،، وقال قاسية..وجبارة.. // أحلام المصري ،،

[أحلام المصري]

،، وقال قاسية..وجبارة.. // أحلام المصري ،،
،
،

بتكتب غنوة تهجيني،
بتسب حبي
وسنيني..
والا جاي تفكّرْني
وتنادي
حنيني!

افتح فونك ولابك..
وشوف كام مرة
دق بابك،
سهرت أنادي طيف قاسي
ولا مرة جاني جوابك!

دلوقتي بقيت قاسية!
بعت ايامك وناسية؟
دلوقتي بتقول فاكر..
ومتعذب وأنا ماشية!

طيب ما نحكي من تاني
الحكاية..
بس من اولها
للنهاية
من غير مونتاج وتقطيع..
وشوف مين فينا كان شاري
ومين أستاذ ف البيع!

عموما يا قاسي
بطبعك،
انت ناسي
ودا طبعك
وأنا فعلا
دلوقتي.. بقيت
قاسية وناسية وجبارة
واخدة قراري
مش محتارة...
بحكم في أمر نفسي
وليا امارة...

[أحلام المصري]

قول كمان
ما تنكسفش..
قول ولا يهمك
ما تخبيش..
أنا أصلي يا سيد الناس
خلاص،
رامية كل شيء ورا ضهري،
ومابفكرش!

قول كمان..
قول كتير..
ماتنكسفش!

[راحيل الأيسر]

العزيزة أحلام
لا أدخل هذا القسم كثيرا
أنا حقا مقصرة في هذا القسم ..
وقد شدني ما أدرجته ..

نعم أحيانا يجب أن نكون أكثر حزما فنتخذ القرار ونبتعد إذا كانت الرؤية مشوشة والطريق غير واضح المعالم ..

القسوة والجبروت مطلوبة أحيانا خاصة عند أخذ القرار
اللين والتردد لا يجدي ..!


كوني بخير ورخاء دائما وأبدا 🌹