 |
منتديات مجلة أقلام
(http://montada.aklaam.net/index.php)
- المنتدى الترفيهي
(http://montada.aklaam.net/forumdisplay.php?f=13)
- - تعال وله !!!
(http://montada.aklaam.net/showthread.php?t=4877)
تعال وله !!!
حوار عادي بين افراد عائله :cool:
الأب مخاطب الابن : تعال وله الابن و بكل براءة : نعم الأب :نعامة ترفصك ... تعال وله الابن : ليش شو سويت؟ الأب : سواك ضريب يخلع رقبتك الابن : شو فيه؟ الام : شاوي يشوي عضمك ....رد على ابوك بأدب وله الابن : هوه انا حكيت شي؟ الأب:حكحكوا جنابك بالعصايه اوقف عدل يا حيوان الابن : حاضر الأم :يحضروا على قبرك انشالله ... لما ابوك يحكي انت بتخرس الابن :أخرس؟ الأب : ايوه ان شالله خرسه الابن: ماشي الأم: اجاك مشش بركبك ما تقوم منه انشالله الابن :مشش ؟؟؟ شو هاذا المشش؟؟ الأب: اما انك قليل حيا ...وبترد على امك كمان ؟ هات العصاي وتعال وله الابن: انا رديت على امي ؟ يمّـه احكي كلمه الأم: موا يمزع نيـعـك وله ....حكيتلك اخرس الابن الان اصبح مغلوب على امره ومش فاهم ايش الموضوع وصمت ولم يتكلم !!! الأب: أما جيل قليل حيا...احكي وله ... مالك انخرست الابن : شو احكي؟ اذا حكيت بتقولوا عني قليل حيا وبتشوفوني غلط الام :حيه الي تقرصك انشالله ... قلتلك تأدب وانت بتحكي مع ابوك الأب : ايش "بتشوفوني غلط" هاي ... شايفنا عميان ولا حول ؟ الابن : لا اله الا الله الأم : الله يوخذك انشالله .... يا ريتني خلفت ابن الجيران ولا انت الأب: انا مش عارف هاذا الولد متى بده يصير زلمه...دايما فاظحني بين الرجال الابن: طيب شو اعمل عشان تشوفني زلمه ؟ الأب: قلتلك اخرس وله الابن: يا الله ... يا الله ... يا جماعه شو مالكوا ... شو فيه ؟ الأم: اه صحيح انت ليش ناديت عالولد يا زلمه ؟ الأب :بتصدقي يا مره اني نسيت.... نساني شو كنت بدي منه ابن ال.. الاب : خلص روح ارجع على غرفتك يابا . |
والله ضحكتني ايهاب
ايش هل الورطه مع الام والاب ههههههههههههههههه |
فعلا ضحكتني بس هادا حوار قديم باين عليه لانه في حوار مودرين هالايام وهادا من تأليفي
الاب: وينك يابا تعال هون الابن : شود بدك نعم نعمين الاب: قاصدك في خدمة الابن : ما اكتر خدماتك حليت هلقيت الخدمات ورايا ماتش كورة الام : سيبك من هالولد يا زلمة خليه يروح يلعب بدك تشغلي فيه الاب : والله ما خربوا الا انتي الابن : طيب خلصني شو بدك الام : انا الي خربته قول لحالك الاب : روح يابا على عمك قول اله ... قاطعته الام : شو نايبنا من عمه الابن: انا بكره الارض الي بمشي عليها عمي الاب : خلصنا يابا بروح انا الابن : الله اكبر كل هالتأخير وفي الاخر ما في اشي الام : معليش ياما اتحمل ابوك بضلوا زلمة كبير وهادا الواقع الي في كتير من البيوت اليوم |
والله يا ايهاب فاصل رهيب من التوبيخ ولكن منطقي في مجتمعات جاهلة تؤمن بالنعيق وبالعصا.. محبتي القلبية.. |
ههههههههههههههههههههههههههه
حرام الولاد شو بينظلمو ههههههههه مشكور اخي ايهاب |
مشاركة: تعال وله !!!
حلوةةةةةةةة هههههههههه
شكرا د. عنجد حلوة فرجيتها لأهلي كيفوا عليها هههههههههه |
مشاركة: تعال وله !!!
أخي إيهاب ..
ماذا يفعل الولد المسكين وسط عائلة لا تتفاهم إلا بهذه الطريقة .... من الحوار باين أن الولد هو الوحيد الفهمان ومؤدب ...... بس الله يعينه |
مشاركة: تعال وله !!!
شكراً لك دكتور إيهاب على هذا الحوار الي بيضحك
وبيحزن في نفس الوقت بس صح أحنا العيال دايم نعاني من الظلم بس الحوار الجديد الأم : يا زوجي أبي أطلع قوم ناد لي السواق الأب: وش هذا يا مرأه ما عندك ولد كل على هذا الرجال الأم : طيب ناد ولدك وقوله أنت الأب : طيب روح ياولد وطلع السواق من غرفته الأبن : بابا والله هذا السواق ما يسمع كلامي الأب: أنت روح قوله بس وإذا ما رضى تعال قولي وأنا أوريك فيه الأبن : حااضلر يا بابا راح أقوله الأبن بيروح السواق ما ترضى يطلع الأبن : بابا ما رضى يطلع الأب: وش قلت له الأبن: قلت له أطلع ما رضى قلتله أطلع يا حمار الأب : والله أنت الحمار والله ظلم يا جامعة |
| الساعة الآن 12:04 AM. |
Powered by vBulletin® Version 3.8.3
Copyright ©2000 - 2026, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط