhgrrddjl;[ppyrewsfgbbnm,llkjnm,.,nbggfvvbvccddetuop;.,mngtfv bml.,mnn


وهادي قصيدة شعر احتفاء بمرورك بالهندية ..مادري قالولك اني شاعرة من العيار الثقيل ، إذا ماقالوالك بلاش تجي مني وامدح نفسي ما يصير .. ده حتى المثل بيقول ( مادح نفسه ، يطيح في البير والعصفور نو نو نو نو ))

الله يسعدك راحيل
لحظة
نحنا عندنا سفارة هندية ؟؟
مشان ما يروح هالابداع هباء منثورا هههههههههههههههههه
يسعد صباحك
هالمرة بالعربي