خالتي زكيه

[سيد يوسف مرسي]

خالتي زكيه
شفت أمبارح محدش قلي
خالتي زكيه بتقول يا للي
رحت أشوفها وجعت قلبي
نازله تولول و شايله صينيه
جايبه في أيدها بنت صبيه
بدها صوره تكون في الشات
وترفع شكوى على الرجلات
إيه الحكايه يا ست زكيه؟
خايفه ليصحوا ويبقوا فئات
لينا جمعيه مش طعميه
بنااقش فيها أمر الحرمه
ونعمل نشره لكل جهات
عامله حسابها وعمال تصرخ
ليها فرمان للستات
أول بند لخالتي زكيه
بدنا راجل له شنبات
عنده عزيمه ويقضي حاجتنا
ويقول فمه يعني سكات
جتها نفيسه وفتحت بابها
ونفشت ريشها وهزت رأسها
وحكت جسمها بالجناحات
دارت ولفت وحدفت عينها
وراحت ترسم على الستات
قالت :_
أما غريبه أمر الدنيا
باسم الدين أصبحنا أداة
يجي الراجل قبل ما يشطح
ينفش ريشه ويعمل تعلب
على فتكات
جايز بكره تبقى جنازته
ويصير ميت مع الاموات
بدنا منصب وحاكم عادل
يدي الحرمة حق يبات
ليه مانفعشي وابقى وزيره
أحكم وأرسم وعندي الصوره
وقاضي وعدل ماليه فاتوره
عندي القدره وحاطه القدره
وحكمنا نافذ يالا بنات
بدل الزيطة والبغبيطة في الانتخابات
ولا تعبنا من صنف الراجل
لو سبناه نموت بسكات
عايش يلعب وعامل ملعب
معارف رأسه من رجليه
أسالوا جاري غلب حماري
وست نفيسه وعدنا طاهر
وبنته نقيه وخالتي نجاه
مين اللي بيحكم ويقدر يصبر
الرجاله ولا الستات ؟
لما الراجل قبل ما يفهم
واخد الدنيا بالدرعات
كلمه ونص قبل مايحكي
روحي يا شيخه ماليك قعاد
يجي من بره كاشف القرعه
معرقص قورته وراشش وشه
بالمبيدات
ويارب قشره ومكتف مخه
بحبل تلات

واخد الحبه وسائل جفونه
وقبل ما يحكي يروح فثبات
مش تبقى جريمه لو سبناهم
يلعبوا بينا لعبة فات
اللي خالقنا تكفل بينا يا ستات
طب وحده تقولي وتيجي تنصحني
سايب مراته وغازي ستات
طالع يبص داخل يبص
نازل يزقمر ويقول صافيناز
ربنا ياخده قبل يهرب
على غندوره فيها كرونه
ساب الملايه وبده سعاد
طالبه شعرها وكاشفه الركبه
وطالعه تهز كيف الوز
وبدها تشرب كاس بينز
من ما عرفته طفش عيشتي
أشكو لابويا يقول معلهش
أشكو لأمي تقعد تبكي
وتوجع كبدي قبل ما تحكي
ٱدي زكيه
وادي عتريس
بقلم : سيد يوسف مرسي