|
|
منتدى القصة القصيرة أحداث صاخبة ومفاجآت متعددة في كل مادة تفرد جناحيها في فضاء هذا المنتدى..فهيا لنحلق معا.. |
مواقع النشر المفضلة (انشر هذا الموضوع ليصل للملايين خلال ثوان) |
|
أدوات الموضوع | تقييم الموضوع | انواع عرض الموضوع |
15-02-2022, 05:43 AM | رقم المشاركة : 1 | |||||
|
مسعود ومصباح علاء الدين!
مسعود ومصباح علاء الدين! لا يابا!، لالا، ياااااابا..!!؟، أعوذ بالله من الشيطان الرجيم، غريب أمر هذا الكابوس! هذه المرة الثالثة التي أشاهده!!، في الصباح سأترك كل شيء وسأذهب لزيارة قبر أبي، فهناك خطب ما لست مرتاحا له!؛ ..: ليس هنا؟ أين قبر أبي؟!، يا عيب العيب يا مسعود حتى قبر أبوك نسيت مكانه، في أي اتجاه كان؟، اممم تذكرت هناك.. نعم هناك... أخيرا ً وجدت قبر أبي!.. معلش يابا، معلش سامحني فالمشاغل والحياة بتعمي بصر الواحد!؛.. غير المغضوب عليهم ولا الضالين آمين، الله يرحمك يابا ويغفر لك ذنوبك ويدخلك جنات الخلد.. آآخ آآخ كلنا على هالطريق.. صار لازم أروح تأخرت على الشغل، بخاطرك...: مسعووووود، يا مسعوود مسعووووود!! : مين!، مين!! بسم الله الرحمن الرحيم، مين؟!..: أنا ابوك يا مسعود انسيت صوتي كمان؟! : أبوي!! ههه، هههههه!، كيفك يابا شو الي صحاك؟، وليش صوتك خشنان هيك! : سيبك من صوتي، أنا غضبان عليك يا مسعود، هيك أمنتك على كل اخوانك الأصغر منك!، توكل كل حقوقهم وتحرمهم من الميراث؟ : أنا!، أنا!، أنت يابا الحق عليك، أنت الي سجل كل شي باسمي.. وأنا أكثر واحد تعب وأنت عايش وأنت ميت!! اخواني أعطيتهم حقهم بحق الله!!، انسيت يابا شو صار بمسعود!! : كلنا تعبنا يابا، طول حياتنا نحفر بالصخر عشان نعيش، لا تكون طماع، رجع حق اخوانك وخواتك المسكينات، فش اشي دايم يابا، مش رح اتكون أشطر من أبوك تعملش مثلي.. أنا ندمان يابا ندمان اكثير لأني أكلت حقوق عمامك وعماتك، وغيرهم كثير..! وعمالي بدفع الثمن غالي أكثر ما تتخيل.. يا ريت رجعت حقهم قبل ما أدخل هالقبر وسامحوني.. يا ريت!!.. إخزي الشيطان يا مسعود، لا تخليه يضحك عليك كمان! صحيح يابا ذكرتني، بدي اسالك سؤال؟ : اتفضل يابا إسأل! : في مصباح قديم كثير كان بخزانتي قبل ما أموت!، وين راح؟ : أعطيته لسعيد زماااان بعد موتك بشهر تقريبا، ليش!! : وبعده عند سعيد؟ : اكيد، ما انت بتعرفه لسعيد هاو خردوات!، لكن حيرتني ليش بتسأل عنه؟! : هالمصباح يا مسعود أهم وأغلى ما كنت أملك، هو الي خلاني ملياردير، فيه خادم بحققلك أمنية وحدة لمرة وحدة، بشرط ما تكون ظلمت أي إنسان! : مصباح، وخادم وبحقق أمنية!!، بتحكي جد يابا!! : صار لازم اروح يابا، صار لازم اروح، لازم أرو... : استنى يابا، يابا، يابا!!... ..: وأخيرا رجعت حقوق اخواني وخواتي وسامحوني كلهم الحمد لله، وضحكت على سعيد الأهبل وأخذت المصباح منه.. ايوااه هسا خليني امخمخ وأفرك المصباح، دقيقة لازم أكون مجهز الأمنية.. شو بدك تتمنى يا مسعود؟، اممم أيوه بدي اجننه لمارد المصباح، بدي أخليه يلعن اليوم الي اشتغل فيه هالشغله ههه، بلا أغنى رجل بالعالم بلا حكي فاضي، رح اطلب منه يحقق جميع أمنياتي، ههه يالله انجرب...: شبيك لبيك خدامك بين اديك، أمرك يا سيدي.. : هاه!! شو هالضباب الكثيف، وينك مش شايفك!! : ها، ها، ها، لا لا تهدر الوقت أمنيتك يا سيدي! : امنيتي، ان تحقق كل ما اتمناه!..: معذرة منك يا سيدي هكذا أمنية غير متوفرة ابدا ً!!، هكذا تكون قد نفذت أمنيتك الوحيدة، ها ها ها ها..! :. شو يعني هيك انضحك علي!! لالالا انتظر اتوسل إليك أيها المارد..! : وداعا يا مسعود، وبسلم عليك أبوك وبقلك: مفكر حالك تضحك علينا ، طول حياتك رح تظل طماع وحمار، طول حياتك رح تظل حمار وطماع.. رح تظل حمار.. رح تظل.. رح.. :لالالالالالالالالا!!!!...يابا يابا لا لا!!!... : مسعود!، مسعود حبيبي!! . .
|
|||||
20-02-2022, 08:01 PM | رقم المشاركة : 2 | |||||
|
رد: مسعود ومصباح علاء الدين!
الفاضل الموقر أستاذنا الكريم / محمد داوود العونة ..
|
|||||
23-02-2022, 05:48 AM | رقم المشاركة : 3 | |||||
|
رد: مسعود ومصباح علاء الدين!
بعد التحية الطيبة..
|
|||||
|
|