|
|
منتــدى الزجل والشــعر العــامي والنبـطي لطالما كان الزجل والشعر العامي قريباً لقلوب الناس و فكرهم، فله منا نصيب ... |
مواقع النشر المفضلة (انشر هذا الموضوع ليصل للملايين خلال ثوان) |
|
أدوات الموضوع | تقييم الموضوع | انواع عرض الموضوع |
04-08-2022, 01:25 PM | رقم المشاركة : 1 | |||
|
عن الفراق: قلت الوداع، وجاوبـت دمعـة العيـن
قلت الوداع .. وجاوبـت دمعـة العيـن تجـرح .. بساتيـن الخـدود .. النديـه وأغضت .. وشفت بعينهـا الحزن .. حزنيـن وصاحت .. على الفرقا … أنـا مـو قويـه وجاوبتها .. أرجـوك .. تكفيـن .. تكفيـن والله دمعك .. يشعـل النار .. فـيّـه وقالـت .. تعاهدني عـهـاد المحبـيـن الله يخـون .. اللـي يخـون .. بخويّـه قلـت ابشري .. واللـي خلقـك لا تظنيـن حرام .. ما غيرك .. عشقـت .. آدمـيـه وقصّت شعرها .. قلت انـا .. وش تسويـن قالـت: أبـي .. مـن غرتي .. لـك هديـه ونادتنـي الغربه .. علـى الهـم والبيـن أحسّــب الأيـااااام .. روحـة .. وجيّـه وفي كـل ليلة .. يرتسـم بيـن رمشيـن خيالها .. بيـن الـرمـوش .. الشقـيـه غربة سنة .. فـي ذمتـي غربـة سنيـن متى علـى الله .. يلتقـي الحـي .. حيـه خلاص .. هانت .. مابقـى غيـر يومـيـن خـلالالالاص .. قفّت .. غربـةٍ جرهديـه ورجعت .. شوقي في خفوقي .. براكيـن ورجعـت انـا .. كلـي لها .. جاذبـيـه وسألت ما ردّوا .. وانا اصيح هي .. وين !!! وكلٍ نثر .. مـن داخـل العيـن .. مَيّـه وفـي معمعـة حزني .. تلقيـت رمحيـن قالـوا توفـت .. غافلتـهـا .. المنـيـه وفـي غرغرتها .. ماذكرت .. غير حرفيـن نطقتْ باسـمـك .. شـفـاه البنـيـه وتزاحمـت فـي داخلي .. ألـف سكـيـن والحزن .. يطويـنـي ثمانيـن .. طـيّـه صدمه .. وجابتنـي على الارض .. نصفـيـن وشلـون راحـت دون .. ذنـب وخطيـه تكفون .. دلـونـي على القبر .. هالحـيـن مـاعـااااد فيـنـي للصبر .. مقـدريـه ووقفـت اطالـع قبرها .. بيـن نصبـيـن وجلست .. اضـم أغلـى النصايـب عليّـه واصيح .. وش بك يا غلا .. مـا ترديـن اشتقـت .. همس .. إشفاهك .. النرجسـيـه وش فيك .. جيت من السفر .. مـا تهليـن ماهي بلك عـادة .. ولا انتـي .. رديـه وحاولت في لحظة جنون .. أجـرح الديـن وازيـح تـربـة قبرهـا .. فـي يـديّـه وبالغصب شالوني .. حشـا تقـل مسكيـن واصـرخ بهم .. والله .. والللـللله حـيّـه اقفت .. وتاهـت بـي جميع .. العنـاويـن والحـزن يلعب .. داخلـي .. سامـريـه ورجعت لـدروب الشـقـا .. قبـل عاميـن مدري مـن اللـي صـار .. فينـا ضحيـه |
|||
13-11-2022, 04:01 AM | رقم المشاركة : 2 | |||||
|
رد: عن الفراق: قلت الوداع، وجاوبـت دمعـة العيـن
بعد التحية الطيبة..
|
|||||
أدوات الموضوع | |
انواع عرض الموضوع | تقييم هذا الموضوع |
|
|