 |
منتديات مجلة أقلام
(http://montada.aklaam.net/index.php)
- منتدى الأسرة والمرأة والطفل
(http://montada.aklaam.net/forumdisplay.php?f=51)
- - مطبخ عـُلا
(http://montada.aklaam.net/showthread.php?t=47058)
مطبخ عـُلا
السلام عليكم ورحمة الله وبركاته ؛ يعني ما حد أحسن من حد ! كل شوي بقرأ : مطبخ ام زهدي .. مطبخ ام العيال .. مطبخ ابو عباس ! حكيت خليني الم طبخاتي بصفحه انا كمان واحكي : مطبخ علا !! ، كل ما اطبخ طبخه بدي انزللكم الطريقة والصور ولأني من فـتره بصور فعلا طبخاتي حدرجهن هون تباعا واي حد بيحب يشاركنا بطبخه لا يبخل علينا ويعلمنا يجزاه الخير ، يلا بسم الله بنبدأ الملفوف : http://im16.gulfup.com/2011-09-30/1317448595551.jpg المقادير: ملفوف توم رز بهارات مشكلة ، فلفل اسود ، ملح ، كمون ، عصفر ، ئرفه شوي ، هيل مطحون ، ماجي ، نعنع ناشف لحم مفروم خشن بئدونس ، فلفل اخضر حار وبار ، بندورة ، بصل زيت زيتون ، زيت مازولا الطريقة: بنسلؤ الملفوف تيطرى مو تينصهر بنضل وائفين عند هالطنجره نتفئد كل ما ورأ سار كويس بنئيمو في ناس بتسلوؤ ورئه ورئه انا بحطها كامله بالطنجره بعد ما بالسكين بئوم هادا اللي هو راسها انداري شو ؤسمو http://im16.gulfup.com/2011-09-30/131744859572.jpg بعد ما كون ئطّعت المربعات للحشو اللي بيزيد ضلاع بحطهم تحت بفردهم ، وعليهم التوم والفلفل والبندورة http://im16.gulfup.com/2011-09-30/1317448595853.jpg الحشوة: الحشوه هي الرز المصري ، واللحمة ، والبئدونس ، وزيت المازولا البصل .. في ناس هو والبئدونس ما بيحطوهم متل امي يعني وخواتي انا بحطهن حره انا الملح والبهارات كلياتها .. http://im16.gulfup.com/2011-09-30/131744859524.jpg ببدأ الف بهالطريئه بفرد الرز طولي .. وبحشيها كويس بلف وبرتب الجوانب http://im16.gulfup.com/2011-09-30/1317448595455.jpg وتسفيـــــــــط بالطنجره بس خلص الكمية بفرد كمان ضلوع ملفوف فوئ وبرش نعنع ناشف وزيت وملح وفلفل اسود مطحون بغطيها بماء صخن فيه ماجي او ميت دجاج ئديمه انا بحط باستمرار ماء الدجاج بتغلي .. بحط صحن تيضغطها ويغطيها عنار رايئه تتستوي شي ساعه ونص حسب بتضلي تتفئدي بعد الساعه وربع انتي http://im16.gulfup.com/2011-09-30/1317448596186.jpg مع سلطة خيار بلبن نحنا بنحوبها صحتين عمي http://im16.gulfup.com/2011-09-30/131744859657.jpg |
رد: مطبخ عـُلا
ورق عنب وكوسا ، http://up.arab-x.com/Aug11/tYI41481.jpg المقادير : كوسا وباتنجان ورق عنب بندورة رز مصري فلفل حار اخضر فلفل بارد اخضر بئدونس ملح وبهارات مشكلة وفلفل اسود مطحون ليمون زيت زيتون لحمة ئطع ماء ماجي ، الطريقة : بالنسبة للحشوه : رز مصري بندورة مفرومة ناعم + فلفل اخضر حار وبارد مفروم ناعم ملح وبهارات بئدونس مفروم ناعم برضو وزيت ولحم مفروم خشن ، بنحفر الكوسا والبتنجان وبنحشيهم ئبل الورأ وبنحط بئاع الطنجرة اللحمة الؤطع بنرصها تحت طبقة كاملة بعدين طبقة من بندورة دوائر وليمون وماجي بنلف ورأ العنب متل اللي بالصوره الطريئه بنفردها على الئفى وبنحط بشكل سطر طويل ( مو مكوم بالنص ) الحشوة وبنئلب الجوانب وبنشد ونلف للآخر فوء طبئة اللحمه ، ثم البندوره والليمون بنفرد طبئه كامله ورأ عنب بعدين كوسا وباتنجان بعدين ورأ عنب هيكت طبئات فوء بعضها وبالآخر الورأ اللي زاد بنغطي فيه الوش تاع الطنجرة وبنرش على وجه الطنجرة : ملح ، زيت زتون ، ليمون وبنحط مي دجاج عنا ان في بالتلاجه او مي عاديه مملحه ومبهره انا عندي كان مي جاج فحطيتها بنخليها تغلي وبعدين عنار هاديه شي ساعتين تلات وصحتين وهنا http://up.arab-x.com/Aug11/55P41481.jpg |
رد: مطبخ عـُلا
الششبرك المقادير : ( هاي بتكفي شخصين ) كاستين طحين .. كاسة مي مو ملانه فيها مدوبه نص معلئه زغيره ملح ، هاي العجينة 4 سنون توم متوسطات الحجم مبشوره ناعم ، شوية كزبرة أو بئدونس مفرومه ناعم ، هاي التئلايه 6 علب لبن رايب كامل الدسم ، معلئتين نشا تاعات الأكل مضروبه ع المولينكس ، هاي اللبن ونص كيلو لحمة ، بصله كبيره مفرومه ناعم عليها فلفل اسود وملح فقط وانا بحط هيل مطحون هاي الحشوة ~~~ الطريقة : هلأ بنحط الطحين وبننخلو بالمنخل ، وبنبدا نحط المي شوي شوي بدنا العجين تكون صلبه شوي لكن مو يابسة انا كيف بعرف انو سار تمام الوضع ؟ بس الجاط اللي بعجن فيه يسير كأنو ولا انعجن فيه نضيف بيلمع بتسير العجين تنضف عحالها ! متل هالصوره : http://www.neilshare.com/upfiles/f4442906.jpg بنغطيها بنايلون وبنتركها ربع ساعه ترتاح ، بعد ربع ساعه بنرجع نعجنها وبنخليها برضو ترتاح ربع ساعه تانيه . ~~~ بنفرم البصله ناعم ، وبنحط اللحمه تتنشف تماما عنها المي وطبعا بنضيف الفلفل والملح متل الصورة : http://www.neilshare.com/upfiles/g7442906.jpg ~~~~ بتفرد العجين على مكان نضيف مرشوش بطحين وبترئئها كتير ئد ما فيك وبتئطعها بفنجان ئهوه وبتحشيها بمعلئه زغيره لحمه بتعملها هلال وبتشئلبها على بعض تتطبؤ من الناحيتين على بعضيها بترصها بصينية مرشوشة طحين ، وبتحطها بالفرن تتنشف شوي بندون ما تتشوى او يتغير لونها الغايه بس تنشف تماما . http://www.neilshare.com/upfiles/zkm42906.jpg http://www.neilshare.com/upfiles/bv542906.jpg http://www.neilshare.com/upfiles/35j42906.jpg ~~~ هلأ بتغلي اللبن على الغاز بعد ما تكون حطيت النشا وبتسئط بس بيغلي تمام الششبركات وبس تلت ساعة يغلو على بعض بتحطي التئلاي شوي تتئلب مع اللبن وصحه شباب http://www.neilshare.com/upfiles/ero42906.jpg http://www.neilshare.com/upfiles/yax42906.jpg |
رد: مطبخ عـُلا
المنسف http://up.arab-x.com/Jun11/nd483816.jpg http://up.arab-x.com/Jun11/VXH83602.jpg متل الصورة : بنغسل لحمة الخروف بالمي بعدين بالخل والليمون كويس بعدين بالماء .. بتغلي وئشط كل الؤصص السودا اللي بتطلع فوء من دسم اللحمه استغفر الله تنئشط كلياتها تماما .. http://up.arab-x.com/Jun11/H4k83602.jpg بنحضر في الصحن : ملح مع ورأ غار وؤرنفلات وهيل مطحون وعادي وئرفة ونعنع منشف او عادي ، فلفل حار ، بهار مشكلة مع فلفل اسود وايضا ماجي ، بصلة ، هادا كلو تيغطي ع الزفر استغفر الله ، بنخليها تنسلئ تماما .. بننشلهاوبالمصفاي المي تتصفى استعدادا للجميد .. http://up.arab-x.com/Jun11/HAf83602.jpg http://up.arab-x.com/Jun11/VB583632.jpg الرز مصري : عليه ملح ، نئعو شي تلت ساعه ، غسلو اربع مرات تيروح لونو الابيض ويصبح شفاف معلئتين سمنة .. بتدوب بنكب الرز والملح وبنئلب ، بعدين المي بس يغلي بنوطيه تيستوي http://up.arab-x.com/Jun11/EGH83602.jpg الجميد الكسيح .. وان جميد عادي ، الرايب بنخلطو بالخلاط بندون اضافات .. طبعا لؤدام المكسرات وزغيره ملعئة ملح ليمون آخر غلوة الجميد http://up.arab-x.com/Jun11/Gvk83602.jpg http://up.arab-x.com/Jun11/TJT83632.jpg بنفضي الجميد ، تحريك طبعا دائم ، ثم مية اللحمة ، عالنار بنضيف اللبن شوي شوي ونحنا بنحرك برضو ، بيسير عنا ئالب واحد بنحط ملح ليمون ، بيغلى تمام بنسئطها اللحمه بيغلو شوي وبنئيمها عشان لا تدوب كمان مره بنصفي اللبنات ، http://up.arab-x.com/Jun11/u7k83632.jpg حبتين شراك منزوعات الأطراف خخخخ شنهن بيسياطة الاطراف والمنسف بالمره ابدا لأ مو نائصو لياطه مهو مليط من دار اهلو .. بنحط ينئعن باللبن بس تينشف شوي .. بنوزع كويس الرز بالشوكة .. توضع اللحمة بالوسط ثم نقوم بوضع المكسرات ، وبــــس صحتين http://up.arab-x.com/Jun11/iAd83632.jpg |
رد: مطبخ عـُلا
كبسة الربيان http://up.arab-x.com/Jun11/N6955084.jpg البصله بتحمريها بميتها لا تحطي لا زيت ولا سمن وئلبيها تتحمر بعدين معلئة السمنه http://up.arab-x.com/Jun11/E8z43379.jpg بتحطي الفلفل الحار والحلو وبتئلبي .. بعدين التوم المبروش بعدين اللومي والبهار والورأ الغار وكلياتو يعني http://up.arab-x.com/Jun11/RN543379.jpg بتحطي الربيان بس ريحتهم مممممم تعبأ وبتئلبي بس خمس دئايئ ياخدو بعض بتحطي رب البندورة والزعفران المنئوع http://up.arab-x.com/Jun11/PAd43379.jpg هلا البندورة والماجي بعد هدلاك بعدين شوفي هالخطوه امي بتعملهاش ولا اي حد بعرفو ، انا بفضل انو تصفي المي تماما للرز ومن الخلطة تنشلي الورا الغار والئرفة والؤرنفول والهيل بلاهم مع الرز انو بتعرفي حراء طعمهم بيسير .. http://up.arab-x.com/Jun11/OEd43379.jpg بحط الرز ياخود اللون والطعم بكون فردت الخلطه المصفية بالطنجره الرئيسه وحمرتها ونشفتها بدلؤ الرز عليها وبطبخو عادي كنو مئلوبة ، http://up.arab-x.com/Jun11/APA43379.jpg __________________ |
رد: مطبخ عـُلا
بطاطا محشية http://up.arab-x.com/Jun11/NLU04918.jpg مقاديرها مبينة بطاطا زغيرة لحمة رز خضار مشكل ( بازيلا وجزر ) بندورة وكم شغله تانيه هلا ببينو بالطريقة http://up.arab-x.com/Jun11/Izn04918.jpg بتصفي اللحمة المفرومة خشن ميتها ، بنحمر البصلة وبنبدا نضيف عليها تدريجيا الفلفل بنوعيه ، http://up.arab-x.com/Jun11/wOy04918.jpg التوم ، البهارات والملح البندورة والبئدونس والصنوبر . جهزت الحشوة اليخني مبينة لازم نحكي بندورة ، فلفل ، توم ، ملح وبهار ، ماجي ، بصلة زغيرونة ، رب البندورة وتخففوهاش بمي خلص اليخني http://up.arab-x.com/Jun11/jAI05062.jpg بنحفر البطاطا وبنحتفظ بالراس تنسكرها بعد الحشو وخلوها الحشوة تكبوهاش حرام بعدين بحكيلكم شو تعملو فيها وبنحشي هالبوتيتووز وبنسكر تمها http://up.arab-x.com/Jun11/4GO05062.jpg بنئلي البطاطا بالزيت ، وبنصفيها .. بنحطها بالصينية وبنحط عليها اليخني بعد ما غلي بنخليهن يطبخن ويلعبن سوى سوى بالفرن نصف ساعة ثم تحمر عشر دئايئ خلص ؟ http://up.arab-x.com/Jun11/r4n05062.jpg الرز مبين كمان غسيل وونئع وئلي وسلئ وآخر آخر اشي بنضيف عليه الخضار اللي سلئناها عجنب وملحناها اساسا http://up.arab-x.com/Jun11/SE804918.jpg ، http://up.arab-x.com/Jun11/w2005062.jpg الحشوة هاللي شلناها لشو تنكب بالله بصلة ، وبهارات ، وبندورة ، وان زاد حشوة من اللحمة تنئلى بزيت بتشهي بتطلع لفطور ولا عشا ولا غدا حتن |
رد: مطبخ عـُلا
أهلا بك علا وشكرا لتلبيتك الدعوة تسلم الأيادي يا ست علا الظاهر انه أبو الأولاد محظوظ جدا فيك على كل أنا من المتابعات الآن وأتمنى أن تستمر هذه الزاوية بالظهور ليكون لها محل ثابت في منتدى الأسرة والمرأة والطفل حياك الله مرة أخرى وجهودك مشكورة عزيزتي لي عودة إن شاء الله |
رد: مطبخ عـُلا
حاضرين للحلوين يا اميمة وخيرك سابئ انتِ
وانما الشكر هو لجمالك غاليتي وحضورك المحبب وانا وان ما بضمن حالي بشلن ! الا انني اعدك ان شاء الله ، سأستغل الصفحة هنا ما استطعت حياك وبياك يا وردة اقلام الاجمل شكرا جزيلا للطفك الدائم ، وانت فعلا بتباشري عملك باجمل صوره الله يبارك بجهودك ، شوفي هالطبخه الفلكلورية بتعرفي الرشتاي الفلسطينية اكيد مو ؟ بسميها فيتوشيني الفلسطينية انا خخخخخخخخخخخخخ : الرشتاي الفلسطينية : http://up.arab-x.com/Sep11/uRF17495.jpg المقادير : كاسة عدس بني عجينة معكرونة مقطعة بشكل طولي ( وفيكي تعمالي العجينة بالبيت ، طحين وماء ونتفت ملح ، ترتاح وتلفيها دائري وتتئطع طولي بشكل حلقات زغيرة ) بس لشو رخيصه وكويسه من السوء بصل ملعقة سمن ماجي ، بهارات مشكلة ، ملح . الصوص : عبارة عن بندورة ، ليمون ، بصل ، توم ، فلفل حار وبارد ، زيت زيتون . الطريقة : بنغسل العدس وبنخليه ليغلي على النار بعدينا بنضيف عليه الماجي والبهارات والملح . نقوم بسلق العجين كما نسلق المعكرونة ، باضافة الزيت والفلفل الأسود والملح عليها وان بدك ماجي عادي بس ما هو كتير حيسير ! ، بنصفيها بعد ما تستوي من ميتها http://up.arab-x.com/Sep11/gJs17495.jpg لتحضير الصوص بنحط بألب الخلاط المقادير متل في الصورة في ، بعدين بنخليها لتغلي على النار غلوتين وبتتئدم باردة . البصل حمريه بلا سمن ، تياخوذ اللون الأشقر ، بعدين بنضيفلو زيت الزيتون او السمنة وبنحركو شوي ، ونزيل الكمية الأكبر للتزين في صحن جانبي .. بس يسير العدس جاهز ، بنصفيه محتفظين بماءه على جنب للطبخ . بنئلّب العدس مع البصل ثم نضيف العجينة ونخلطهم ع الهدا تما نفغصها للعجينة . بعدين بنضيف ماء العدس المغلية عليهم ، وبنضيف الماء حسب الحاجة مو سبهلله تقدير العين يعني . تنشف جيدا وتقدم مزينة بالبصل والصوص وخبز واللي بدكو ياه خخخخخخخخخخخ . وصحتين وعافية . |
رد: مطبخ عـُلا
أوزي عطرئيتي http://up.arab-x.com/Oct11/dz870507.jpg المقادير : دجاج رز بنجابي بازيلا وجزر بصل ، ثوم ، فلفل حار وبارد ، ورق الغار ، نعنع ، قرنفل ، قرفة ، ريحان ماجي ، ملح لومي ، بندورة سماق لوز وصنوبر زيت زيتون الطريقة : http://up.arab-x.com/Oct11/FPb70507.jpg نبدأ بتنظيف الدجاج وتئطيعه كالعادة ثم بننئعو بالليمون والخل وبنرجع نغسله بنحطه ع النار ليغلي ثم وبعد ازالة ما يظهر على سطحه من زفر بنحط خلطة ماء الدجاج : ملح وبهارات وبصل وفلفل وبندورة ولومي وقرفة ... بس بيستوي بنئيم الدجاج من هالميات وبنصفيها لطبخ الأرز بنئلي بصله وبنحط عليها بشويش : ثوم فلفل حار وبارد بازيلا وجزر بندورة وبعدين يا حلوين بنملحها وبنبهر وبنتركها تتستوي نضيف الأرز عليها ثم ماء الدجاج ونتركه حتى يغلي ثم على نار هادئة حتى يجهز خلص الدجاج : على النار مع زيت الزيتون بنئلب بصلة وثوم وفلفل نملح ونبهر ونضع كمية كافية من السماق نقلب الدجاج معها ثم نضعها بالفرن للشواء وللتزيين لوز وصنوبر تقدم مع اي نوع من السلطات هون مع الفتوش |
رد: مطبخ عـُلا
مسا الورد ورائحة الطبيخ الزاكي
يسلمو دياتها علا شطورة ومعدلة جد شي بشهي كتير طبخاتك كلها طيبة وأهلا في مطبخ علا رح أعلق على الطبخات بعدين بالنسبة للرشتا اعتقد انها نفسها حراق اصبعه بالسوري بس بتعرفي من أطيب الأكلات عند ابني حمودة وخاصة انه لا يأكل الدجاج واللحمة وسلمت الأيادي |
رد: مطبخ عـُلا
اقتباس:
يسلمك ويرضا عنك كلك لطف بعض مما عندكم مأكده الله يجبر خاطرك هي نعم صحيح زاتها حراء ؤصبعو نحنا بنسميها رشتاي حموده حصتي يعني ؟ شنو انا على فكره باكلش وبحبش طبيخي !! بحوب ينطبخلي ع الجاهز تاكول ! لكن الرشتا بالزات ان عملتها انا او امي ، باكول صحن لحالي شئفه وحده ولا بيهمني ! عرفينا ع حموده شكلنا حنتفئ :) يسعدك واهلا فيكي متى ما بدك جهودك مباركه يا سلمى يسعد مساها |
رد: مطبخ عـُلا
الملوخية http://up.arab-x.com/Oct11/fDw26016.jpg المقادير : ملوخية دجاج أو لحم ... أرز + شعيرية ملح ، بهارات مشكلة ، فلفل اسود ، قرنفل ، هيل ، قرفة ، ورق غار ونعنع ، بندورة ، فلفل حار وحلو ، ماجي بصل + توم زيت زيتون + سمن ليمون http://up.arab-x.com/Oct11/gGV26016.jpg تحضير الملوخية ، بنلئط هالورئات .. ثم غسلها جيدا تقريبا سبع مرات وتنشيفها وفرمها بدرجة النعومة المرغوبة نقطع الدجاج .. ننظفه بالماء والطحين ثم ننقعه بالليمون والخل ونسلقه بالماء انا زهئت تكرار طريئت عملو هالدجاج والله ونضيف عليه خلطة الدجاج من بهارات وملح وماجي وبصل وبندوره وفلفل وهيل وورق غار ....الخ ثم نقوم بتصفية الماء من اجل استخدامه للملوخية نضع الملوخية بطنجرة الطبخ ونضيف ماء الدجاج حسب الكمية حتى تغلي ونزيل الرغوة ثم نقلي الثوم ونضيفه ، ونضيف الدجاج تطبخ على النار قليلا وتكون جاهزة http://up.arab-x.com/Oct11/PHA26016.jpg الأرز بالشعيرية كالمعتاد : يغسل وينقع بماء ساخن وقليل ملح ثم يصفى ونقلب الشعيرية بالسمن ثم نقلي معها الأرز ونضيف الماء حتى يغلي ثم يوضع على نار هادئة حتى يتنضج تماما وصحتين وعافية |
| الساعة الآن 12:21 PM. |
Powered by vBulletin® Version 3.8.3
Copyright ©2000 - 2026, Jelsoft Enterprises Ltd.
جميع المواضيع والردود المنشورة في أقلام لا تعبر إلا عن آراء أصحابها فقط