سَبْحانك خالْقي

[أحمد كرشوش]

سَبْحانك خالْقي عَظيم الجاه

سَبْحانك خالْقي عَظيم الجاه..
تَتْكمم لفْواه في قدّْ وصافو

سعْدو من يلقاه ولفُّو بَرْضاه..
سعْدو لي حَماه ربِّي بلطَافو

فَليوم اللّي فيه تتْحدث لشفَاه..
يومْها كُل جدِير يَقطفْ قْطَافو

مَا ينفع رْفيه مالو لي خلاَّه..
لا رَاعي عالناّس لا مرْعي خَافو

لا لي كانْ عزيز لاَ مالكْ لا شَاه..
تاجو يشفع ليه هُوَ وسلاَفو

غير من عادْ حيَاه ضَاوي في لجْباه..
وفعَال الخير معاه زاد في كتافو

سَبْحانك خالْقي عَظيم الجاه..
تَتْكمم لفْواه في قدّْ وصافو

والصّلاتْ عليك يا رسُول الله

والصّلاتْ عليك يا رسُول الله ..
نبينا الشّفيع يرْبح من شافو

ساعة الشْفاعة وتْنعّم بشفَاه..
يضفر بالجَنّات من عند العَفو



كلمات ..أحمد كرشوش

[أحمد كرشوش]

رابط مسموع