يا حمام السمسمِيَّه

[عيسى عدوي]

المشاركة الأصلية كتبت بواسطة د. حورية البدري

ربِّ يِصْلِحْ حال بلادنا
والديابه تصير بعيده
والمظالِمْ لينا تِرْجعْ
أُمْنيه لله نقولها
وبأملنا فيه نصَدَّق
إنها ما هيش بعيده

يا حمام السمسميَّه
غيَّر الأحزان دهيَّه
خلِّي غنوتنا سعيده

***

دمت بخير أخي الفاضل عيسى عدوي

تحياتي

يا حوريه ..
يا رمز الخصب والميه
عشان المولى يسمعنا
ضروري النيه تتصفا
وحق المولى يتوفى
ونسمع كلمته راضيين
ونمشي سكة الصابرين
بأيد وحد .. ومش ناسيين
بإن العز والنصرة
رهينة بعزة القدره
وما دام السلاح صاحي
وقلوبنا بألأيمان صاحيه ..
حييجي النصر صباحي ...
ويضرب ضربته الماحيه ...
وحمام الشط يتسلى
وصوت الغنوة يتعلى
..وأنا وانت ... إذا ربك أمر حنكون
في وسط الصحبه بنغني
مع الزاحفين
على فلسطين
يا حمام ..يا حمام ...
أزرع بذور السلام
في الربوع الخضرا ديه
من الخليل لأسكندريه ..
والموده مني خالصه
للي خلتني أغني
معها لحن السمسميه
تسلميلي ..يا حوريه

[د. حورية البدري]

يا حمام رفرف علينا
وَحّد الأُمَّه الحزينه
وان بِعِدْنا احنا ؛ تجينا
رَجَّعْ الضحكه العَفِيَّه
إِغْلِبْ الأحزان 00 وشيلها 00
مِنْ أغاني السمسميَّه
...
يا ما قالوا ولاد بلدنا
أُمَّه عربيَّه اتوَلَدْنا
هَم واحِدْ
أصْل واحِدْ مِنْ جدودنا
ديننا واحِدْ
كَعْبَه واحده نبُص ليها لو نقول الله يساعِدْنا
والعَدو إن حَط رِجْلُه في حدودنا
كلّنا لازِمْ نِدافِعْ
وان لقانا يَد واحده ؛
راح يِراجِعْ نفسُه
يِرْجَعْ
مِش ح يِسْتضْعَف بلادنا
مِشْ ح يِسْتعبِدْ ولادنا
هُمَّه دول أصل القضِيَّه
اللي بِتْدَمَّعْ عِنَيَّه
لو يفوت بخيالي طيفهم
والتقيه مغلوب في أرضُه
والأعادي قاعدَه عندُه
أدْعي رب الكون يساعدُه
...
قادِرْ المَوْلى يِطَهَّرْ أرضنا م الغَدْر الاصفر
والمُنافِقْ لينا يِظهَرْ
والبَصيرَه تعود عَفِيَّه
يا حمام السمسميَّه


****


تحياتي أخي الفاضل عيسى عدوي
دمت بخير وسلامة ودام إبداعك الجميل

[عيسى عدوي]

[د. حورية البدري]

خوفنا بِيفارِق حروفنا
لمّا أصحابنا تجينا ..

والعدو يِلقانا صُحْبَه
يَدْ واحده
وإيد إلاهنا فوق إدينا ..

ربِّنا يثَبِّت خُطانا
والأمل في الله لوَحْدُه
يهزِم الضلمه الحزينه ..

***
تحية مباركة أخي الفاضل عيسى عدوي
دمت بخير وسلامة ودام جميل إبداعك

[د. حورية البدري]

صوت بلادي الحُرْ نادى
با اسمَعُه بيقول : ولادي
ليه الخسيس مِرْتاح في أرضي
والديابَه تصير عَفِيّه ؟! 00
...
يا حمام رفرف علينا
رَجَّعْ الضحكه لعنينا 00
ياترى الضحكه كانِتْ
ولاّ طفولتنا البريئه
أوهَمِتنا بخير ومَيَّه
في السراب .. والمحسوبيَّه ..
يا حمام السمسميَّه ؟! 00

[عيسى عدوي]

المشاركة الأصلية كتبت بواسطة د. حورية البدري

صوت بلادي الحُرْ نادى
با اسمَعُه بيقول : ولادي
ليه الخسيس مِرْتاح في أرضي
والديابَه تصير عَفِيّه ؟! 00
...
يا حمام رفرف علينا
رَجَّعْ الضحكه لعنينا 00
ياترى الضحكه كانِتْ
ولاّ طفولتنا البريئه
أوهَمِتنا بخير ومَيَّه
في السراب .. والمحسوبيَّه ..
يا حمام السمسميَّه ؟! 00

	يا سلام لما النسايم رجعت تهفهف عليه والحمامه رايحة جايه حاملة لحن السمسمية جاية بتبشرني إنه مهما طال الليل وطول والظلام أرخى سدوله والنجوم مش باينه خالص ينفتح باب ألأمل والربيع يعلن وصوله وألقى أولادي وبناتي من أذان الفجرقاموا يمسحو الحزن اللي طول ويكتبوا نغمة جديده نغمة جايه من التحدي تمسح الباطل وتدي للقلوب لحظه سعيده والحكاية تطيب وتحلى والغنى يرجع لي تاني كله ورد وسمسميه

[د. حورية البدري]

مهما نِبْعِدْ راح نِعاوِدْ
نِنْدَه الصُحْبَه
نِغَنّي
إحتمال الغِنوَه تِقْدَرْ .. ع التفاوض
أو تزيلْ خِلافات عادِيَّه 00
أو .. نقول خلافات غبيّه
ما اللي يِبْعِدْ عَنّي اخويا
بالأكيد خلافات غبيّه 00
رَفِّة الريشه بتاخُدْنا
للأمان .. رغم الأسِيّه 00
رغم مُرْ الغدر / ساطِعْ بين ولادي وبين عِنيّه
في فلسطين الأبيّه
والعراق
أو بلادنا الإسلاميّه 00
يا حمام رفرف علينا
بَدِّلْ الغنوه الحزينه
تِرْجَعْ الأفراح تِزورنا
واوعى تِنْسى السمسميّه

***

تحية مباركة لجميل إبداعك وحضورك أخي الفاضل عيسى عدوي

دمت بكل خير

[عيسى عدوي]

المشاركة الأصلية كتبت بواسطة د. حورية البدري

مهما نِبْعِدْ راح نِعاوِدْ
نِنْدَه الصُحْبَه
نِغَنّي
إحتمال الغِنوَه تِقْدَرْ .. ع التفاوض
أو تزيلْ خِلافات عادِيَّه 00
أو .. نقول خلافات غبيّه
ما اللي يِبْعِدْ عَنّي اخويا
بالأكيد خلافات غبيّه 00
رَفِّة الريشه بتاخُدْنا
للأمان .. رغم الأسِيّه 00
رغم مُرْ الغدر / ساطِعْ بين ولادي وبين عِنيّه
في فلسطين الأبيّه
والعراق
أو بلادنا الإسلاميّه 00
يا حمام رفرف علينا
بَدِّلْ الغنوه الحزينه
تِرْجَعْ الأفراح تِزورنا
واوعى تِنْسى السمسميّه

***

تحية مباركة لجميل إبداعك وحضورك أخي الفاضل عيسى عدوي

دمت بكل خير

	مهما طال الليل وطول والمصايب رايحة جايه والزمن غزَّاله تغزل للفرح ثوب وطقيه بكرة تتبدل أمورك والفرح يجي يزورك يزرع الضو بحضورك في منار اسكندريه وفي المسا ع الشط تاني بالأغاني يحلا لحن السمسميه

[د. حورية البدري]

البلاد مِشْ هِيَّه هِيَّه
فيه اختلافات جوهَرِيَّه
في الشوارِعْ
والمَساكِنْ
حتى في الزَرْعَه الندِيَّه

والسَفر فيه الفوايد
لو لِوَجه الله طريقنا
ح نلاقيه في كل مينا
والمَداين
والسفينه
نِرْسي ع الشَطْ المِآمِنْ
باللي وَصّى بيه نبينا

يا حمام رفرف علينا
كِلْمِةْ الأحرار منارهُمْ
تِمْحي ظُلُمات الرَزِيَّه
يا حمام السمسميّه

***

دمت بخير وسلامه أخي الفاضل عيسى عدوي
ودام جميل إبداعك

تحياتي

[علي كامل]

المشاركة الأصلية كتبت بواسطة د. حورية البدري

يا حمام السمسمِيَّه
فين أغانيكْ الشَجِيَّه
اللي قالها البورسعيدي
والغريب في سويس بلدنا
ياللي غَنَّيت الأغاني م الصعيد لاسكندريَّه
فين أغانيك الشَجِيَّه ؟! 00
...
فين غُنا الكابتِنْ غزالي
اللي نوَّرْ للساويسَه
لَمّا طَفّى النور صهاينه 00
نور كلامُه لِسَّه بينَوَّرْ قُبالي
في فلسطين والعراق اولاد بلادنا
قالوا فين رَفِّة جناحَكْ 00 يا حمام السمسميَّه ؟
فين ولاد الأرض ناسَكْ
والأغاني
ليه ما بِتْرُدِّشْ عَلَيَّه ؟
...
صوت حماس الحُرْ جاني
يسأل الدنيا اللي ع الغلبان عَفِيَّه
عن حمام السمسميَّه
ليه غريب في بلاد أبِيَّه ؟
واللي مادِد فرعُه شوك طالِعْ شيطاني
ضَلِّمْ الدنيا ف عِنَيَّه
...
يا حمام وحياة نبينا
تِلْتِفِتْ وتعود إلينا
واحنا – رغم الجَرْح فينا –
لا نلاقيكْ بالسمسميّه
عود لأرواحنا الشراقي
واوعى تتأخر عَلَيّه

جميل اختي العزيزه ألدكتوره حوريه البدري هذه القصيده اللتي استوقفتني قليل
لجمال الشعر العامي المصري وملوحه كلماته ورقتها وانا بنتضار ماهو جديدكِ

علي العربي---

[د. حورية البدري]

مرحباً الأخ الفاضل علي العربي

أشكر طيب كلماتك عن مَلاحة الشعر العامي المصري

وإلى لقاء أدبي طيب بك بإذن الله

دمت بخير

تحياتي

[عيسى عدوي]

المشاركة الأصلية كتبت بواسطة د. حورية البدري

البلاد مِشْ هِيَّه هِيَّه
فيه اختلافات جوهَرِيَّه
في الشوارِعْ
والمَساكِنْ
حتى في الزَرْعَه الندِيَّه

والسَفر فيه الفوايد
لو لِوَجه الله طريقنا
ح نلاقيه في كل مينا
والمَداين
والسفينه
نِرْسي ع الشَطْ المِآمِنْ
باللي وَصّى بيه نبينا

يا حمام رفرف علينا
كِلْمِةْ الأحرار منارهُمْ
تِمْحي ظُلُمات الرَزِيَّه
يا حمام السمسميّه

***

دمت بخير وسلامه أخي الفاضل عيسى عدوي
ودام جميل إبداعك

تحياتي

	الحدود مابينا صنعة والبضاعة اجنبية والبلاد كانت بلادنا والملامح يعربية جانا يوم ضعفت قلوبنا والطمع زغلل عنينا والديابة استعمرتنا والظلام خيم علينا لكن الشمس اللي كانت من زمان عايشة في قلوبنا إبتدت من تاني تلمع والشعاع كان من عنينا ... والظلام من تاني سافر والحدود في الرمل فاتت والمطر نازل علينا يمحي أثار التعدي .. والمراكب والسفاين في الكنال راجعه تعدي والغنا واللحن تاني يا حمام السمسمية