(( سلسلة الشيطان الاحمر)) رعب/ ساخر / قصة كامله

[تامر محمد]

(( سلسلة الشيطان الاحمر))
*************************
رعب/ ساخر
قصة كامله
*************************
كان يوم غير عادى ابدا
فى حياة الاستاذ شريف
و لم يكن يعلم انه سوف ينتهى نهاية غير عادية كمان
الى ..ارض الجن
و الرعب
دعونا نبدا قصتنا
***
الاستاذ شريف يسكن فى شارع مراد بك بمنطقة الهرم
طويل رفيع يلبس نظارة كعب كوباية
و ديما من الساعه 7 الصبح تقابلة فى الشارع ذاهب للمدرسة لانة كان مدرس علوم
و طوال فترة الدراسة من 7 صباحا لغاية 2 بعد الظهر فى المدرسة
و بعد كدا مقضيها لف على الدروس باقى اليوم
لغاية ما جه اليوم المشؤوم
اللى بوظ كل حاجة و افسد عليه حياته
او ماتبقى منها
!!
....
بدأ اليوم الساعه 7 صباحا كالعادة
خرج الاستاذ شريف من العمارة فى طريقة الى المدرسة وقف فى محطة الاتوبيس اللى وصل متاخر نص ساعه
و كان الاتوبيس شبه علبة البولبيف ماليان ناس فوق بعض متكدسين جامد
و بمهارة الاستاذ شريف نط زى البهلوان و اتشعبط على الباب
و كالعاده المفروض انه بعد ساعه هينزل فى المحطة اللى فيها المدرسة
لكنه مانزلش
ليه؟؟؟
كان على ارضية الاتوبيس
سلسلة دهب و فيها قلادة مدورة
لفتت نظر الاستاذ شريف
و قبل ما اى شخص ياخد باله منها
قام شريف نط جو الاتوبيس و حاطط رجله عليها يخبيها
و ابدااااا ما رضى يتعتع من مكانه لغاية مافاتته المحطة و جاء الوقت المناسب وعرف يجيب السلسلة و بخفة خباها فى جيبة
و نزل من الاتوبيس بعيد عن محطته ب 4 محطات
قال شريف لنفسة
(مش مهم المهم السلسلة الدهب .. دى تسوى بتاع 5000 جنية و اكتر)
و تحت نور الشمس كان شريف بيفحص السلسلة الجميلة و هى تضوى بضى ذهبى براق
و..لفت نظرة النقش على القلادة كان نقش لثعبان يعض على جمجمة
و كان هناك نقطة سوداء على الجمجمة
حاول شريف دعكها ظنا منه انها قذارة
و فجأة
حصل
اللى
رعب شريف
و خلى الدم
يهرب من عروقه
***
فوووووووووووووووووووووممممممممااااااااااااا
صوت قوى
و دخان اسود
احاط بشريف
و بووووووووومممممم كراااااك
فرقعه
هزت المكان
و
و اختفى شريف من الشارع
اختفى بدون اى اثر
***
مكان رهيب مخيف
السماء حمراء
و الاشجار سوداء
و الارض زرقاء
وقف شريف يرتجف هلعا
و هو ممسك السلسلة الذهبية
كان وحيدا
قال:
-ايه اللى جابنى هنااااااا..؟
ايه المكان دا..؟
؟؟؟
اتلفت من حوله
ارض شاسعه زرقاء
و اشجار بدون اوراق مجرد اغصان سوداء
و من خلفها سماء باللون الدم
و هبت نسمة هواء
رائحتها عفنة
كريهه
صرخ شريف :
-انااااااااااااااا فييييين...............؟
و جاءت الاجابة
مرعبة
مزلزلة
***
"""شبيك لوبيك انا الجن الاحمر ملك ايديك"""
قالها مارد عملاق
طائرا فى الهواء
امام شريف
ذو قرنان ضخمان ملتويان
و جسد احمر نارى
و عينان سوداوان بدون بياض
مجرد سواد عميق مخيف
و كان الجن الرهيب محنى الراس
امام شريف
اللى كان هيعملها على نفسة من الخوف
قال الجن و هو يرفرف بجناحين خفاش
محركا الهواء برائحة عفنة تخنق الانفاس:
"""شبيك لوبيك انا الجن الاحمر ملك ايديك"""
و كان شريف هيغمى عليه..فى لحظتها
و قال و هو يقطع فى الكلام:
-اااا ننن ت...مييي ن ؟؟
"""شبيك لوبيك انا الجن الاحمر ملك ايديك"""
""انت مش فاهم انا خدامك الشيطان الاحمر""
قال شريف و هو يكتم انفاسة:
-خدامى..انت؟؟
قال الشيطان الاحمر:
-ايوا انا خادم" سلسلة الذل"
قال شريف و الرائحة تخنقة:
-زى المصباح السحرى و علاء الدين
= تمام ياسيدى
-طب احنا فين؟؟
= انت فى ارض الجن طبعا
"""شبيك لوبيك انا الجن الاحمر ملك ايديك"""
"اامورنى حالا امرك مطاع"
صرخ شريف:
-اغوووور من هنااااا بسرعه هتخنق
و فى ثانية
فوووووووووووووووووووووممممممممااااااااااااا
صوت قوى
و دخان اسود
احاط بشريف
و بووووووووومممممم كراااااك
فرقعه
هزت المكان
و
و اختفى شريف من الارض الزرقاء
اختفى بدون اى اثر
-3-
كانت الشمس تحرق العيون
و الجثث فى كل مكان
الاجسام ممزقة
الارجل مقطوعه و الرؤوس
و الاحشاء متناثرة من الاجساد
و
الدماء
فى كل مكان
و صوت انفجارا ت رهيبه
و دخان و نار
ظهر شريف من العدم
فى الصحراء الدموية
و ازيز طائرات تقذف مواقع حصينة
و اهتزازات عنيفة
ناتجة عن التفجيرات
صرخ شريف:
-انااااااااا فين؟؟
قال الشيطان الاحمر:
""غورتك زى ماطلبت يا سيدى""
شريف:
- انت غورتنى فى داهية و...
انت فين؟؟ ... مش شايفك بس سامعك
""انا على كتفك يا سيدى شريف""
نظر شريف الى كتفة الشمال
ليجد الجن و قد انكمش و اصبح فى حجم العصفورة و قد تعلق بكتفة
فاصبح يشبه قرصان و على كتفة ببغاء
قال شريف و هو يحمى اذنة من اصوات الانفجارات
و من حولة الجثث:
-احنا فين..ارض الجن دى؟؟
""لا يا سيدى..دى الارض بتاعتك... ارض البشر""
-امال احنا فين؟؟؟
"""احنا فى قلب معركه حربية تدعونها الحرب العالمية الثانية""
صرخ شريف غير مصدق:
يا نهاااااارك ااسود..طلعنى من هنا فورا انت هتموتنى يا مجنون
طاااااااااااااااااالعنى
و فى تلك اللحظة
بالذات كانت قذيفة مدفع
تتجه ناحية موقع شريف
ناحيتة تماما
***
"""شبيك لوبيك انا الجن الاحمر ملك ايديك"""
"اامورنى حالا امرك مطاع"
و فى ثانية
فوووووووووووووووووووووممممممممااااااااااااا
صوت قوى
و دخان اسود
احاط بشريف
و بووووووووومممممم كراااااك
فرقعه
هزت المكان
و
و اختفى شريف من المعركه
اختفى بدون اى اثر
و انفجر مكانه فى لحظة بدوى
هز الصحراء
***
4-
ارض شاسعه زرقاء
و اشجار بدون اوراق مجرد اغصان سوداء
و من خلفها سماء باللون الدم
و هبت نسمة هواء
رائحتها عفنة
كريهه
صرخ شريف :
-انااااااااااااااا رجعت تانى ارض الجن
"""شبيك لوبيك انا الجن الاحمر ملك ايديك"""
قالها المارد العملاق
طائرا فى الهواء
امام شريف
بقرنيه الضخمان الملتويان
و جسده الاحمر النارى
و كان الجن الرهيب محنى الراس
يرفرف بجناحين خفاش
تهب رياح
عفنة الرائحة
تخنق الانفاس
قال الجن فى سعاده
""تم امرك يا سيدى و خرجنا من ارض المعركه"""
شريف و هو يقفز صااارخا:
-ايووه ازفت خرجتنى.. و رحت جايبنى تانى على ارض المخروبة الجن ...انااااااا هتخنق من الريحة
فى تلك الاثناء..
كانت هناك اجسام ضخمة تطير
و جماعات كثيرة تزحف على الارض من بعيد
كلها تقترب من موقع شريف
و سمع شريف الهمس المرعب
"هسسس ميسسنس شريف تعااااالى هسسس ميسسنس""
يتكرر
و يعلو مع اقتراب
الجماعه المرعبة الطائرة من الجن
و الجماعه الزاحفة
تسأل شريف متناسيا الرائحة الخانقة العفنة:
-هو فى ايه؟؟.. دول ايه كماان
الشيطان الاحمر فرحا
""دول شعب وادى الجن قاادمون"""
-ايوا واخد بالى و بيهمسو باسمى
""ايواااا انت غريب هنا الكل حس بوجودك"""
"هسسس ميسسنس شريف تعااااالى هسسس ميسسنس""
"هسسس ميسسنس شريف تعااااالى هسسس ميسسنس""
"هسسس ميسسنس شريف تعااااالى هسسس ميسسنس""
الصوت
التكرار
الرهيب
اسنان تطحن
و افواه
تنادى
طالبه
"هسسس ميسسنس شريف تعااااالى هسسس ميسسنس""
قال شريف فى هلع:
-دول عوزين منى اى ؟؟؟
"""اكيد هيقطعوك ..و يطحنوا عضامك.. و ياكلو لحمك"""
شريف:
ايه ايه ايه..........طالعنى من هنا طلعنى
"""شبيك لوبيك انا الجن الاحمر ملك ايديك"""
"اامورنى حالا امرك مطاع"
و فى ثانية
فوووووووووووووووووووووممممممممااااااااااااا
صوت قوى
و دخان اسود
احاط بشريف
و بووووووووومممممم كراااااك
فرقعه
هزت المكان
و
و اختفى شريف
تاركا الهمس و النداء يتكرر
بلا امل
"هسسس ميسسنس شريف تعااااالى هسسس ميسسنس""
***
و ظهر شريف
فى مكان اخر
بعيد جدااااااااا
وكان
اسفل منه مياه زرقاء
ليست عميقة
و لكنها بلا نهايه
صرخ شريف هلعا:
انااااااااااا فيييييين ...؟؟؟؟؟؟؟؟
((تتبع))
5-
كانت المياه الزرقاء
فى كل مكان على امتداد البصر
الى مالا نهاية
لا ارض
او حتى جزيرة صغيرة
صرخ شريف فى الجن الاحمر اللى اتسخط فى حجم العصفورة:
-انت ودتنى فين تانى ؟؟
ايه المكان الغريب دا؟؟
""سيدى انت طلبت تخرج من ارض الجن"""
-ايوا لانهم كانوا هيكلونى...
لكن انت جبتنا فين؟
"" دا مكانى المفضل للأسترخاء قلت اكيد هيعجبك"""
-يهببك جن !! جاوب على سؤالى
""امرك يا سيدى احنا فى ارض عالم البشر""
-لا دى مش الارض...
"""عفوا سيدى هى دى الارض"""
- لالا انا مدرس علوم و كنت بدى حصص جغرافيا احتياطى مفيش مكان على الارض كله مياه بالشكل العجيب دا..
...دا ارتفاع المياه معداش ركبتى
"" اجل اجل سيدى مدرس ذكى"""
-شكرا يا عم الجن ها احنا فين؟؟
"""احنا فى الارض من 4 مليار سنة قبل الميلاد لسة الارض سطحها بارد من يدوبك نص مليون سنة""""
-يا حلاوتك هو انت تودينى الحرب العالمية التانية يا ارض الجن يا قبل الارض ما تعمر من اساسة
"""انا اسف سيدى مش قصدى"""
نظر شريف حوله
لا شىء سوى المياة
و غمغم:
-حتى الجبل ازرق!!
قال الجن :
""عفوا سيدى دا مش جبل..مفيش جبال هنا""
تسال شريف بقلق:
-امال ايه دا؟؟
""دا تسونامى عملاق موجة بحرية عملاقة مدمرة و جاية علينا بسرعة 11000 عقدة فى الدقيقة"""""
صرخ شريف :
- لازم نخرج من هنا فورا
ثم ركز شريف و فكر ثم قال:
-عوزك تنفذ اوامرى بالحرف
ثم عدل من وضع نظارتة كعب الكوباية على انفة و قال:
- عوزك تنقلنى من هنا على شارع مراد بك بمنطقة الهرم فى عام 2015 حالا
"""شبيك لوبيك انا الجن الاحمر ملك ايديك"""
"اامورنى حالا امرك مطاع"
و فى ثانية
فوووووووووووووووووووووممممممممااااااااااااا
صوت قوى
و دخان اسود
احاط بشريف
و بووووووووومممممم كراااااك
فرقعه
هزت المكان
قبل ان تصل موجة المد العارمة
بدقيقة واحدة
6-
قال شريف:
الحمد لله شارعنا
""سيدى يأمر و انا انفذ"""
و لكن شريف اكمل بتردد و قلق:
-ولكن الشارع مختلف شوية هس هس
""اامر يا سيدى""
-الناس فين ؟؟
""فى الصلاة يا سيدى"""
صلاة ايه
""الجمعه"""
شريف:
- الجمعه؟؟ انا مقابلك الاحد نطينا الجمعه كدا بسرعه انت عفريت ايه زمنى
""العفو يا سيدى""
""انت معاك سلسلة الذل"""
"""و انا مجرد خادم لحامل السلسلة""
نظر شريف حولة و قال:
الحمد لله المهم انى رجعت..و ...
و قبل ان ينطق شريف قال لنفسة: (لو قلت له يودينى البيت مش بعيد انه يحدفنى على المريخ ولا يرجعنى عصر محمد على باشا)
قال شريف :
- اسمع يا جن
"""امر سيدى"""
-مش هينفع الناس تشوفك معايا بالشكل دا و انت جن فى حجم العصفورة
-طب بقول.. ماتختفى تانى و ابقى ادعك السلسلة و اندهلك
""مش هينفع انا طالما ظهرت ما اختفيش الا بعد تمام المراد منى""
و اكمل الجن فى لمحة ذكاء:
""اكبر لحجمى الطبيعى يا سيدى""
لالالالالالالالا طبعا..غير من شكلك و كون طبيعى زى البنى ادمين
""اومرك""
...طرااااااك...
فرقعه
و تحول الجن الى الممثل احمد عز
شريف صارخا:
-يهببك انت ايه اللى انت عملته دا؟؟ هتلم علينا الشارع بستاته كلهم
غير غير نفسك بسرعه
""اومرك""
...طرااااااك...
و تحول الجن الاحمر فى لمح البصر للممثل محمد سعد و هو فى دور تتح
-يانهارك احمر و اسود غير غير انت مابتفهمش
""اومرك""
...طرااااااك...
و تحول الجنى الى فتى صغير فى ال 12 من عمره
هتف شريف و هو يصفق بيده
-جميل اوى اوى
""سيدى مبسوط من الشيطان الاحمر""
-استنى كمان عوزين نغير اسمك ما ينفعش اناديك قدام الناس بشيطان او جن
عوزين نسميك اسم كويس
قال الجن فرحا: """بقلويظ"""
-ايه؟ ايه؟ بقلو...ايه يعنى ايه؟؟
"""انا بحب الاسم دا اوى"""
-لا مش هينفع هسميك احمد
صرخ الجن::""""لالالالالا انحرق بلاش بلاش"""
-خلاص يا عمونا هسميك عباس ها حلو دا ولا يجيب اسهال
-""""تمام يا سيدى..سيدى مدرس ذكى"""
-تعالى بقى نطلع البيت
""ما سيدى يؤمر و انا انقلك فى لمحة عين"""
-لالا متشكر اوى انا مجرب نقلاتك دى كويس
يالا بينا
7-
جلس شريف فى شقتة و معه عباس الجن الاحمر خادم السلسلة "سلسلة الذل"
قال شريف :
-ها يا عم عباس انا عاوز...
لاحظ شريف ان الجن ينظر الى الجهه الاخرى
شريف :
-هيه انت يا عم الجن
انتبه الجن و قال:
-"" امرك يا سيدى"""
=مالك؟ انا بكلمك ولا انت هنا..ايه؟ شكلك مشتاق لاهلك..انا كمان عارف انا وحدانى من ساعة المرحومة امى الله يرحمها ماتت من 13 سنة و انا اهو قدامك ماسك نفسى عمرى 30 سنة لا تجوزت ولا خطبت يعنى مقطوع من شجرة...خدنى عبرة ومثل يا اخى
الجن:""سيدى هو الكلام دا موجه ليا انا؟؟؟"""
شريف : ايوا ليك هو فيه حد غيرنا هنا
الجن:""اهدى يا سيدى اصلك عمال تقول يا عباس فافتكرت الكلم لعباس مش ليا"""
قفز شريف من مقعده و هو يهتف:
-ناااااااااااااااااااااااعم...انت عاوز تجننى احنا مش اتفقنا ان اسمك عباس
الجن:
""ااه...تذكرت يا سيدى...اسمى انا عباس...سيدى مدرس ذكى"""
شريف: ركز بقى احسن يطقلى عرق معاك ..انا عاوز منك....
الجن مقاطعا :
""""""شبيك لوبيك انا الجن الاحمر ملك ايديك"""
"اامورنى حالا امرك مطاع"
شريف : تمام يعنى متفقين...انا عاوز...........
اجن مقاطعا:
"""شبيك لوبيك انا الجن الاحمر ملك ايديك"""
"اامورنى حالا امرك مطاع"
شريف صارخا:
-اهمد بقاااااااااااااااااااااا...و اسمع انا عاوز ايه؟؟؟
ينظر الجن الاحمر الى شريف و تبدأ عيناه فى ظرف الدموع
ثم يشهق و ينتحب
و تسيل الدموع من عينيه على ارض الغرفة و تتصاعد فورا ادخنة
كانت دموعه تحرق السجادة
صرخ شريف و هو يربت على ظهر عباس الجن:
-انا اسف والله اسف.. ابوس ايدك انا اسف... الشقة هتولع اهدى كدا
يبدأ عباس الجن فى الهدؤ
و يمسح دموعه بكف ايدة
و هو يغمغم: """شبيك لوبيك انا الجن الاحمر ملك ايديك"""
"اامورنى حالا امرك مطاع"
يقول شريف بهدؤ:
-انا عوزك تخلينى غنى اوى و عندى فلووووس كتتير فحت
عباس الجن:""" فحت؟؟؟"""
شريف: استنى احذف فحت دى ...لتودينى تحت انقاض عمارة و لا ف بطن كهف فى استراليا.. انا عاوز اكون غنى اوى
(صوت فرقعه)
(طراااااااااااااااااااااااك)
يتخلى الجن عن شكله البشرى
و يتحول الى شكله الحقيقى و هو يقول:
"""شبيك لوبيك انا الجن الاحمر ملك ايديك"""
"اامورنى حالا امرك مطاع"
و فى ثانية
فوووووووووووووووووووووممممممممااااااااااااا
صوت قوى
و دخان اسود
احاط بشريف
و بووووووووومممممم كراااااك
فرقعه
هزت المكان
و اختفى شريف
اختفى تماما
***
8-
قصر فخم جدا
و أبهه عاليه
و حمامات سباحه..
و حراس فى كل مكان
و كاميرات مراقبه
و شريف يجد نفسة فجأة
على سرير كبير من خشب فاخر
و فى غرفة لا تقل مساحتها عن 100 متر
و كان يرتدى روب من الحرير على قميص و بنطلون بدله
قال شريف :
- واو هو دا العز و الغنى الفاحش
قال الجن :"""سيدى مبسوط منى"""
نظر شريف الى مصدر الصوت وجد ان الجن قد حول نفسة الى ساعه يد ..فى يده الشمال
قال شريف :
اخيرا اثبت انك جن.. ابن جن صحيح
الجن:
""المهم ان سيدى مبسوط منى"""
قال شريف و هو يضع سلسلة الذل حول عنقة:
-طبعا طبعا ...انا عاوز الف فى المكان اخد جولة كدا اتفرج على قصرى و املاكى
قال الجن:
""سيدى يحب افرجه"""
شريف :
-لا شكرا انا اعرف اتفرج لوحدى
و خرج شريف من غرفته
ليجد سلم حلزونى يمتد الى اسفل مصنوع من الخشب
و بالاسفل هول كبير جدا
و الخدم و الخدمات فى كل مكان يقومون بالتنظيف
و بمجرد ان شاهدو شريف
حتى ارتموا على الارض
فى ذل
و هم يرتجفون
اندهش شريف و قال:
-هو فى ايه بالضبط؟؟
الجن الساعه:
"""الاحترام و مهابة يا سيدى"""
قال شريف و هو ينفخ نفسة :
-اه..اه...واجب برضوا
و خارج القصر
كانت هناك حديقة كبيرة بمساحة 3 افدنة
و حمامات سباحة و جاكوزى كبير
و حرس خصوصى فى كل مكان و الاسلحة تبدو فى ايديهم و النظارات الشمسية
و سلسلة جبال فى الافق البعيد و غابة اشجار كثيفة
و....
هتف شريف :
- لحظة ...هو انا فين بالضبط؟؟؟
الجن الساعه:
"""الارجنتين يا سيدى.."""
-بعمل ايه فى الزفت الارجنتين
"""عايش يا سيدى""""
-و مبقاش غنى ليه ف مصر
"""سيدى انت طلبت تكون غنى اوووى و انا نفذت """"
و فى تلك اللحظة تقدم من شريف احد الحرس ممسك بموبيل و هو يقول :
- مستر سنتياجو تليفون مهم
شريف: سنتياجو؟؟؟؟ اناااااااا
امسك شريف الموبيل و وضعه على اذنه و اجاب:
-الو
و باغتتة الاجابة
-私は天才とスマートです、あなたも愚かな人だ

كان الصوت لرجل يتكلم اليابانيه
و بلا وعى من شريف اجاب:
-非常に知的で知らないあなたの愛のあなたの息子

و فوجىء
شريف لنفسة و هو يجيب باليابانيه
اليابانيه الصحيحة
///// و لو ترجمنا الكلام (المتصل) : مستر سنتياجو صفقة الهيروين جاهزة/////
////و اجابة شريف : عن اى هيروين تتحدث ايها المخبول////
و صرخ شريف فى الجن الاحمر :
- انت عملت ايه؟؟؟ حولتنى الى ايه
الجن الساعه:
"""انت اغنى تاجر مخدرات فى العالم كله"""
شريف صارخا:
-بتقول ايه يا ابن ال ...............تتتيييييييييييت
9-
صرخ شريف كالمجنون:
-تاجر مخدرات !!! حرام على اللى جابوك انت عاوز تضيعنى وبس
قال الجن:
"""ابدا يا سيدى..انا بنفذ اوامرك""""
شريف:
اوامرى انك تخلينى غنى اوى
الجن:
"""و دا اللى نفذته بالحرف"""
بوووووممم بوفووووو
طااااااااااااااااااخ
اصوات انفجارات عنيفة
فى جميع اركان القصر و الحديقة
صرخ احد الحرس:
بسرعه يا سنيور سنتياجو القوات الدولية لمكافحة المخدرات تقصفنا بطيارات أليه
صرخ شريف:
كمااااااااااااااااان بسرعه يا جن هربنى من هنا
قال الجن:
"""شبيك لوبيك انا الجن الاحمر ملك ايديك"""
"اامورنى حالا امرك مطاع"
و فى ثانية
فوووووووووووووووووووووممممممممااااااااااااا
صوت قوى
و دخان اسود
احاط بشريف
و بووووووووومممممم كراااااك
فرقعه
هزت المكان
و اختفى شريف
اختفى تماما
تاركا معركه حامية الوطيس
***
و قف شريف يلهث و امامه كان الشيطان الاحمر يطير
كان المكان على شاطىء جزيرة استوائية جميلة
قال شريف:
احنا فين؟
الجن:
"" على جزيرة فى قلب المحيط الهادى"""
شريف :
كويس ..انت ايه اللى عملته...؟ تحولنى لتاجر مخدرات انت مجنون
الجن:
" سيدى انا بنفذ اوامرك بالحرف"
شريف مندهشا:
بالحرف ؟؟ يعنى ايه مابتشغلش عقلك خالص
الجن:
"""لا طبعا""""
شريف صارخا:
دا ايه الحظ الهباب دا اللى وقعنى فيك
الجن:
""سلسلة الذل يا سيدى""""
شريف :
طيب طيب طالما موضوع الغنى دا هيودينى ف داهيه انا عاوز حاجة تانية افضل
الجن:
"""شبيك لوبيك انا الجن الاحمر ملك ايديك"""
"اامورنى حالا امرك مطاع"
شريف:
عاو اكون مشهور اوى ....و اهو الشهرة تجيب الفلوس ...ولا ايه؟
الجن:
انا ماليش راى بعد رايك
و فجأة قطع حوارهم
صوت ارتطام قوى و زلزال ارتجت له الجزيرة
هتف شريف:
فيه ايه؟؟
قال الجن:
دا ديناصور جاى علينا
شريف:
داينا....ايه؟؟
انت ودتنى فى اى زمن
الجن:
حقبة العصر الترياسى 200 مليون سنة قبل الميلاد
شريف خرجنى من هنا بسرعه و خلينى مشهور اكتر شخص مشهور ف العالم
و..
"""شبيك لوبيك انا الجن الاحمر ملك ايديك"""
"اامورنى حالا امرك مطاع"
و فى ثانية
فوووووووووووووووووووووممممممممااااااااااااا
صوت قوى
و دخان اسود
احاط بشريف
و بووووووووومممممم كراااااك
10-
غرفة معتمة تغرق فى ظلام دامس
جلس شريف على طرف سرير مريح ..و بجوارة الجن الاحمر و قد تحول الى مقعد
قال شريف:
-احنا فين المرة دى؟؟؟
الجن:
""" زى ما طلبت يا سيدى اشهر رجل فى العالم"""""
شريف ينظر حولة فى الظلام الدامس و يقول:
- اشهر راجل ازاى فى الاوضة الكحل دى مش فاهم ازاى كدا هشتهر؟؟؟
قال الجن و هو يعود الى هيئتة
عملاق ذو جناحين خفاش
""انت دلوقتى منتحل شخصية جاك هولمان الرجل اللى قتل عائلتة بالكامل ابوة و امه و اخواتة و زوجتة و عيالة""""""
قفز شريف من مكانة و هو يصيح
- يا نهار ابوك....تيييييييييييييت
انت عب ...تيييييييييييت

و فجأة
اثناء صراخ شريف
صوت دوى صفرات التنبيه الخاصة بسيارات الشرطة
و
اشتعل النور فى كل مكان
و قال الجن
"""""" لقد اضأت النور حتى يقدروا يعثروا عليك بسهولة...سيدى مبسوط""""""
شريف:
-مبسوط اييييييييه؟؟؟؟
دا فيها اعدام....خرجنى من هنا
قال الجن بأسف
"""""اسف يا سيدى مش هقدر""""""""
شريف:
؟؟؟؟؟؟؟؟؟؟؟؟؟؟
الجن
"""دى كانت اخر امنية ليك معايا"""""""
شريف:
-ازاى ؟؟؟ اخر امنية..انت مقلتش ليه على اى حاجة
الجن:
"""سيدى مدرس ذكى كان لازم يفهم ان الامنيات دى مش لملا نهاية اكيد فية وقت و تخلص و اهو جه الوقت"""""""
دخل البوليس فى تلك اللحظة
و اختفى الجن الاحمر و هو
يقول:
"""اسعدتنى خدمتك يا سيدى""""
((((((((تمت)))))))))))))