|
|
منتــدى الزجل والشــعر العــامي والنبـطي لطالما كان الزجل والشعر العامي قريباً لقلوب الناس و فكرهم، فله منا نصيب ... |
مواقع النشر المفضلة (انشر هذا الموضوع ليصل للملايين خلال ثوان) |
|
أدوات الموضوع | تقييم الموضوع | انواع عرض الموضوع |
08-04-2018, 04:18 AM | رقم المشاركة : 1 | |||||
|
سوق
[ سوق ] رحت السوق أشتري برقوق شفت الفقري أبو عـــرقوب شفت الشايب أبــــو صندوق واللي مدقنن أبو زقــــــزوق رزقه في رجله في الزنقوق واللي يطاطي ليه مرعـــــوب واللي يعاند ليه معـــــــــيوب كله بيجرى للمــــــــــرغوب يطلب رزقه من الزغــنــوب خلق وتايه فضهره خازوق قالع براسه وشــــايل فاسه ونازل يولول مكـسور باسه عايش مطاطي علـشان ناسه جيبه خاوي يعــــني افلاسه والحفيان نــــــاسي مداسه كل الدنيا في عينه تقاسي نفسه في حظ ويفرق راسه وتبقي التوب كد مقاسه ويعيش حر فبحرانفاسه ينهي عذابه في مدت موجه قبل ما يفقد عمره في هوجه يعني ممات في لحظة وجات أصل الموت للبشر إسكات راحة نفس مـــــن الهتهات أصل الروح ليـــــــها معادها ربك عــــــــــــالم بالنيات سوق ...! سألت أخينا بكام الكيلو خفت أعلي وصوتي يبان خفت يكون البايع مايع يسمع صوتي ألاقي تبايع قلت في نفسي ليه تبايع أفضل حاجه بلاش إشهار شافني أخينا وحك فجلده برّم شنبه وحرك زنده علا الضحكة وشد الصوت وراح ينادي على البرقوق رحت أقوله كام مطلوب وخايف منه يكون معطوب قال: شخلن جيبك بالمظبوط قلت : ياعم قلي بكام قال: ميت جنيه للكيلو وخد أصل العملة اليوم ما تبد عمله رقيقة عايشه زهيدة تشبه عندنا ورق الزبد هات من جيبك وطلع عد بدنا شيء يكون مرغوب صاحي ملعلع مش معطوب يعني سليم متعافي شديد ناصب ضهره زى حديد من غير زحمة شم اللحمة ... واطبخ طبخة وعشي الزحمة ولا جفيان وينشف ريق قلت خلاص كفاية حديت أنا مش عايز جل وقيد جنيه تعبان غاوي ينام كل ما يصحي يروح سكران واخد حقنة تنوم فيل أصله مريض من ساعة السيل أخده البرد في جبل التلج راح اتسبح في عصر أحد يعني بلاش ناكل برقوق نرجع نلعب الزغوب حتى عيالنا ملهاش مطلوب حاجة تحير بشر مغلوب مال الناس ومال السوق بقلمي @الشاعر : سيد يوسف مرسي
|
|||||
أدوات الموضوع | |
انواع عرض الموضوع | تقييم هذا الموضوع |
|
|