|
|
مواقع النشر المفضلة (انشر هذا الموضوع ليصل للملايين خلال ثوان) |
|
أدوات الموضوع | تقييم الموضوع | انواع عرض الموضوع |
05-01-2016, 09:03 PM | رقم المشاركة : 1 | |||
|
الاجازة القاتلة (الحلقة الثالثه)
3- بظهره المحنى مشى عم فاروق إمام مسجد النور فى طريقة الى المسجد و هو يتمتم بالأذكار قبل وقت صلاة الفجر عندما توقف فجأة على صوت انين خافت مكتوم قادم من الحديقة المجاورة دخل عم فاروق الحديقة التى كانت تبدو تحت اضاءة عمود النور واضحة للعين بالرغم من شدة الظلام و تسمر فاروق مكانه و اتسعت عيناه مما رأى و غمغم: - لاحول ولا قوة الا بالله و اسرع ينحنى على الجسد المسجى المربوط و البادى الارهاق كانت ملابسها قذرة ملوثة بالاتربة تنبعث منها رائحة عفنة قوية و شعرها.. اشعث و قد تحول لونه الاسود الجميل الى شعيرات هشة بيضاء بعد ان قضت ليلة دامية فى باطن المقبرة قال عم فاروق و هو يفحص وجهها و قد كمم فمها.. تحت اضاءة نور العمود :- معقول .. الاستاذة مريم -------------------- قال الطبيب بتوتر و هو يخاطب عم فاروق: -انهيار عصبى حاااد و حالتها النفسية سيئة جدا فاروق: طب اقدر اخدها اوديها للبيت انا جارها فى السكن و الست والدتها اكيد قلقانه عليها جدا الطبيب: صعب اوى يا حاج البوليس و النيابة ف طريقهم لهنا فاروق: النيابة؟؟ الطبيب: طبعا دى محاولة خطف و انت كمان ماتتنقلش من هنا اكيد هايحتاجوا ياخدو اقوالك فاروق: اكيد ..اكيد.. انا مقدرش اسيبها و انصرف الطبيب بينما فاروق مد يدة الى جيب الجلباب و اخرج هاتفة المحمول و اتصل: -الو..السلام عليكم يا ست ام مريم..ايوا. عاوز اطمنك مريم بخير..لقيتها ايوا..هى هى ف المستشفى..لالا ماتخفيش بخير و الحمد لله....ايو ايوا تعالى انا ف انتظارك و اغلق الخط و هو يفكر ترى ماذا حدث لها؟؟؟ ----------- وقفت سيارة تاكسى و نزلت منها ناهد و هى تسرع الخطا الى داخل المستشفى و هرولت فى ممر المستشفى حتى الاستقبال و سألت ممرضة الاستقبال: - مريم عبد الحفيظ الممرضة بملل و فتور : -غرفة 18 بس ممنوع الزيارة =لية؟؟... انا زميلتها -وكيل النيابة عندها =نيابة؟؟؟ ليه حصل ايه؟ -معرفش انا لسة مستلمة نوباتجية دلوقتى و جلست ناهد على اقرب مقعد و هى تلتقط انفاسها و فتح باب الغرفة 18 فى اخر الممر و خرج منه وكيل النيابة و معه السكرتير و فرد الامن و وقفت ناهد على الفور و اسرعت الى غرفة مريم و هالها منظرها عندما دخلت عليها الشعر الابيض.. الرعشة التى اصابة جسدها ..و نظرتها الزائغة اقتربت منها ناهد و هى تقول: -يا حبيبتى يا مريم...ايه اللى جرالك؟ نظرت اليها مريم للحظة قبل ان تنفجر فى البكاء و تحتويها ناهد فى صدرها و تحتضنها و نحيبها يرتفع فى الغرفة يمزق القلوب ------------------------ نفث عباس سليم دخان سيجارتة و هو يقهقه فى فرح: - هههههههههههه خلصنا من اكبر هم و ربت على كتف فتاة الثانوى التى جلست تحت قدميه فى الشقة المفروشة و هى ترتدى ملابس المدرسة مال عباس نحوها و هو يتحسس شعرها وقال: -ولا ايه يا سوسن؟ سوسن: - اه..طبعا...طيب و اللى فبطنى هنعمل فية ايه؟؟ انا خايفة قال عباس بتصنع: -و لا تخافى يا حبيبتى.. انا لقيت الحل ..امال جبتك النهاردة هنا لية و غيبتك من المدرسة قالت سوسن بفرح: -بجد لقيت حل قال عباس و هو يخرج شريط حبوب: -يالا يا قطه ابلعى حبيتين من البرشام دا سوسن: - برشام ايه دا؟ عباس: -دا الحل السحرى تاخدى البرشام من هنا ربع ساعه اللى ف بطنك تنزلية ف الحمام ولا من شاف ولا من درى سوسن تقول بتردد: - بس ..بس انا اخاف يقف عباس و يقول ثائرا: - نااااااااااعم يا روح امك.. انتى تسمعى اللى بقولك علية احسن مش هتشوفى الشارع تانى ..انتى فاكرة نفسك اية انتى حتت عيلة ..تنفذى كلامى و بس ..انتى عاوزة تجيبيلى مصيبة و خلاص ولا فاكرة انى هتجوزك سوسن: - بس انت وعدتنى انك تستر عليه عباس: -انا راجل ماليش كلمه يا قطة.. رجل كداب ..بصى يا بت انتى هتاخدى البرشمتين بالزوق و لا تحبى تاخديهم غصب عنك و اخرج من جيب البدلة مطوة و فتحها ليبرز منها نصل حاد الشفرة و اردف: -ولا تحبى اقطع رقبتك امسكت سوسن بشريط الحبوب و هى ترتجف و تنظر الى النصل القاتل فى خضوع و ذل ((((((((((((((((((تتبع))))))))))))))))))))))))) |
|||
07-01-2016, 04:59 PM | رقم المشاركة : 2 | |||
|
رد: الاجازة القاتلة (الحلقة الثالثه)
مرحبا أستاذ تامر .. |
|||
07-01-2016, 06:27 PM | رقم المشاركة : 3 | |||
|
رد: الاجازة القاتلة (الحلقة الثالثه)
شكرا جزيلا لك اخى راحيل و اتمنى مرورك دائما و يسعدنى وجودى ضمن المنتدى |
|||
أدوات الموضوع | |
انواع عرض الموضوع | تقييم هذا الموضوع |
|
|