يامال الشام يالله يامالي
طال المطال ياحلوة تعالي
طال المطال طال وطول
حلوة بتمشي تمشي وتدلل
يارب يرجع زمن الأول
يوم يالطيف ماكان على بالي
*****
يلي عليك ِ كتر الدلال ياحلوة انزلي
مابنزل مابنزل
ياماما مابنزل
إلا بحلق الماس
والماما تفتل تفتل
والبابا يروح يشتري
****
عالصالحية وياصالحة
ياجبنةطرية ومالحة
جبلي وجبلي
ياماما جبلي
حلق الألماس
ريتوا يلبقلي
حكيتوا شي
لاوالله
زعلتوا شي
لا والله
وأنا لعندو
رايحة...
دمشق ياعرس الصبايا الملاح،يالمة الحبايب على فنجان قهوة الصباح حول بركة في أرض الديار المعطر بأزهار النارنج وعرائش الياسمين التي أبت أن تزهر إلا من أجل دمشق..