 |
منتديات مجلة أقلام
(http://montada.aklaam.net/index.php)
- المنتدى الترفيهي
(http://montada.aklaam.net/forumdisplay.php?f=13)
- - سؤال مهم ؟
(http://montada.aklaam.net/showthread.php?t=50006)
سؤال مهم ؟
صباح الخير
ربما موضوع خارج عن إطار شخصتي , وكل منا سيراه من زاويته , لكن الأجوبة ذات دلالة كبيرة للكشف عن صاحبها . ( شو بس أميرة بتسوي اختبارات ) ! لو كنت رايح ع اجتماع مهم كثير , وفي آخر لحظة اكتشفت أنه إحدى إصابعك طلّت من رأس الجورب , شو بتسوي ؟ |
رد: سؤال مهم ؟
يعني
يعني اول شي مسا الفل أ عبد السلام تاني شي الحذاء شو بعمل ؟؟ مفروض يستر عالموضوع .. إلا إذا صار وقت الصلاة وهون بنكشف المستور أنا شخصيا بعمل نفسي مش منتبهة ويسعد مساكم |
رد: سؤال مهم ؟
صباح الفل يا سلمى
ههههههه , جوابك ضحكني كثير , بس ما رح علق لحتى ما نكشف الموضوع . رائعة أنت ياسلمى . |
رد: سؤال مهم ؟
صباحو خير عبد السلام العزيز وسلمى الغالية اللي هلأ أكيد بتحكيلي تلج عنا علا منشان تُــمكُـتني !
ولكل اللي سهرانين مساكم نور ، هو ما حتعرض لهيك موقف ! شنو ما بطلع بجوارب اصلا !!! وبالشتا بلباس جوارب صوفيه ثقيله وبالضروره جديده ، بئرف منهم حتن لو مغسولات فباستمرار بستهلك جوارب كتير كنت رغم انو بندون رائحه بس خلص بيئرفو بحسهم ! بس بصراحه عندي جوارب مفضله باستمرار بالبيت بلبسها هيك شكلها وغالبا لونهم اصفر او هيك متل هدول مشكل : http://www.alm5zn.com/upfiles/WBy54300.jpg ، هلأ فرضا اجت عندي حد تزورني وطلع ؤصبعي من الجرابه صعب اي شي يحرجني عفكره بعرفش ليش بهيك امور يعني عادي انا نفسي حعلق ححكي مثلا : ييييييييييييي انخأ جرباني وحفرط دحك ع حالي عفكره ! وحشلحو اخيطو وهي عندي عادي وارجع بلبسو وان كنت بره نفس الشي حعلئ وادحك واشلحو انو عادي شو فيها ! لمن يكون حاله استثنائيه ببين اما لو اهمال وبيكون وصخ ببين برضو ، هون عيب وشي بيخجّل بيكون الجرابه مبين مستهلكه فانو مو حلو هيك كتير مهم الانسان يكون نضيف ومرتب وبيتابع انو تكون ملابسو جديده ومناسبه ئد ما فيه بس شو هالسؤال عبد !!! |
رد: سؤال مهم ؟
طل ّ القمر
صباح الفل يا علا ههههههههه , ضحكتيني كثير والله . |
رد: سؤال مهم ؟
مسا الخير أستاذ عبدالسلام ....
فعلا هو سؤال مهم .... مممممممممممم كثير من الأوقات كنت أشعر إنو الجرابات مخزوقة وكنت أحرّك أصابع رجلّي علشان أتأكد من صحّة هالشعور والمشكلة إنو حركة الأصابع التأكديّة هاي لا تؤدّي إلّا للمزيد من الشكشكة في احتماليّة فاجعة أن تكون الطآمة قد وقعت ..... والمشكلة الكبرى مثل ما حكت الأخت ( سلمى رشيد ) اذا كان في صلاة .... يا حبيبي ع الفضايح وهون لازم تعرف إنو الإحراج يتولّد لمّا الناس يكتشفوا الموضوع وخاصة عند الركوع يعني بتشعر إنو أول شخصيين ع اليمين وأول شخصيين ع الشمال مركزيين بجراباتك المخزوقة رغما عنك وحتّى دون علمك ..... أنا شخصيّا ً إذا خلعت الحذاء واكتشفت هاي المصيبة فورا ً أقوم بخلع الجورب وأعمل حالي مش هون .... تحياتي أستاذي الكريم .... حمـــــــــــــــزاوي |
رد: سؤال مهم ؟
هههههههههههه , يسعد مساك ياحمزة
رائع , هههههههه طبعا ً التقييم بعدين ( ههههههههههه ) والله ها الموضوع ضحكني كثير اليوم , رغم الألم شكرا ً ع ذوقك يا حمزة . |
رد: سؤال مهم ؟
يسعد مساكم جميعا
والله يا علا التلج ما وقف من المغرب وانقطع عنا البث في التلفزيون . من شوية بدا يرجع ما بدنا نخرج عن الموضوع الحلو مساكم فل ولنشوف باقي الآراء وشو مخبيلنا أ عبد السلام |
رد: سؤال مهم ؟
عبد مره اخوي احمد كان ئاعد هوي وصحابو وهنن كل واحد تبارك الله بيفصّل مني تلاته رغم اني ضخمه يعني ضخام جدا بس يا عمي ازغر مني بـ 11 سنه!! فبضل برضو بشوفهم زغار ! مره ئاعدين تحت دالية اهلي ، جيت من الشغل أنا كلهم شالحين من رجليهم ويا الله شو دفشين ومعشفئين وفوضى ئاعدين ع الأرض ئعده عربيه دخان وحالتهم حاله فالمهوم جراباتهم لان رجليهم دفشه مو حلوين منظرهم كلو بئرف ومسحسلات ومايلات فوضى ! فشو بحكيلهم لا شعوري يئطعكم متل الأرانب ريحتكم ئومو البسو برجليكم خنئتونا ريحتكم للشارع ! طبعا هنن متعودين علي كل ما بشوف واحد فيهم بينطس بهدله فشو بتتخيل عملو ؟ مو كلهم كبار وحالتهم حاله وانا مجرد كلمه زتيتها وضليت داخله واساسا بحوبهوم كتير وبحبو هوي كنو ابني بحبهم وبمزح مو اكتر بس ما بدحك ولا بتطلع عادة فيهم !! كلياتهم ئامو لبسوا برجليهم هههههههههههههه شو يا حرام زعلت منشانهم خجلو فكرو بجد الهم ريحه ! ريحة دخان كانت مو جرابات ! |
رد: سؤال مهم ؟
والله يا سلمى أنا نعست وكمان جوعان , ولحالي بالبيت , مستني مرتي تخبرني منشان أجيبها هي والولاد , كنت حابب كمّل السهرة الحلوة معكم بس أنا انطفيت , والمخبا بعدين يا سلمى .
تصبحو على خير . |
رد: سؤال مهم ؟
اقتباس:
معلش ما دام البيت لعبد السلام فبمون عليه بعرف لانو هوي بيمون علي برضو بعدين خلينا شوي نمزح بالمنتدى ، فرصه انو بالترفيهي مو !؟ يلا صباحكم فل وابتسامة قبلاااااات سلمى |
رد: سؤال مهم ؟
ههههههههههه , الله يسامحك يا علا
يا حرام بهالعمر الشباب بيخجلو كثير , معقول أساوتك ياعلا ؟ هههههه |
| الساعة الآن 01:38 PM. |
Powered by vBulletin® Version 3.8.3
Copyright ©2000 - 2026, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط