قصيدة : تيران !!!

[د هاني ابوالفتوح]

تيران !!!!
طارتْ هِربت راحت مِنا
في غمضة عين
بعد ما كانت بيننا
بقالها سنين
نحمي الأرض
نصون العرض
نشيلها ف نن العين
..........................
وندرسها كمان في كتبنا
ونخليها مَحْمِية
نزورها مع حبايبنا
ونقول قلب بهية
ونعيش طول العمر فداها
اللي يصيبها يصيبنا
وبدمنا مَرْوِية
بس صحينا من نومنا وقمنا
في الصُبْحية
قالوا ما بقتش نصيبنا وسبنا
خرابة في وسط البحر
هناك مَرْمِية
......................
كانت بس أمانة
انسوها وعيشوا حزانى
وانسوا الكتب اللي درستوها
خلوها قراطيس دُكَانة
بالذمة أمانة عليكو
هي محل بقالة
ولا حتة في حارة
ولا إزازة في حانة
...................
عمر بحاله يعدي علينا
وليها الف مكانة ومكانة
في ثانية بكلمة بشرطة
نوقع نبصم هنا في الخانة
انها طارت هربت
راحت طفشت
بس لو سألوها تقول
والله .. هواها هوانا
شعر : د هاني أبوالفتوح